2024/06/24ko prentsa-oharra
INDUSTRIA-PREZIOEN INDIZEA. 2024ko MAIATZA
Euskal AEko industria-prezioak bere horretan mantendu dira 2024ko maiatzean, aurreko hilaren aldean
2023ko maiatzarekin alderatuta, industriako prezioek % 4,6 egin dute behera
Eustatek landutako datuen arabera, Euskal AEko industria-prezioak konstante mantendu dira 2024ko maiatzean, aurreko hilaren aldean. Maiatzeko urte arteko tasa (azken hamabi hilabeteetan industri prezioek izandako aldakuntza laburbiltzen duena) % 4,6 jaitsi da.
Azterketa zehatzago batek agerian uzten du, 2024ko maiatzean, Kokeriak eta petrolio-fintzea (% 5,8), Industria kimikoa eta Material eta ekipo elektrikoaren fabrikazioa (% 0,2) sektoreek izan dituztela, aurreko hilaren aldean, jaitsierarik handienak prezioetan. Aitzitik, hileko arteko prezioetan igoera izan duten sektoreak hauek izan dira: Energia elektrikoa, gasa eta lurruna (% 3,0) eta Metalurgia eta metalezko produktuak (% 1,0).
Ondasunen helburu ekonomikoaren araberako sailkapenari jarraituz, 2024ko apirilarekin alderatuta, energiaren prezioak % 2,7 jaitsi dira; Kontsumo-ondasunenak, berriz, egonkor mantendu dira, Kontsumo-ondasun iraunkorren prezioak % 0,5 igo direlako eta Kontsumo-ondasun ez-iraunkorrenak % 0,1 jaitsi direlako. Bitarteko ondasunen prezioak % 0,6 igo dira eta Ekipoko ondasunenak % 0,5.
Urte artean, 2024ko maiatza 2023ko maiatzarekin alderatuta, prezioen jaitsierarik handienak Energia elektrikoa, gasa eta lurruna (% 37,6) eta Zurgintza, papera eta arte grafikoak (% 6,7) adarretan izan dira. Aitzitik, urte arteko terminoetan igoerarik handiena izan duten prezioak Erauzketa industriak (% 12,3) eta Kokeriak eta petrolioa fintzea (% 3,3) adarretan izan dira.
Euskal AEko Industria prezioen indizea. Aldakuntza-tasak (p). Maiatza 2024
| | INDIZEA | ALDEAREN % |
| | | m / m-1 | m / m-12 |
| INDIZE OROKORRA | 122,8 | 0,0 | -4,6 |
| | | | |
| SEKTORE-BANAKETA | | | |
| Ateratze-industriak | 138,8 | 0,1 | 12,3 |
| Manufaktura-industria | 129,7 | -0,4 | 0,9 |
| Elikaduraren, edarien eta tabakoaren industria | 132,7 | -0,1 | 0,9 |
| Ehungintza, jantzigintza, larrugintza eta zapatagintza | 113,6 | 0,1 | -0,7 |
| Zurgintza, papera eta arte grafikoak | 140,8 | 0,0 | -6,7 |
| Kokeak eta petrolioa fintzen | 133,9 | -5,8 | 3,3 |
| Industria kimikoa | 146,3 | -0,2 | -2,3 |
| Botiken fabrikazioa | 131,7 | -0,1 | 1,9 |
| Kautxu eta plastikoa, beste produktu mineral ez-metalezkoak | 120,7 | 0,0 | -1,7 |
| Metalurgia eta produktu metalikoak | 140,2 | 1,0 | 1,1 |
| Informatikako, elektronikako eta optikako produktuen fabrikazioa | 121,0 | 0,3 | 1,1 |
| Material eta ekipo elektrikoen fabrikazioa | 119,8 | -0,2 | 2,6 |
| Beste inon sailkatu gabeko makineriaren eta ekipoen fabrikazioa | 116,7 | 0,0 | 1,2 |
| Garraiorako materialen fabrikazioa | 116,0 | 0,8 | 2,7 |
| Altzariak, beste manufaktura-ind., konponketa eta instalazioa | 122,2 | 0,1 | 1,0 |
| Energia elektrikoa, gasa eta lurruna | 81,0 | 3,0 | -37,6 |
| Ura | 135,9 | -0,3 | 2,7 |
| | | | |
| INDUSTRIA-SEKTORE HANDIEN ARABERA | | | |
| Kontsumo-ondasunak | 130,5 | 0,0 | 1,4 |
| Kontsumoondasun iraunkorrak | 121,7 | 0,5 | 3,0 |
| Kontsumoondasun ez-iraunkorrak | 132,0 | -0,1 | 1,1 |
| Ekipo-ondasunak | 120,5 | 0,5 | 1,6 |
| Bitarteko ondasunak | 134,9 | 0,6 | -0,3 |
| Energia | 102,6 | -2,7 | -22,0 |
Oinarria 2015=100
(p)Behinbehineko datuak
m / m-1: Azken hileko (m) aldakuntza-tasa, aurreko hilaren (m-1) aldean
m/m12: Azken hileko (m) aldakuntza-tasa, aurreko urteko hil beraren (m-12) aldean
Data 2024ko Ekainaren 24a
Iturria: Eustat. Industria Prezioen Indizea
Helburu ekonomikoaren araberako ondasun-talde handien prezioen urte arteko aldakuntza negatiboa izan da Energian (% 22,0) eta Bitarteko ondasunetan (% 0,3). Kontsumo-ondasunen prezioak, aldiz, % 1,4 igo dira, Kontsumo-ondasun iraunkorren prezioak % 3,0 igo direlako eta Kontsumo-ondasun ez iraunkorren prezioak % 1,1 igo direlako. Azkenik, Ekipo-ondasunen prezioak % 1,6 igo dira.
INFORMAZIO-OHARRA
Eustatek eskerrak eman nahi dizkie lagundu duten establezimendu guztiei egindako ahaleginagatik. Horiei esker, hilabete honetako indizea laginaren % 92,31ko estaldurarekin kalkulatu da.
Informazio-oharra:
Eustat - Euskal Estatistika Erakundea / Instituto Vasco de Estadística
C/ Donostia-San Sebastián, 1 01010 Vitoria-Gasteiz
Prentsa-zerbitzua: servicioprensa@eustat.eus Tlf: 945 01 75 62