2024/05/10eko prentsa-oharra

INDUSTRIAREN INKESTA – ESKUALDEAK. 2022

Industriaren negozio-zifra Euskal AEko 20 eskualdeetatik 19tan hazi zen 2022an, eskuragarri dauden azken datuen arabera

Añana (% 2,9), Durangaldea (% 2,7) eta Goierri (% 1,8) dira, hurrenez hurren, enpleguan hazkunderik handiena izan duten eskualdeak Araban, Bizkaian eta Gipuzkoan

Euskal AEko manufaktura- eta erauzketa-industriaren negozio-zifraren zenbatekoa % 26,1 igo da 2022an, eta hogei eskualdeetatik hemeretzitan igo da, Eustaten datuen arabera.

Lurraldeka, hiru lurraldeetan handitu da negozio-zifra, intentsitate desberdinarekin bada ere. Gipuzkoan % 15,4 igo da, Araban % 23,6 eta Bizkaian % 36,1.

Eskualde-mailako negozio-zifrak joera bera erakusten du; Euskal AEko hogei eskualdeetatik hemeretzik urteko hazkunde-tasa positiboak dituzte. Hazkunde handienak izan dituzten eskualdeak Arabako Kantaurialdea (% 72,0), Gorbeialdea (% 40,2) eta Bilbo Handia (% 44,5) izan dira. Gipuzkoan Donostialdea da (% 19,4) negozio-zifraren zenbatekoa gehien igo duen eskualdea.

Iturria: Eustat. Industriaren gaineko inkesta

Hurrenkera JatorrizkoaAlfabetikoaRanking

Zeren arabera LangileakNegozio kopurua

Aldiak 201120122013201420152016201720182019202020212022

Enplegua, batez beste, % 1,2 hazi zen Euskal AEn, eskualde-mailan, eta, lurralde historikoka, adierazle horren onura handiena izan zuten eskualdeak hurrengoak izan ziren: Araban Añana (% 2,9); Bizkaian Durangaldea (% 2,7) eta Bilbo Handia (% 2,2); eta Gipuzkoan Goierri (% 1,8). Arabako Mendialdeak bakarrik izan du bilakaera negatiboa, negozio-zifrak % 7,9 egin baitu behera 2021etik 2022ra bitartean.

Balio erantsi gordinari dagokionez, % 14,6 igo zen eskuragarri zegoen azken urtean, aurreko urtearen aldean. BEG ekoitzitakoaren eta erabilitako ondasunen balioaren arteko diferentzia da, sortutako aberastasuna adierazten duena.

Berriro ere, eskualde guztien bilakaera positiboa izan da; horrela, Euskal AEko hogei eskualdeetatik hemezortzik balantze positiboa izan dute, eta negozio-zifrarekin gertatu den bezala, Arabako Kantaurialdea izan da balio erantsia gainerako eskualdeek baino gehiago igo duen eskualdea, % 53,9ko hazkundera iritsi arte.

Araba

Erauzketa- eta manufaktura-industrietako enpleguak % 1,3 egin zuen gora Arabako eskualde guztietan, eta Añana izan zen, lehen esan bezala, enpleguan urte arteko hazkunderik handiena izan zuen eskualdea, % 2,9koa. Aitzitik, lurralde horretako bi eskualdetan enpleguak behera egin du 2021etik 2022ra: Arabako Mendialdean enplegua % 2,8 jaitsi da, eta Arabako Kantaurialdean % 0,6. Gainerako hiru eskualdeetan hazkundeak izan dira: Arabako Lautadan, hiriburua Vitoria-Gasteiz den eta lurraldeko enpleguaren % 63,7 biltzen duen eskualdean, eta Gorbeialdean, % 1,7; eta Arabako Errioxan, neurritsuago, % 0,6.

