2024/05/23ko prentsa-oharra
INDUSTRIA-PREZIOEN INDIZEA. 2024ko APIRILA
Euskal AEko industria-prezioak % 0,3 jaitsi dira 2024ko apirilean aurreko hilaren aldean
2023ko apirilarekin alderatuta, industriako prezioek % 6,2ko jaitsiera izan dute
2024ko apirilean, Euskal AEko industria-prezioak % 0,3 jaitsi ziren aurreko hilaren aldean, Eustatek landutako datuen arabera. Apirileko urte arteko tasak azken hamabi hilabeteetan industria-prezioek izandako aldakuntza jasotzen du, eta % 6,2ko atzerakada izan du.
Azterketa zehatzago batek agerian uzten du, 2024ko apirilean, Energia elektrikoa, gasa eta lurruna (% 4,4), Produktu farmazeutikoen fabrikazioa eta Produktu informatiko, elektroniko eta optikoen fabrikazioa (% 0,7) sektoreek izan dituztela, aurreko hilaren aldean, jaitsierarik handienak prezioetan. Aitzitik, hileko arteko prezioen igoera izan duten sektoreak Industria kimikoa eta Ura (% 1,3) eta Kokeriak eta petrolioa fintzea (% 1,0) izan dira.
Ondasunen helburu ekonomikoaren araberako sailkapenari jarraituz, 2024ko martxoarekin alderatuta, Energiaren prezioak % 1,2 jaitsi dira. Kontsumo-ondasunen prezioak % 0,2 igo dira, Kontsumo-ondasun ez iraunkorren prezioak % 0,2 igo direlako eta Kontsumo-ondasun iraunkorren prezioak ere % 0,2 igo direlako. Bestalde, Bitarteko ondasunen prezioak % 0,2 jaitsi dira eta Ekipo-ondasunenak % 0,1 igo dira.
Urte artean, 2024ko apirila 2023ko apirilarekin alderatuta, prezioen jaitsierarik handienak ondoko adarretan izan dira: Energia elektrikoa, gasa eta lurruna (% 41,7) eta Zurgintza, papera eta arte grafikoak (% 5,7). Aitzitik, urte arteko prezioetan igoera handiena izan duten adarrak ondokoak izan dira: Erauzketa industriak (% 10,7) eta Material eta ekipo elektrikoaren fabrikazioa (% 8,0).
Euskal AEko Industria prezioen indizea. Aldakuntza-tasak (p). Apirila 2024
| | INDIZEA | ALDEAREN % |
| | | m / m-1 | m / m-12 |
| INDIZE OROKORRA | 122,8 | -0,3 | -6,2 |
| | | | |
| SEKTORE-BANAKETA | | | |
| Ateratze-industriak | 138,6 | 0,2 | 10,7 |
| Manufaktura-industria | 130,0 | 0,1 | -0,2 |
| Elikaduraren, edarien eta tabakoaren industria | 131,2 | 0,0 | -1,9 |
| Ehungintza, jantzigintza, larrugintza eta zapatagintza | 113,4 | 0,7 | 1,2 |
| Zurgintza, papera eta arte grafikoak | 140,8 | 0,3 | -5,7 |
| Kokeak eta petrolioa fintzen | 142,0 | 1,0 | 1,8 |
| Industria kimikoa | 146,6 | 1,3 | -3,0 |
| Botiken fabrikazioa | 131,8 | -0,7 | 3,5 |
| Kautxu eta plastikoa, beste produktu mineral ez-metalezkoak | 120,7 | 0,6 | -2,3 |
| Metalurgia eta produktu metalikoak | 138,9 | -0,5 | -0,9 |
| Informatikako, elektronikako eta optikako produktuen fabrikazioa | 120,7 | -0,7 | -1,0 |
| Material eta ekipo elektrikoen fabrikazioa | 120,0 | 0,0 | 8,0 |
| Beste inon sailkatu gabeko makineriaren eta ekipoen fabrikazioa | 116,8 | 0,0 | 1,5 |
| Garraiorako materialen fabrikazioa | 115,0 | 0,1 | 1,6 |
| Altzariak, beste manufaktura-ind., konponketa eta instalazioa | 122,1 | 0,8 | 0,1 |
| Energia elektrikoa, gasa eta lurruna | 78,6 | -4,4 | -41,7 |
| Ura | 136,2 | 1,3 | 3,0 |
| | | | |
| INDUSTRIA-SEKTORE HANDIEN ARABERA | | | |
| Kontsumo-ondasunak | 129,3 | 0,2 | -0,1 |
| Kontsumoondasun iraunkorrak | 121,1 | 0,2 | 13,2 |
| Kontsumoondasun ez-iraunkorrak | 130,6 | 0,2 | -1,9 |
| Ekipo-ondasunak | 120,0 | 0,1 | 0,8 |
| Bitarteko ondasunak | 134,2 | -0,2 | -1,3 |
| Energia | 105,5 | -1,2 | -24,5 |
Oinarria 2015=100
(p)Behinbehineko datuak
m / m-1: Azken hileko (m) aldakuntza-tasa, aurreko hilaren (m-1) aldean
m/m12: Azken hileko (m) aldakuntza-tasa, aurreko urteko hil beraren (m-12) aldean
Data 2024ko Maiatzaren 23a
Iturria: Eustat. Industria Prezioen Indizea
Helburu ekonomikoaren araberako ondasun-talde handien prezioen urte arteko aldakuntza negatiboa izan da Energian (% 24,5) eta Bitarteko ondasunetan (% 1,3). Kontsumo-ondasunenak % 0,1 jaitsi dira, Kontsumo-ondasun iraunkorrak % 13,2 igo direlako eta Kontsumo-ondasun ez-iraunkorrak % 1,9 jaitsi direlako. Ekipo-ondasunen prezioak, aldiz, % 0,8 igo dira.
INFORMAZIO-OHARRA
Eustatek eskerrak eman nahi dizkie lagundu duten establezimendu guztiei, egindako ahaleginagatik. Horiei esker, hilabete honetako indizea laginaren % 93,49ko estaldurarekin kalkulatu da.
Informazio gehiago:
Eustat - Euskal Estatistika Erakundea / Instituto Vasco de Estadística
C/ Donostia-San Sebastián, 1 01010 Vitoria-Gasteiz
Prentsa-zerbitzua: servicioprensa@eustat.eus Tlf: 945 01 75 62