2024/01/24ko prentsa-oharra
INDUSTRIA-PREZIOEN INDIZEA. 2023ko ABENDUA
Euskal AEko industria-prezioak % 1,3 jaitsi dira 2023ko abenduan, aurreko hilaren aldean
2022ko abenduaren aldean, industria-prezioek % 5,9ko jaitsiera izan dute
Eustatek bildutako datuen arabera, Euskal AEko industria-prezioek % 1,3 egin dute behera 2023ko abenduan, aurreko hilaren aldean. Abenduko urte arteko tasak (azken hamabi hilabeteetan industria-prezioek izandako aldakuntza laburbiltzen duena) % 5,9 egin du atzera.
Azterketa xeheago batek agerian uzten du 2023ko abenduan Koke-lantegiak eta petrolio-fintzea (% 5,2) eta Energia elektrikoa, gasa eta lurruna (% 3,7) sektoreek izan dituztela jaitsiera handienak prezioetan, aurreko hilaren aldean. Aitzitik, prezioetan hilabete arteko igoerarik handienak izan zituzten sektoreak Altzariak, beste manufaktura-industria batzuk, konponketa eta instalazioa (% 0,6) eta Erauzketa-industriak (% 0,4) izan ziren.
Helburu ekonomikoaren araberako ondasunen sailkapenari jarraituz, 2023ko azaroaren aldean Energiaren prezioak % 5,0 jaitsi dira. Kontsumo-ondasunek % 0,8ko jaitsiera izan dute prezioetan, Kontsumo ez iraunkorreko ondasunen prezioak % 0,9 jaitsi direlako, Kontsumo iraunkorreko ondasunen prezioak konstante mantendu direlako. Bitarteko ondasunen prezioak % 0,4 jaitsi dira eta Ekipamenduko ondasunenak % 0,1.
Urte arteko datuetan, 2023ko abendua 2022ko abenduaren aldean, prezio-jaitsierarik handienak honako arlo hauek izan dituzte: Energia elektrikoa, gasa eta lurruna (% 41,9), Koke-lantegiak eta petrolio-fintzea (% 8,8) eta Industria kimikoa (% 5,7). Aitzitik, urte artean igoerarik handiena izan duten prezioak honakoak izan dira: Erauzketa-industriak (% 11,3), Kautxua, plastikoa eta bestelako produktu mineral ez-metalikoak (% 9,1) eta Ura ( % 7,6).
Euskal AEko Industria prezioen indizea. Aldakuntza-tasak (p). Abendua 2023
| | INDIZEA | ALDEAREN % |
| | | m / m-1 | m / m-12 |
| INDIZE OROKORRA | 122,6 | -1,3 | -5,9 |
| | | | |
| SEKTORE-BANAKETA | | | |
| Ateratze-industriak | 131,1 | 0,4 | 11,3 |
| Manufaktura-industria | 128,5 | -1,0 | 1,1 |
| Elikaduraren, edarien eta tabakoaren industria | 131,3 | -0,8 | 3,5 |
| Ehungintza, jantzigintza, larrugintza eta zapatagintza | 116,3 | -0,4 | 4,8 |
| Zurgintza, papera eta arte grafikoak | 139,6 | -0,5 | -2,3 |
| Kokeak eta petrolioa fintzen | 135,0 | -5,2 | -8,8 |
| Industria kimikoa | 145,2 | 0,3 | -5,7 |
| Botiken fabrikazioa | 130,0 | 0,3 | 6,0 |
| Kautxu eta plastikoa, beste produktu mineral ez-metalezkoak | 120,3 | -0,2 | 9,1 |
| Metalurgia eta produktu metalikoak | 138,7 | -0,7 | 0,2 |
| Informatikako, elektronikako eta optikako produktuen fabrikazioa | 119,9 | -0,3 | 4,8 |
| Material eta ekipo elektrikoen fabrikazioa | 116,7 | 0,0 | 3,0 |
| Beste inon sailkatu gabeko makineriaren eta ekipoen fabrikazioa | 115,6 | 0,0 | 5,4 |
| Garraiorako materialen fabrikazioa | 113,8 | 0,1 | 6,0 |
| Altzariak, beste manufaktura-ind., konponketa eta instalazioa | 119,1 | 0,6 | 4,0 |
| Energia elektrikoa, gasa eta lurruna | 87,0 | -3,7 | -41,9 |
| Ura | 131,9 | 0,0 | 7,6 |
| | | | |
| INDUSTRIA-SEKTORE HANDIEN ARABERA | | | |
| Kontsumo-ondasunak | 129,3 | -0,8 | 3,4 |
| Kontsumoondasun iraunkorrak | 118,9 | 0,0 | 5,3 |
| Kontsumoondasun ez-iraunkorrak | 131,0 | -0,9 | 3,1 |
| Ekipo-ondasunak | 118,4 | -0,1 | 4,9 |
| Bitarteko ondasunak | 133,6 | -0,4 | 1,4 |
| Energia | 109,5 | -5,0 | -28,2 |
Oinarria 2015=100
(p)Behinbehineko datuak
m / m-1: Azken hileko (m) aldakuntza-tasa, aurreko hilaren (m-1) aldean
m/m12: Azken hileko (m) aldakuntza-tasa, aurreko urteko hil beraren (m-12) aldean
Data 2024ko Urtarrilaren 24a
Iturria: Eustat. Industria Prezioen Indizea
Prezioen urte arteko aldakuntza positiboa izan da ondasun talde handi guztietan helburu ekonomikoaren arabera, Energian izan ezik, non % 28,2ko jaitsiera izan den. Kontsumo-ondasunen prezioak % 3,4 igo dira, Kontsumo iraunkorreko ondasunak % 5,3 igo direlako eta Kontsumo ez-iraunkorreko ondasunak % 3,1. Ekipamenduko ondasunen prezioak % 4,9 igo dira eta, azkenik, Bitarteko ondasunenak % 1,4.
INFORMAZIO-OHARRA
Eustatek eskerrak eman dizkie parte hartu duten establezimendu guztiei egin duten esfortzuagatik. Haiei esker, hilabete honetako indizea laginaren % 95,07ko estaldurarekin kalkulatu da.
Informazio gehiago nahi izanez gero:
Eustat - Euskal Estatistika Erakundea / Instituto Vasco de Estadística
Donostia-San Sebastián kalea, 1 01010 Vitoria-Gasteiz
Prentsa-zerbitzua: servicioprensa@eustat.eus Tel.: 945 01 75 62