Negozio-zifrari dagokionez, Araban aurreko urtean baino % 23,6 gehiago izan da; Arabako Lautadan aurreko urtean baino % 18,4 gehiago. Eskualde horretan dago Vitoria-Gasteiz hiriburua, eta lurralde osoaren % 68,7 hartzen du.

Bestalde, Arabako Mendialdean izan ezik (eskualde horretan negozio-zifra % 7,9 jaitsi da), lurraldeko gainerako eskualdeetan hazkunde handiak izan dira. Horietako bitan igoera % 40tik gorakoa da: Gorbeialdea (% 40,2) eta, bereziki, Arabako Kantaurialdea (% 72). Eskualde hori bigarrena da fakturazioari eta enplegu-bolumenari dagokienez, Arabako fakturazio osoaren % 12 eta enpleguaren % 13,6 biltzen baitu. Azkenik, Añana (% 13,4 gehiago) eta Arabako Errioxa (% 11,5) daude.

Balio erantsi gordinari dagokionez, % 14,6ko igoera izan zen Euskal AE osoan. Eskualdeen bilakaera Euskal Autonomia Erkidegoko hogei eskualdeetatik bitan bakarrik izan da negatiboa, horietako bat Araban. Hain zuzen, Añanan, eta balio erantsia % 2 jaitsi da. Araban, oro har, balio erantsia % 11,7 hazi da, eta gainerako eskualdeetan ere aldakuntza positiboa izan da: Arabako Kantaurialdean (% 53,9), Gorbeialdean (% 14,5), Arabako Mendialdean (% 8,4), Arabako Errioxan (% 7,4) eta Arabako Lautadan (% 6,9).

Bizkaia

Bizkaian enplegua % 1,8 gehitu da eta zazpi eskualdeetatik lauk urteko aldakuntza positiboa izan dute. Durangaldea (% 2,7), Bilbo Handia (% 2,2), Arratia-Nerbioi (% 1,1) eta Plentzia-Mungia (% 1,0). Gainerako eskualdeetan, enpleguak behera egin du; kasurik adierazgarriena Enkarterrietan gertatu da, % 2,4 enplegu gutxiagorekin. Ondoren, Markina-Ondarroa eta Gernika-Bermeo, biak % 1,5eko jaitsierarekin.

Bi eskualdetan izan da joera positiboa lurraldeko negozio-zifraren bilakaerari dagokionez, % 36,1eko hazkundea izan baitute: Bilbo Handian (fakturazio osoaren % 69,8) eta Durangaldean (% 18,1), eta bien artean Bizkaian erregistratutako guztizko negozio-zifraren % 87,9 izan dute. Bietan bilakaera positiboa izan da: Bilbo Handia % 44,5 hazi da – Bilboko hiriburua bertan kokatzen da eta enpleguaren % 54,5 hartzen du –, eta Durangaldea % 25,7, enpleguaren % 24,8 barnebiltzen duelarik. Bien artean, Bizkaiko enplegu osoaren ia % 80 hartzen dute.

Lurralde horretako gainerako eskualdeek ere, positiboan, aurreko eskualdeek baino aldaketa gutxiago izan dituzte: Arratia-Nerbioi (% 16,8), Markina-Ondarroa (% 14,8), Gernika-Bermeo (% 11,3), Plentzia-Mungia (% 9,8) eta Enkarterriak, lurraldeko joeraren alde gutxien duena, negozio-zifrak % 6,7 egin baitu gora.

Era berean, Bizkaiak izan du balio erantsiaren hazkunderik handiena (% 24,9). Eskualde guztiek, batek izan ezik, bilakaera positiboak izan dituzte, batez ere Bilbo Handiak, % 33,5eko igoerarekin, lurraldeko balio erantsiaren erdia baino gehiago metatzen duena izanik. Ondoren datoz Durangaldea (% 18,7), Markina-Ondarroa (% 8,8), Gernika-Bermeo (% 7,7), Arratia-Nerbioi (% 6,7) eta Plentzia-Mungia (% 6,0). Enkarterrietan, bestalde, balio erantsiaren % 0,6ko beherakada izan da.

