2024/02/22ko prentsa-oharra
INDUSTRIA-PREZIOEN INDIZEA. 2024KO URTARRILA
Euskal AEko industria-prezioak % 1,4 igo dira 2024ko urtarrilean, aurreko hilarekin alderatuta
2023ko urtarrilarekin alderatuta, industria-prezioak % 5,2 jaitsi dira
Eustaten datuen arabera, Euskal AEko industria-prezioek % 1,4ko igoera izan dute 2024ko urtarrilean, aurreko hilarekin alderatuta. Industria-prezioen azken hamabi hilabeteetako aldakuntza jasotzen duen urtarrileko urtetik urterako tasa % 5,2 jaitsi da.
Azterketa zehatzago batek agerian uzten duenez, 2024ko urtarrilean beren prezioetan aurreko hilarekin alderatuta igoerarik handienak izan dituzten sektoreak Botiken fabrikazioa (% 7,2ko igoera) eta Energia elektrikoa, gasa eta lurruna (% 5,8ko igoera) izan dira. Aldiz, prezioetan hiletik hilerako jaitsierak izan dituzten sektoreak Ehungintza, jantzigintza, larrugintza eta zapatagintza (% 1,8ko jaitsiera), Koke-lantegiak eta petrolio-fintzea eta Industria kimikoa (% 0,8ko jaitsiera bi kasuetan) izan dira.
Ondasunen helburu ekonomikoaren araberako sailkapenari jarraikiz, Energiaren prezioak % 2,3 igo dira 2023ko abenduarekin alderatuta. Kontsumo-ondasunen prezioak, berriz, % 0,9 igo dira, Kontsumo-ondasun iraunkorren prezioen % 1,3ko igoeraren eta Kontsumo-ondasun ez-iraunkorren prezioen % 0,8ko igoeraren ondorioz. Bestalde, Bitarteko ondasunen prezioak % 1,3 igo dira, eta Ekipo-ondasunen prezioak, berriz, % 0,9.
Urtetik urtera, 2024ko urtarrila 2023ko urtarrilarekin alderatuta, prezioen jaitsierarik handienak honako adar hauetan gertatu dira: Energia elektrikoa, gasa eta lurruna (-% 28,9), Koke-lantegiak eta petrolio-fintzea (-% 13,9) eta Zurgintza, papergintza eta arte grafikoak (-% 6,8). Urtetik urtera prezioetan igoerarik handienak izan dituzten adarrak, berriz, honako hauek izan dira: Botiken fabrikazioa (% 12,2), Erauzketa-industriak (% 5,9) eta Garraio-materialaren fabrikazioa (% 5,5).
Euskal AEko Industria prezioen indizea. Aldakuntza-tasak (p). Urtarrila 2024
| | INDIZEA | ALDEAREN % |
| | | m / m-1 | m / m-12 |
| INDIZE OROKORRA | 125,3 | 1,4 | -5,2 |
| | | | |
| SEKTORE-BANAKETA | | | |
| Ateratze-industriak | 131,2 | 0,0 | 5,9 |
| Manufaktura-industria | 129,8 | 0,9 | -1,2 |
| Elikaduraren, edarien eta tabakoaren industria | 132,0 | 0,5 | 1,6 |
| Ehungintza, jantzigintza, larrugintza eta zapatagintza | 114,2 | -1,8 | -2,1 |
| Zurgintza, papera eta arte grafikoak | 142,7 | 2,4 | -6,8 |
| Kokeak eta petrolioa fintzen | 133,9 | -0,8 | -13,9 |
| Industria kimikoa | 144,4 | -0,8 | -5,4 |
| Botiken fabrikazioa | 142,3 | 7,2 | 12,2 |
| Kautxu eta plastikoa, beste produktu mineral ez-metalezkoak | 121,8 | 0,3 | 2,1 |
| Metalurgia eta produktu metalikoak | 141,3 | 1,8 | 0,2 |
| Informatikako, elektronikako eta optikako produktuen fabrikazioa | 121,1 | 1,1 | -0,9 |
| Material eta ekipo elektrikoen fabrikazioa | 118,7 | 1,7 | 2,7 |
| Beste inon sailkatu gabeko makineriaren eta ekipoen fabrikazioa | 116,8 | 1,1 | 2,4 |
| Garraiorako materialen fabrikazioa | 113,8 | 0,0 | 5,5 |
| Altzariak, beste manufaktura-ind., konponketa eta instalazioa | 121,1 | 1,5 | 0,3 |
| Energia elektrikoa, gasa eta lurruna | 98,2 | 5,8 | -28,9 |
| Ura | 132,6 | 0,5 | 1,7 |
| | | | |
| INDUSTRIA-SEKTORE HANDIEN ARABERA | | | |
| Kontsumo-ondasunak | 130,5 | 0,9 | 2,1 |
| Kontsumoondasun iraunkorrak | 120,5 | 1,3 | 4,5 |
| Kontsumoondasun ez-iraunkorrak | 132,2 | 0,8 | 1,7 |
| Ekipo-ondasunak | 119,4 | 0,9 | 2,7 |
| Bitarteko ondasunak | 135,7 | 1,3 | -0,2 |
| Energia | 112,6 | 2,3 | -24,9 |
Oinarria 2015=100
(p)Behinbehineko datuak
m / m-1: Azken hileko (m) aldakuntza-tasa, aurreko hilaren (m-1) aldean
m/m12: Azken hileko (m) aldakuntza-tasa, aurreko urteko hil beraren (m-12) aldean
Data 2024ko Otsailaren 22a
Iturria: Eustat. Industria Prezioen Indizea
Helburu ekonomikoaren arabera sailkatutako ondasun-talde handien prezioen urtetik urterako aldakuntza negatiboa izan da Energiaren kasuan (% 24,9ko jaitsiera) eta Bitarteko ondasunen kasuan (% 0,2ko jaitsiera). Ekipo-ondasunen prezioek % 2,7ko igoera izan dute, eta Kontsumo-ondasunen prezioek, berriz, % 2,1ekoa, Kontsumo-ondasun iraunkorren prezioen % 4,5eko igoeraren eta Kontsumo-ondasun ez-iraunkorren prezioen % 1,7ko igoeraren ondorioz.
INFORMAZIO-OHARRA
Eustatek eskerrak eman nahi dizkie parte hartu duten establezimendu guztiei, egindako ahaleginagatik. Haiei esker, hilabete honetako indizea laginaren % 90,53ko estaldurarekin kalkulatu da.
Informazio gehiago:
Eustat - Euskal Estatistika Erakundea / Instituto Vasco de Estadística
Donostia kalea, 1 01010 Vitoria-Gasteiz
Prentsa Zerbitzua: servicioprensa@eustat.eus Tel.: 945 01 75 62