2023/11/15eko prentsa-oharra
ZERBITZUEN KOIUNTURA-INDIZEA. MERKATARITZA. 2023/III
Euskal AEko Merkataritzaren sektoreko salmentak % 2,7 jaitsi dira 2023ko hirugarren hiruhilekoan
Aurreko hiruhilekoarekin alderatuta, jaitsiera % 0,7koa izan da
Eustaten datuen arabera, Handizkako merkataritza, Txikizkako merkataritza eta Ibilgailu motordunen salmenta eta konponketa biltzen dituen Merkataritzaren sektorea % 2,7 jaitsi da urtetik urterako balioetan 2023ko hirugarren hiruhilekoan, prezio konstanteetan eta egutegi-eraginak kendu ondoren.
Aurreko hiruhilekoarekin alderatuta eta bidezko urtaro-eraginak kenduta, salmentak % 0,7 jaitsi dira 2023ko hirugarren hiruhilekoan.
Merkataritzaren barruan, salmenten urtetik urterako bilakaera positiboa izan da Ibilgailu motordunen salmenta eta konponketaren sektorean (% 6,3ko igoera) eta Txikizkako merkataritzaren sektorean (% 0,7ko igoera aurreko urteko hirugarren hiruhilekoarekin alderatuta). Handizkako merkataritzaren sektorean, berriz, salmentak % 6,6 jaitsi dira urtetik urterako balioetan.
Aurreko hiruhilekoarekin alderatuta, bidezko urtaro-eraginak kenduta, beherakada bat gertatu da Handizkako merkataritzan zein Txikizkako merkataritzan (% 1,3ko eta % 0,1eko jaitsiera, hurrenez hurren). Ibilgailuen salmenta eta konponketaren azpisektorean, berriz, salmentek % 1,7ko igoera izan dute aurreko hiruhilekoarekin alderatuta.
Euskal AEko zerbitzuen koiuntura-indizea. Merkataritza. Behin-behineko datuak. 2023/III
| | Prezio finkoak |
| | t / t-4 | t / t-1 | A (t) / A (t-4) |
| INDIZE OROKORRA | -2,7 | -0,7 | -1,8 |
| Ibilgailu motordunen salmenta eta konponketa | 6,3 | 1,7 | 3,8 |
| Handizkako merkataritza | -6,6 | -1,3 | -4,8 |
| Txikizkako merkataritza | 0,7 | -0,1 | 1,1 |
| | | | |
| LURRALDE HISTORIKOAK | | | |
| Araba/Álava | -2,6 | 0,1 | -2,0 |
| Bizkaia | -2,1 | -0,2 | -1,6 |
| Gipuzkoa | -3,6 | -1,8 | -1,9 |
| | | | |
| ENPLEGUA | 1,3 | 0,4 | 1,2 |
t / t-4 Urteen arteko aldakuntza. Egutegi eraginak zuzendutako datuak
t / t-1 Hiruhileko arteko aldakuntza. Datu desestazionalizatuak
A(t) / A(t-4) Urteen arteko aldakuntza urte honetan zehar. Egutegi eraginak zuzendutako datuak
Data 2023ko Azaroaren 15a
Iturria: Eustat. Zerbitzuen kountura-indizea
Merkataritzaren sektoreko salmentek, prezio konstanteetan, urtetik urterako beherakada bat izan dute hiru lurralde historikoetan. Gipuzkoan, jaitsiera % 3,6koa izan da, Araban % 2,6koa eta, azkenik, Bizkaian % 2,1ekoa.
2023ko bigarren hiruhilekoarekin alderatuta, Gipuzkoako salmentek % 1,8ko jaitsiera izan dute, eta Bizkaikoek, berriz, % 0,2koa. Araban, berriz, salmentak % 0,1 igo dira aurreko hiruhilekoarekin alderatuta.
Euskal AEko Merkataritzaren sektoreko landunen indizeak % 1,3ko igoera izan du 2023ko hirugarren hiruhilekoan, 2022ko hirugarren hiruhilekoarekin alderatuta. Urteko bigarren hiruhilekoarekin alderatuta, berriz, igoera % 0,4ra iritsi da.
INFORMAZIO-OHARRA
Eustatek eskerrak eman nahi dizkie informazioa biltzen lagundu duten establezimendu guztiei. Haiei esker, hiruhileko honetako indizea % 96,3ko estaldurarekin kalkulatu da.
Informazio gehiago:
Eustat - Euskal Estatistika Erakundea / Instituto Vasco de Estadística
Donostia kalea, 1 01010 Vitoria-Gasteiz
Prentsa Zerbitzua: servicioprensa@eustat.eus Tel.: 945 01 75 62