2023/12/26ko prentsa oharra
MERKATARITZA-INDIZEA AZALERA HANDIETAN ETA ELIKADURA-KATE HANDIETAN. 2023KO AZAROA
Euskal AEko azalera handietako eta elikadura-kate handietako salmentak % 0,3 jaitsi dira 2023ko azaroan
2023ko lehen hamaika hiletako balantzea % 0,2ko igoerarekin itxi da
Eustaten datuen arabera, Euskal AEko azalera handietako eta elikadura-kate handietako salmentak % 0,3 jaitsi dira 2023ko azaroan, aurreko urteko hil berarekin alderatuta, prezio konstanteetan eta lan-egutegiko baldintza homogeneoetan.
Aurreko hilarekin, hau da, 2023ko urriarekin alderatuta, eta dagozkion urtaro-eraginak kenduta, prezio konstanteetan egindako salmentak % 0,1 jaitsi dira azaroan.
Hiletik hilerako salmentak % 0,8 jaitsi dira Elikaduraren sektorean, eta % 1,2 igo dira Gainerako produktuen sektorean.
Urtetik urtera, 2023ko azaroa 2022ko azaroarekin alderatuta, prezio konstanteetako salmentak % 1,3 jaitsi dira Elikaduran, eta % 1,6 igo dira Gainerako produktuetan.
Euskal AEko azalera handietako eta elikadura kate handietako merkataritzaren indizea.Urte arteko eta hilabete arteko aldakuntza-tasak (p). Azaroa 2023
| | Prezio finkoak |
| | m / m-12 | m / m-1 | A (m) /A (m-12) |
| INDIZE OROKORRA lurralde historikoaren arabera | | | |
| Euskal AE | -0,3 | -0,1 | 0,2 |
| Araba/Álava | 0,3 | 0,3 | -1,8 |
| Bizkaia | -0,3 | -0,2 | 0,6 |
| Gipuzkoa | -0,5 | -0,1 | 0,6 |
| | | | |
| INDIZE OROKORRA sektorearen arabera | | | |
| Janariak | -1,3 | -0,8 | 0,3 |
| Gainerako produktuak | 1,6 | 1,2 | 0,1 |
| | | | |
| LANGILERIA-INDIZEA | | | |
| Euskal AE | 2,7 | 1,1 | 3,2 |
(p)Behinbehineko datuak
m / m-12 Urteen arteko aldakuntza. Egutegi eraginak zuzendutako datuak
m / m-1 Hilabeteen arteko aldakuntza. Datu desestazionalizatuak
A(m)/A(m-12) Urtarriletik hil korrientera arte metatutako aldiaren urte arteko aldakuntza-tasa, aurreko urteko aldi metatu beraren aldean
Data 2023ko Abenduaren 26a
Iturria: Eustat. Merkataritza indizea azalera handietan eta elikadura kate handietan (AHEK)
Azalera handietako eta elikadura-kate handietako salmentak, urtetik urtera, prezio konstanteetan eta egutegiko baldintza homogeneoetan, % 0,3 igo dira Araban. Bizkaian eta Gipuzkoan, berriz, % 0,3 eta % 0,5 jaitsi dira, hurrenez hurren.
Aurreko hilarekin alderatuta, salmentek % 0,3ko igoera izan dute Araban. Bizkaian eta Gipuzkoan, berriz, hiletik hilerako % 0,2ko eta % 0,1eko jaitsiera izan dute.
Euskal AEko azalera handietan eta elikadura-kate handietan diharduten langileen kopuruak % 2,7ko igoera izan du 2022ko azaroarekin alderatuta. Aurreko hilarekin alderatuta, berriz, langileen indizea % 1,1 igo da.
2023KO HAMAIKA HILETAKO ALDI METATUAREN BALANTZEA
2023ko lehen hamaika hiletan, azalera handietako eta elikadura-kate handietako salmentek % 0,2ko igoera metatua izan dute. Elikaduraren sektorean, igoera % 0,3ra iritsi da, eta Gainerako produktuen sektorean, berriz, % 0,1era.
Azarora arte metatutako aldakuntza positiboa izan da Bizkaian eta Gipuzkoan, % 0,6ko igoera izan baita bi kasuetan. Araban, berriz, salmentak aurreko urteko aldi berean baino % 1,8 txikiagoak izan dira.
Azkenik, sektoreko landunen indizeak % 3,2ko igoera metatua izan du urteko lehen hamaika hiletan.
INFORMAZIO-OHARRA
Urtetik urterako aldakuntzak egutegiaren eraginak zuzenduta dituzten serieetan oinarrituta kalkulatzen dira, eta hiletik hilerako aldakuntzak, berriz, urtarokotasuna kontuan hartzen ez duten serieetan oinarrituta.
Eustatek eskerrak eman nahi dizkie Merkataritza-indizea azalera handietan eta elikadura-kate handietan egiten lagundu duten establezimendu guztiei. Haiei esker, hil honetako indizea % 100eko estaldurarekin kalkulatu da.
Informazio gehiago:
Eustat - Euskal Estatistika Erakundea / Instituto Vasco de Estadística
Donostia kalea, 1 01010 Vitoria-Gasteiz
Prentsa Zerbitzua: servicioprensa@eustat.eus Tel.: 945 01 75 62