2024/05/28ko prentsa-oharra
MERKATARITZA-INDIZEA AZALERA HANDIETAN ETA ELIKADURA-KATE HANDIETAN. 2024ko APIRILA
Euskal AEko azalera handietako eta elikadura-kate handietako salmentak % 1,0 jaitsi dira 2024ko apirilean
Aurreko hilarekin alderatuta, salmentak % 0,4 jaitsi dira
Eustaten datuen arabera, eta joan den hilarekin alderatuta, Euskal AEko azalera handietako eta elikadura-kate handietako salmentak % 1,0 gutxitu ziren 2024ko apirilean, prezio konstanteetan.
2024ko martxoarekin alderatuta, prezio konstanteetako salmentak % 0,4 jaitsi dira.
Elikaduraren sektorean, prezio konstanteetako salmentak % 0,9 gutxitu dira hilabete artean. Gainerako produktuen sektorean, berriz, salmentak % 0,4 igo dira.
Urtetik urterako balioetan, 2024ko apirilean, 2023ko apirilaren aldean, prezio konstanteetako salmentak % 0,8 murriztu dira Elikaduran, eta % 1,3 Gainerako produktuetan.
Euskal AEko azalera handietako eta elikadura kate handietako merkataritzaren indizea.Urte arteko eta hilabete arteko aldakuntza-tasak (p). Iraila 2024
| | Prezio finkoak |
| | m / m-12 | m / m-1 | A (m) /A (m-12) |
| INDIZE OROKORRA lurralde historikoaren arabera | | | |
| Euskal AE | 1,0 | 0,4 | 0,0 |
| Araba/Álava | 0,8 | 0,3 | -0,2 |
| Bizkaia | 1,9 | 0,7 | -0,2 |
| Gipuzkoa | -0,5 | -0,1 | 0,3 |
| | | | |
| INDIZE OROKORRA sektorearen arabera | | | |
| Janariak | -0,9 | -0,4 | 0,4 |
| Gainerako produktuak | 4,7 | 1,9 | -0,8 |
| | | | |
| ENPLEGU-INDIZEA | | | |
| Euskal AE | 0,7 | -0,6 | 1,3 |
(p)Behinbehineko datuak
m / m-12 Urteen arteko aldakuntza. Egutegi eraginak zuzendutako datuak
m / m-1 Hilabeteen arteko aldakuntza. Datu desestazionalizatuak
A(m)/A(m-12) Urtarriletik hil korrientera arte metatutako aldiaren urte arteko aldakuntza-tasa, aurreko urteko aldi metatu beraren aldean
Data 2024ko Urriaren 28a
Iturria: Eustat. Merkataritza indizea azalera handietan eta elikadura kate handietan (AHEK)
Urtetik urterako balioetan, Bizkaian % 1,7 jaitsi dira azalera handietako eta elikadura-kateetako salmentak eta % 1,3 Araban. Gipuzkoan, aldiz, salmentak % 0,4 igo dira prezio konstanteetan.
Aurreko hilarekin, hau da, 2024ko martxoarekin alderatuta, salmentek behera egin dute bai Bizkaian bai Araban, % 0,8 eta % 0,5, hurrenez hurren. Gipuzkoan, aldiz, salmenten balioa, prezio konstanteetan, aurreko hilarekin alderatuta, % 0,2 igo da.
Azkenik, Euskal AEko azalera handietako eta elikadura-kate handietako langile-kopurua % 0,7 igo da 2023ko apirilarekin alderatuta. Aurreko hilarekin alderatuta, langileen indizea % 0,4 jaitsi da.
METODOLOGIA-OHARRA
Azalera handietako eta elikadura-kate handietako merkataritza-indizearen erreferentzia-urtea berritu egin da, eta 2021. urtea da indizearen oinarri berria. Oinarria aldatzeko prozesuak metodologiaren eguneraketa sakona ekarri du, eta, besteak beste, baliozkotze- eta inputazio-metodoak berrikusi dira eta aztergai den biztanleria doitu da. Horrek guztiak indizearen serieak eguneratzea ekarri du.
Urte arteko aldakuntzak, egutegiaren eraginak zuzenduta dituzten serieetatik abiatuta kalkulatzen dira, eta hilabete artekoak urtaroen eragina kendutakoetatik.
Eustatek eskerrak eman nahi dizkie azalera handietako eta elikadura-kate handietako merkataritzaren indizea egiten lagundu duten establezimendu guztiei. Horiei esker, hilabete honetako indizea % 89,2ko estaldurarekin kalkulatu da.
Informazio gehiago:
Eustat - Euskal Estatistika Erakundea / Instituto Vasco de Estadística
Donostia-San Sebastián, 1 01010 Vitoria-Gasteiz
Prentsa-zerbitzua: servicioprensa@eustat.eus Tlf: 945 01 75 62