2024/09/30eko prentsa-oharra
MERKATARITZA-INDIZEA AZALERA HANDIETAN ETA ELIKADURA-KATE HANDIETAN. 2024ko ABUZTUA
Euskal AEko azalera handietako eta elikadura-kate handietako salmentak % 1,0 gehitu dira 2024ko abuztuan
Aurreko hilaren aldean salmentek ez dute aldaketa esanguratsurik izan (% 0,0)
Eustatek landutako datuen arabera, 2024ko abuztuan, prezio konstanteetan, Euskal AEko azalera handietako eta elikadura-kate handietako salmentak % 1,0 gehitu ziren aurreko urteko hil beraren aldean.
2024ko uztailarekin alderatuta, prezio konstanteetako salmentak ez dira aldatu.
Salmentak hil artean % 0,4 gehitu dira Elikaduraren sektorean eta % 0,8 jaitsi dira Gainerako Produktuen sektorean. Urte artean, 2024ko abuztuan eta 2023ko abuztuan, prezio finkoetako salmentak % 1,6 igo dira Elikaduran, eta % 0,1 jaitsi Gainerako Produktuetan.
Euskal AEko azalera handietako eta elikadura kate handietako merkataritzaren indizea.Urte arteko eta hilabete arteko aldakuntza-tasak (p). Abuztua 2024
| | Prezio finkoak |
| | m / m-12 | m / m-1 | A (m) /A (m-12) |
| INDIZE OROKORRA lurralde historikoaren arabera | | | |
| Euskal AE | 1,0 | 0,0 | -0,2 |
| Araba/Álava | 1,7 | -0,2 | -0,3 |
| Bizkaia | 0,7 | -0,4 | -0,5 |
| Gipuzkoa | 1,1 | 0,8 | 0,4 |
| | | | |
| INDIZE OROKORRA sektorearen arabera | | | |
| Janariak | 1,6 | 0,4 | 0,5 |
| Gainerako produktuak | -0,1 | -0,8 | -1,5 |
| | | | |
| ENPLEGU-INDIZEA | | | |
| Euskal AE | 1,9 | 0,6 | 1,4 |
(p)Behinbehineko datuak
m / m-12 Urteen arteko aldakuntza. Egutegi eraginak zuzendutako datuak
m / m-1 Hilabeteen arteko aldakuntza. Datu desestazionalizatuak
A(m)/A(m-12) Urtarriletik hil korrientera arte metatutako aldiaren urte arteko aldakuntza-tasa, aurreko urteko aldi metatu beraren aldean
Data 2024ko Irailaren 30a
Iturria: Eustat. Merkataritza indizea azalera handietan eta elikadura kate handietan (AHEK)
2024ko abuztuan azalera handietako eta elikadura-kate handietako salmentak hiru lurralde historikoetan gehitu ziren urte arteko terminoetan eta prezio finkoetan: % 1,7 Araban, % 0,7 Bizkaian eta % 1,1 Gipuzkoan.
Aurreko hilaren, hau da, 2024ko uztailaren aldean, salmentek % 0,8 egin dute gora Gipuzkoan, eta Bizkaian eta Araban % 0,4 eta % 0,2 egin dute behera, hurrenez hurren.
Azkenik, Euskal AEko azalera handietako eta elikadura-kate handietako langile okupatuak % 1,9 gehitu dira 2023ko abuztuaren aldean. Hil arteko datuei dagokienez, indizeak % 0,6ko igoera izan du.
2024ko lehenengo zortzi hilabeteetan metatutako aldian, salmenten jaitsiera metatua % 0,2koa izan da Euskal AE osoan. Gipuzkoan hazkundea % 0,4koa izan da, aitzitik, Bizkaian % 0,5 jaitsi da eta Araban % 0,3.
Elikaduran, salmenten metatuak % 0,5eko igoera izan du aurten, eta Gainerako Produktuetan, berriz, aldakuntza metatua % 1,5 jaitsi da.
INFORMAZIO-OHARRA
Urte arteko aldakuntzak egutegiaren eraginak zuzendutako serieetan oinarrituta kalkulatzen dira, eta hil arteko aldakuntzak urtarokotasunik gabeko serieetan oinarrituta.
Eustatek eskerrak eman dizkie azalera handietako eta elikadura-kate handietako merkataritzaren indizea egiten lagundu duten establezimendu guztiei. Hilabete honetako indizea % 96,87ko estaldurarekin kalkulatu da.
Informazio gehiago:
Eustat - Euskal Estatistika Erakundea / Instituto Vasco de Estadística
C/ Donostia-San Sebastián, 1 01010 Vitoria-Gasteiz
Prentsa-zerbitzua: servicioprensa@eustat.eus Tlf: 945 01 75 62