Gipuzkoa

Gipuzkoan enpleguarekiko eraginak txikiagoak izan dira (% 0,7) eta, Bizkaian bezala, eskualde horietako lauk bakarrik hobetu dute beren kopurua. Enpleguak Goierrin izan du aldakuntza positiborik handiena (% 1,8), eta ondoren Donostialdean, % 1,7ko hazkundearekin. Bien artean lurraldeko enplegu osoaren % 42,3 dira. Bi eskualde horien ondoren, Tolosaldea (% 1,6) eta Urola Kosta (% 1,4) datoz. Lurralde horretako gainerako hiru eskualdeetan enpleguak behera egin du; hala, Debagoienean, Bidasoa Beherean eta Debabarrenean enpleguak % 0,4, % 1,5 eta % 2,3 egin du behera, hurrenez hurren.

Negozio-zifraren konparaziozko bilakaerak, enpleguarekin gertatzen zen bezala, hirugarren kokatzen du Gipuzkoa Euskal AEko lurraldeen artean. Negozio-zifra % 15,4 hazi den arren, urrun dago Arabako % 23,6tik eta Bizkaiko % 36,1etik. Eskualdeek lurralde osoan duten ehunekoa Bidasoa Behereko % 4,0tik Donostialdeko % 25,3ra bitartekoa da. Azken horren parte-hartzetik hurbil daude Goierri (% 20,7) eta Debagoiena (% 16,6).

Eskualde-mailan, Bidasoa Beherean erregistratutako % 10,8ko fakturazioaren eta Donostialdean erregistratutako % 19,4ko fakturazioaren artean dago; azken eskualde horretan kokatzen da hiriburua, eta Gipuzkoako negozio-zifra osoan enpleguaren tamainaren oso antzeko pisua du. Horrela, Donostialdeak negozio-zifraren % 25,3 eta lurraldeko enpleguaren % 25,5 bereganatzen ditu, kasu bietan Bilbo Handiak eta Arabako Lautadak dituzten zifrak baino txikiagoak. Lurralde horretako gainerako eskualdeetan negozio-zifrak gehitu egin dira, lurraldeetako batez bestekora gehiago hurbilduz. Debagoiena % 16,9 hazi da, Urola Kosta % 14,7, Tolosaldea % 13,6, Debabarrena % 13,2 eta Goierri % 12,7.

Aurreko urtearekin alderatuta sortutako aberastasunak, balio erantsiak, Gipuzkoako lurraldeko negozio-zifraren eta enpleguaren zenbatekoaren antzeko portaera izan du, eta, beraz, % 6,6ko hazkundea, Bizkaiaren (% 24,9) eta Arabaren (% 11,7) azpitik. Bere eskualdeen artean, balio erantsiaren hazkunderik handiena Donostialdean gertatu da, aurreko urtekoa baino % 10,1 handiagoa baita; ondoren, Tolosaldea (% 9,7 gehiago), Debabarrena (% 7,6), Goierri (% 6,2), Bidasoa Beherea (% 6,1), Urola Kosta (% 4,6) eta, azkenik, Debagoiena (aldakuntza positibo txikiena izan du, balio erantsia % 1,7 handitu baita).

Metodologia-oharra:

Erabilitako sektorizazioa Jarduera Ekonomikoen Sailkapen Nazionala (JESN-2009) da, eta eskualdeen araberako desagregazio horretan B (erauzketa-industriak) eta C (manufaktura-industria) sekzioak bakarrik sartzen dira.

Informazio gehiago:

Eustat - Euskal Estatistika Erakundea / Instituto Vasco de Estadística C/ Donostia-San Sebastián, 1 01010 Vitoria-Gasteiz Prentsa-zerbitzua: servicioprensa@eustat.es Tlf: 945 01 75 62