2024/01/29ko prentsa-oharra
MERKATARITZA-INDIZEA AZALERA HANDIETAN ETA ELIKADURA-KATE HANDIETAN. 2023ko ABENDUA
Euskal AEn, azalera handietako eta elikadura-kate handietako salmentak %0,2 hazi dira 2023an
Elikaduraren sektorean salmentak %0,5 areagotu dira, eta Gainerako produktuetan %0,3 jaitsi dira
Eustaten datuen arabera, 2023. urte osoan, azalera handietako eta elikadura-kate handietako salmentek %0,2ko hazkunde metatua izan dute. Elikaduraren sektorean, salmentek %0,5 egin dute gora, eta Gainerako produktuek %0,3 egin dute atzera.
2023ko abenduan, Euskal AEko azalera handietako eta elikadura-kate handietako salmentek %0,3ko jaitsiera izan dute, aurreko urteko hil beraren aldean, prezio konstanteetan eta lan-egutegiko baldintza homogeneoetan. Aurreko hilaren, 2023ko azaroaren aldean, eta dagozkion urtaro-ondorioak kenduta, prezio finkoko salmentak %0,5 jaitsi dira abenduan.
Hiletik hilera, salmentak %0,4 igo dira Elikaduran eta Gainerako produktuetan %2,3 jaitsi dira.
Urte arteko datuei dagokienez, 2023ko abendua eta 2022ko abendua alderatuta, prezio finkoetan salmentak %1,9 igo dira Elikaduran eta %4,2 jaitsi dira Gainerako produktuetan.
Euskal AEko azalera handietako eta elikadura kate handietako merkataritzaren indizea.Urte arteko eta hilabete arteko aldakuntza-tasak (p). Abendua 2023 (P)
| | Prezio finkoak |
| | m / m-12 | m / m-1 | A (m) /A (m-12) |
| INDIZE OROKORRA lurralde historikoaren arabera | | | |
| Euskal AE | -0,3 | -0,5 | 0,2 |
| Araba/Álava | 1,6 | -0,2 | -1,4 |
| Bizkaia | -1,1 | -0,1 | 0,4 |
| Gipuzkoa | 0,4 | -1,4 | 0,6 |
| | | | |
| INDIZE OROKORRA sektorearen arabera | | | |
| Janariak | 1,9 | 0,4 | 0,5 |
| Gainerako produktuak | -4,2 | -2,3 | -0,3 |
| | | | |
| LANGILERIA-INDIZEA | | | |
| Euskal AE | 1,9 | -0,6 | 3,1 |
(p)Behinbehineko datuak
m / m-12 Urteen arteko aldakuntza. Egutegi eraginak zuzendutako datuak
m / m-1 Hilabeteen arteko aldakuntza. Datu desestazionalizatuak
A(m)/A(m-12) Urtarriletik hil korrientera arte metatutako aldiaren urte arteko aldakuntza-tasa, aurreko urteko aldi metatu beraren aldean
Data 2024ko Urtarrilaren 29a
Iturria: Eustat. Merkataritza indizea azalera handietan eta elikadura kate handietan (AHEK)
Azalera handietako eta elikadura-kate handietako salmentek gora egin dute urtetik urtera, prezio konstanteetan eta egutegiko baldintza homogeneoetan: %1,6 Araban eta %0,4 Gipuzkoan. Bizkaian, aldiz, %1,1 jaitsi dira.
Euskal AEko azalera handietako eta elikadura-kate handietako landunen kopurua %1,9 gehitu da 2022ko abenduaren aldean. Aurreko hilaren aldean, langileen indizea %0,6 jaitsi da.
2023ko BALANTZEA
2023. urte osoan, azalera handietako eta elikadura-kate handietako salmentek %0,2ko hazkunde metatua izan dute. Elikaduraren sektorean, salmentek %0,5 egin dute gora, eta Gainerako produktuek %0,3 egin dute behera.
Lurralde historikoka metatutako aldakuntza positiboa izan da Gipuzkoan eta Bizkaian, %0,6 eta %0,4ko gehikuntzekin, hurrenez hurren. Araban, aldiz, salmentak 2023an 2022an baino %1,4 txikiagoak izan dira.
Sektoreko landunen indizeak, azkenik, %3,1eko hazkundea izan du, aurreko urtean izandakoen aldean.
INFORMAZIO-OHARRAUrte arteko aldakuntzak egutegiaren eraginak zuzenduta dituzten serieetan oinarrituta kalkulatzen dira, eta hiletik hilerako aldakuntzak, berriz, urtarokotasuna kontuan hartzen ez duten serietatik abiatuta.
Eustatek eskerrak eman nahi dizkie Merkataritza-indizea azalera handietan eta elikadura-kate handietam egiten lagundu duten establezimendu guztiei. Horiei esker, hilabete honetako indizea %100eko estaldurarekin kalkulatu da.
Informazio gehiago:
Eustat - Euskal Estatistika Erakundea / Instituto Vasco de Estadística
C/ Donostia-San Sebastián, 1 01010 Vitoria-Gasteiz
Prentsa-zerbitzua: servicioprensa@eustat.eus Tlf: 945 01 75 62