2024/04/26ko prentsa-oharra
MERKATARITZA-INDIZEA AZALERA HANDIETAN ETA ELIKADURA-KATE HANDIETAN. 2024ko MARTXOA
Euskal AEko azalera handietako eta elikadura-kate handietako salmentak %0,9 jaitsi dira 2024ko martxoan
Lehen hiruhilekoko metatuan, salmentak %0,6 jaitsi dira, baina langile okupatuak %2,1 gehitu dira
Eustatek landutako datuen arabera, Euskal AEko azalera handietako eta elikadura-kate handietako salmentak %0,9 gutxitu ziren 2024ko martxoan, aurreko urteko hil beraren aldean, prezio konstanteetan eta lan-egutegiko baldintza homogeneoetan.
2024ko otsailari dagokionez, dagozkion urtaro-eraginak kenduta, prezio finkoetako salmentak %2,9 jaitsi dira.
Elikaduraren sektorean, prezio finkoetako salmentak %2,7 gutxitu dira hil artean. Gainerako produktuen sektorean, berriz, salmentak %3,1 jaitsi dira.
Urte artean, 2024ko martxoan eta 2023ko martxoan, prezio finkoetako salmentak %0,3 gehitu dira Elikaduran; Gainerako produktuetan, berriz, %3,2 jaitsi dira.
Euskal AEko azalera handietako eta elikadura kate handietako merkataritzaren indizea.Urte arteko eta hilabete arteko aldakuntza-tasak (p). Martxoa 2024
| | Prezio finkoak |
| | m / m-12 | m / m-1 | A (m) /A (m-12) |
| INDIZE OROKORRA lurralde historikoaren arabera | | | |
| Euskal AE | -0,9 | -2,9 | -0,6 |
| Araba/Álava | 1,6 | -2,2 | 0,9 |
| Bizkaia | -3,2 | -3,8 | -1,8 |
| Gipuzkoa | 2,5 | -1,6 | 0,9 |
| | | | |
| INDIZE OROKORRA sektorearen arabera | | | |
| Janariak | 0,3 | -2,7 | 0,3 |
| Gainerako produktuak | -3,2 | -3,1 | -2,3 |
| | | | |
| LANGILERIA-INDIZEA | | | |
| Euskal AE | 1,7 | 0,0 | 2,1 |
(p)Behinbehineko datuak
m / m-12 Urteen arteko aldakuntza. Egutegi eraginak zuzendutako datuak
m / m-1 Hilabeteen arteko aldakuntza. Datu desestazionalizatuak
A(m)/A(m-12) Urtarriletik hil korrientera arte metatutako aldiaren urte arteko aldakuntza-tasa, aurreko urteko aldi metatu beraren aldean
Data 2024ko Apirilaren 26a
Iturria: Eustat. Merkataritza indizea azalera handietan eta elikadura kate handietan (AHEK)
2024ko martxoan azalera handietako eta elikadura-kate handietako salmentak %2,5 gehitu dira urte artean Gipuzkoan eta %1,6 Araban; Bizkaian, berriz, %3,2 jaitsi dira, prezio konstanteetan eta lan-egutegiko baldintza homogeneoetan.
Euskal AEko azalera handietako eta elikadura-kate handietako enplegatuak %1,7 gehitu dira 2023ko martxoaren aldean. Hilabete arteko datuei dagokienez, langileen indizea konstantea izan da.
Lehen hiruhilekoko metatuan, salmentak %0,6 jaitsi dira; %0,3ko igoera Elikaduran eta %2,3ko jaitsiera Gainerako produktuetan. Lurralde historikoen arabera, Bizkaiak bakarrik izan ditu datu negatiboak hiruhilekoko salmenten metatuan (%1,8). Araban eta Gipuzkoan %0,9ko igoera izan da bi kasuetan, hori guztia prezio konstanteetan eta lan-egutegiko baldintza homogeneoetan. Enplegatuek %2,1eko gehikuntza metatua izan dute.
INFORMAZIO-OHARRA
Urte arteko aldakuntzak egutegiaren eraginak zuzenduta dituzten serieetatik abiatuta kalkulatzen dira, eta hilabete artekoak urtaroen eragina kendutakoetatik.
Eustatek eskerrak eman nahi dizkie azalera handietako eta elikadura-kate handietako merkataritzaren indizea egiten lagundu duten establezimendu guztiei. Horiei esker, hilabete honetako indizea %89,2ko estaldurarekin kalkulatu da.
Informazio gehiago:
Eustat - Euskal Estatistika Erakundea / Instituto Vasco de Estadística
C/ Donostia-San Sebastián, 1 01010 Vitoria-Gasteiz
Prentsa-zerbitzua: servicioprensa@eustat.eus Tlf: 945 01 75 62