2023/11/23ko prentsa-oharra
INDUSTRIA-PREZIOEN INDIZEA. 2023KO URRIA
Euskal AEko industria-prezioak % 1,4 jaitsi dira 2023ko urrian, aurreko hilabetearekin alderatuta
2022ko urriarekin alderatuta, industria-prezioak % 6,0 jaitsi dira
Eustatek landutako datuen arabera, Euskal AEko industria-prezioak % 1,4 jaitsi dira 2023ko urrian, aurreko hilabetearekin alderatuta. Industria-prezioen azken hamabi hilabeteetako aldakuntza jasotzen duen urriko urtetik urterako tasa % 6,0 jaitsi da.
Azterketa zehatzago batek agerian uzten duenez, 2023ko urrian beren prezioetan aurreko hilabetearekin alderatuta jaitsierarik handienak izan dituzten sektoreak Zurgintza, papergintza eta arte grafikoak (% 5,3ko jaitsiera) eta Koke-lantegiak eta petrolio-fintzea eta Energia elektrikoa, gasa eta lurruna (% 3,4ko jaitsiera bi kasuetan) izan dira. Beren prezioetan hiletik hilera igoerarik handienak izan dituzten sektoreak, berriz, Ehungintza, jantzigintza, larrugintza eta zapatagintza (% 3,0ko igoera) eta Erauzketa-industriak (% 1,1eko igoera) izan dira.
Ondasunen helburu ekonomikoaren araberako sailkapenari jarraikiz, Energiaren prezioak % 3,6 jaitsi dira 2023ko irailarekin alderatuta. Bestalde, Ekipo-ondasunen prezioak % 0,8 jaitsi dira, eta Bitarteko ondasunen prezioak, berriz, % 0,9. Kontsumo-ondasunen prezioak, berriz, % 0,1 igo dira, Kontsumo-ondasun ez-iraunkorren prezioen % 0,2ko igoeraren eta Kontsumo-ondasun iraunkorren prezioen % 0,1eko igoeraren ondorioz.
Urtetik urtera, 2023ko urria 2022ko urriarekin alderatuta, jaitsierarik handienak honako adar hauetan gertatu dira: Energia elektrikoa, gasa eta lurruna (-% 29,2), Koke-lantegiak eta petrolio-fintzea (-% 15,5) eta Industria kimikoa (-% 7,4). Urtetik urtera prezioetan igoerarik handienak izan dituzten adarrak, berriz, honako hauek izan dira: Erauzketa-industriak (% 11,6), Kautxua, plastikoa eta beste produktu mineral ez-metaliko batzuk (% 9,6), Botiken fabrikazioa eta Ehungintza, jantzigintza, larrugintza eta zapatagintza (% 6,9).
Euskal AEko Industria prezioen indizea. Aldakuntza-tasak (p). Urria 2023
| | INDIZEA | ALDEAREN % |
| | | m / m-1 | m / m-12 |
| INDIZE OROKORRA | 129,7 | -1,4 | -6,0 |
| | | | |
| SEKTORE-BANAKETA | | | |
| Ateratze-industriak | 126,9 | 1,1 | 11,6 |
| Manufaktura-industria | 130,4 | -1,1 | -0,9 |
| Elikaduraren, edarien eta tabakoaren industria | 132,0 | 0,1 | 6,0 |
| Ehungintza, jantzigintza, larrugintza eta zapatagintza | 116,0 | 3,0 | 6,9 |
| Zurgintza, papera eta arte grafikoak | 139,9 | -5,3 | -0,6 |
| Kokeak eta petrolioa fintzen | 153,4 | -3,4 | -15,5 |
| Industria kimikoa | 144,1 | -0,7 | -7,4 |
| Botiken fabrikazioa | 130,4 | -3,1 | 6,9 |
| Kautxu eta plastikoa, beste produktu mineral ez-metalezkoak | 120,7 | -0,3 | 9,6 |
| Metalurgia eta produktu metalikoak | 138,1 | -0,5 | -2,2 |
| Informatikako, elektronikako eta optikako produktuen fabrikazioa | 120,4 | -1,2 | 2,7 |
| Material eta ekipo elektrikoen fabrikazioa | 116,7 | 0,0 | 3,4 |
| Beste inon sailkatu gabeko makineriaren eta ekipoen fabrikazioa | 115,2 | -0,3 | 4,9 |
| Garraiorako materialen fabrikazioa | 113,2 | 0,0 | 5,9 |
| Altzariak, beste manufaktura-ind., konponketa eta instalazioa | 117,9 | -2,5 | 4,0 |
| Energia elektrikoa, gasa eta lurruna | 125,7 | -3,4 | -29,2 |
| Ura | 133,0 | 0,5 | 8,2 |
| | | | |
| | | | |
| INDUSTRIA-SEKTORE HANDIEN ARABERA | | | |
| Kontsumo-ondasunak | 129,7 | 0,1 | 5,5 |
| Kontsumoondasun iraunkorrak | 118,4 | 0,1 | 5,7 |
| Kontsumoondasun ez-iraunkorrak | 131,6 | 0,2 | 5,4 |
| Ekipo-ondasunak | 118,2 | -0,8 | 4,4 |
| Bitarteko ondasunak | 133,2 | -0,9 | 0,2 |
| Energia | 141,6 | -3,6 | -23,9 |
Oinarria 2015=100
(p)Behinbehineko datuak
m / m-1: Azken hileko (m) aldakuntza-tasa, aurreko hilaren (m-1) aldean
m/m12: Azken hileko (m) aldakuntza-tasa, aurreko urteko hil beraren (m-12) aldean
Data 2023ko Azaroaren 23a
Iturria: Eustat. Industria Prezioen Indizea
Prezioen urtetik urterako aldakuntza positiboa izan da helburu ekonomikoaren arabera sailkatutako ondasun-talde handi guztietan, Energiaren kasuan izan ezik, talde horretan % 23,9ko jaitsiera izan baitute prezioek. Kontsumo-ondasunen prezioek % 5,5eko igoera izan dute, Kontsumo-ondasun ez-iraunkorren prezioen % 5,4ko igoeraren eta Kontsumo-ondasun iraunkorren prezioen % 5,7ko igoeraren ondorioz. Ekipo-ondasunen prezioak % 4,4 igo dira, eta, azkenik, Bitarteko ondasunen prezioen kasuan, igoera % 0,2koa izan da.
INFORMAZIO-OHARRA
Eustatek eskerrak eman nahi dizkie parte hartu duten establezimendu guztiei, egindako ahaleginagatik. Haiei esker, hilabete honetako indizea laginaren % 95,46ko estaldurarekin kalkulatu da.
Informazio gehiago:
Eustat - Euskal Estatistika Erakundea / Instituto Vasco de Estadística
Donostia kalea, 1 01010 Vitoria-Gasteiz
Prentsa Zerbitzua: servicioprensa@eustat.eus Tel.: 945 01 75 62