2023/09/13ko prentsa-oharra
ZERBITZUEN KOIUNTURA-INDIZEA. MERKATARITZA. 2023/II
Euskal AEko Merkataritza sektoreko salmentak % 3,0 jaitsi dira 2023ko bigarren hiruhilekoan
Aurreko hiruhilekoarekin alderatuta, jaitsiera % 1,5ekoa izan da
Eustaten datuen arabera, Merkataritza sektorea, zeinak Handizkako merkataritza, Txikizkako merkataritza eta Ibilgailu motordunen salmenta eta konponketa barne hartzen dituen, % 3,0 jaitsi da urtetik urterako balioetan 2023ko bigarren hiruhilekoan, prezio konstanteetan eta egutegiaren eraginak kendu ondoren.
Aurreko hiruhilekoarekin alderatuta, dagozkion urtaro-eraginak kenduta, salmentak % 1,5 jaitsi dira 2023ko bigarren hiruhilekoan.
Merkataritzaren barruan, salmenten urtetik urterako bilakaera positiboa izan da, bai Ibilgailu motordunen salmenta eta konponketaren sektorean (% 3,0ko hazkundea), bai Txikizkako merkataritzaren sektorean (iazko bigarren hiruhilekoan baino % 1,1 gehiago). Handizkako merkataritzaren sektorean, ordea, salmentak 2022ko bigarren hiruhilekoan baino % 6,9 txikiagoak izan dira, prezio konstanteetan eta egutegiaren eraginak kendu ondoren.
Aurreko hiruhilekoarekin alderatuta, dagozkion urtaro-eraginak kenduta, atzerakada gertatu da bai Ibilgailu motordunen salmenta eta konponketan, bai Handizkako merkataritzan, hiruhilekotik hiruhilekora % 2,0ko eta % 1,9 jaitsi baitira, hurrenez hurren.Txikizkako merkataritzaren azpisektorean, ordea, salmentak % 0,5 igo dira aurreko hiruhilekoaren aldean.
Euskal AEko zerbitzuen koiuntura-indizea. Merkataritza. Behin-behineko datuak. 2023/II
| | Prezio finkoak |
| | t / t-4 | t / t-1 | A (t) / A (t-4) |
| INDIZE OROKORRA | -3,0 | -1,5 | -1,4 |
| Ibilgailu motordunen salmenta eta konponketa | 3,0 | -2,0 | 2,6 |
| Handizkako merkataritza | -6,9 | -1,9 | -4,1 |
| Txikizkako merkataritza | 1,1 | 0,5 | 1,5 |
| | | | |
| LURRALDE HISTORIKOAK | | | |
| Araba/Álava | -5,3 | -3,3 | -1,6 |
| Bizkaia | -4,3 | -2,2 | -1,9 |
| Gipuzkoa | 0,5 | 0,6 | -0,5 |
| | | | |
| EMPLEGUA | 1,4 | 0,3 | 1,2 |
t / t-4 Urteen arteko aldakuntza. Egutegi eraginak zuzendutako datuak
t / t-1 Hiruhileko arteko aldakuntza. Datu desestazionalizatuak
A(t) / A(t-4) Urteen arteko aldakuntza urte honetan zehar. Egutegi eraginak zuzendutako datuak
Data 2023ko Irailaren 13a
Iturria: Eustat. Zerbitzuen kountura-indizea
Lurralde historikoak aztertuta, Merkataritza sektore osoan, Araban eta Bizkaian, urtetik urterako salmentak % 5,3 eta % 4,3 jaitsi dira, hurrenez hurren, prezio konstanteetan. Gipuzkoan, aldiz, salmentak % 0,5 igo dira.
2023ko lehen hiruhilekoarekin alderatuta, salmentak % 3,3 jaitsi dira Araban, eta % 2,2 Bizkaian. Gipuzkoan, aldiz, salmentak % 0,6 igo dira hiruhilekotik hiruhilekora.
Euskal AEko Merkataritza sektoreko landunen indizea % 1,4 igo da 2023ko bigarren hiruhilekoan, 2022ko bigarren hiruhilekoaren aldean. Urteko lehen hiruhilekoarekin alderatuta, % 0,3 hazi da.
INFORMAZIO-OHARRA
Eustatek eskerrak eman nahi dizkie informazioa biltzen lagundu diguten establezimendu guztiei. Haiei esker, hiruhileko honetako indizea % 95,0ko estaldurarekin kalkulatu da.
Informazio gehiago:
Eustat - Euskal Estatistika Erakundea / Instituto Vasco de Estadística
Donostia-San Sebastián kalea, 1 01010 Vitoria-Gasteiz
Prentsa-zerbitzua: servicioprensa@eustat.eus Tel.: 945 01 75 62