2024/02/28ko prentsa-oharra
MERKATARITZA-INDIZEA AZALERA HANDIETAN ETA ELIKADURA-KATE HANDIETAN. 2024ko URTARRILA
Azalera handiko saltokietako eta elikadura-kate handietako salmentak %2,9 jaitsi dira 2024ko urtarrilean Euskal AEn
Aurreko hilaren aldean, 2023ko abendua, salmentak %0,1 igo dira
Eustaten datuen arabera, eta lan-egutegi homogeneoetan, Euskal AEko azalera handietako eta elikadura-kate handietako salmentak %2,9 gutxitu dira 2024ko urtarrilean, aurreko urteko hil beraren aldean.
2023ko abenduarekin alderatuta, dagozkion urtaro-ondorioak kenduta, prezio finkoko salmentak %0,1 igo dira urtarrilean.
Elikaduraren sektorean, prezio finkoko salmentak %0,2 hazi dira hilabete artean. Gainerako produktuen sektorean, aldiz, salmentak %0,2 jaitsi dira aurreko hilaren aldean.
Urte arteko terminoetan, 2024ko urtarrila eta 2023ko urtarrila, prezio finkoko salmenten bilakaera negatiboa izan da bai Elikaduran, %1,5eko jaitsiera izan baitu, bai Gainerako produktuetan, %5,1ekoa.
Euskal AEko azalera handietako eta elikadura kate handietako merkataritzaren indizea.Urte arteko eta hilabete arteko aldakuntza-tasak (p). Urtarrila 2024
| | Prezio finkoak |
| | m / m-12 | m / m-1 | A (m) /A (m-12) |
| INDIZE OROKORRA lurralde historikoaren arabera | | | |
| Euskal AE | -2,9 | 0,1 | -2,9 |
| Araba/Álava | -2,5 | -0,6 | -2,5 |
| Bizkaia | -3,4 | 0,0 | -3,4 |
| Gipuzkoa | -2,1 | 0,5 | -2,1 |
| | | | |
| INDIZE OROKORRA sektorearen arabera | | | |
| Janariak | -1,5 | 0,2 | -1,5 |
| Gainerako produktuak | -5,1 | -0,2 | -5,1 |
| | | | |
| LANGILERIA-INDIZEA | | | |
| Euskal AE | 1,7 | 0,1 | 1,7 |
(p)Behinbehineko datuak
m / m-12 Urteen arteko aldakuntza. Egutegi eraginak zuzendutako datuak
m / m-1 Hilabeteen arteko aldakuntza. Datu desestazionalizatuak
A(m)/A(m-12) Urtarriletik hil korrientera arte metatutako aldiaren urte arteko aldakuntza-tasa, aurreko urteko aldi metatu beraren aldean
Data 2024ko Otsailaren 28a
Iturria: Eustat. Merkataritza indizea azalera handietan eta elikadura kate handietan (AHEK)
2024ko urtarrilean, azalera handietako eta elikadura-kate handietako salmentek urte arteko emaitza negatiboak izan dituzte hiru lurraldeetan. Hala, Bizkaiko salmentak, prezio finkoetan eta lan-egutegi homogeneoan, %3,4 jaitsi dira, Araban %2,5 eta Gipuzkoan %2,1.
2023ko abenduaren aldean, hau da, hilabete arteko terminoetan, salmentak %0,5 igo dira Gipuzkoan, finko mantendu dira Bizkaian eta %0,6 jaitsi dira Araban.
Euskal AEko azalera handietako eta elikadura-kate handietako langileen kopurua %1,7 igo da 2023ko urtarrilaren aldean. Hil artean, langileen indizeak %0,1 egin du gora.
INFORMAZIO-OHARRA
Urte arteko aldakuntzak egutegiko efektuak zuzenduta dituzten serieetatik abiatuta kalkulatzen dira, eta hilabete artekoak urtaroen eragina kendutakoetatik.
Eustatek eskerrak eman nahi dizkie azalera handietako eta elikadura-kate handietako merkataritzaren indizea egiten lagundu duten establezimendu guztiei. Horiei esker, hilabete honetako indizea %100eko estaldurarekin kalkulatu da.
Informazio gehiago:
Eustat - Euskal Estatistika Erakundea / Instituto Vasco de Estadística
C/ Donostia-San Sebastián, 1 01010 Vitoria-Gasteiz
Prentsa-zerbitzua: servicioprensa@eustat.eus Tlf: 945 01 75 62