2024/09/05eko prentsa-oharra
MERKATARITZA-INDIZEA AZALERA HANDIETAN ETA ELIKADURA-KATE HANDIETAN. 2024KO UZTAILA
Euskal AEko azalera handietako eta elikadura-kate handietako salmentak % 2,7 igo dira 2024ko uztailean
Aurreko hilaren aldean salmentak % 1,3 handitu dira
Eustaten datuen arabera, eta prezio konstanteetan, Euskal AEko azalera handietako eta elikadura-kate handietako salmentak % 2,7 handitu dira 2024ko uztailean, aurreko urteko hil beraren aldean.
2024ko ekainarekin alderatuta, prezio konstanteetan egindako salmentak % 1,3 igo dira uztailean.
Salmentak hil artean % 0,9 igo dira Elikadura sektorean eta % 2,2 Gainerako produktuak sektorean. Urte artean, 2024ko uztaila eta 2023ko uztaila alderatuta, prezio konstanteetako salmentak % 3,1 igo dira Elikadura sektorean eta % 2,1 Gainerako produktuak sektorean.
Euskal AEko azalera handietako eta elikadura kate handietako merkataritzaren indizea.Urte arteko eta hilabete arteko aldakuntza-tasak (p). Uztaila 2024
| | Prezio finkoak |
| | m / m-12 | m / m-1 | A (m) /A (m-12) |
| INDIZE OROKORRA lurralde historikoaren arabera | | | |
| Euskal AE | 2,7 | 1,3 | 0,2 |
| Araba/Álava | 0,5 | 1,2 | 0,0 |
| Bizkaia | 3,6 | 2,1 | -0,1 |
| Gipuzkoa | 2,1 | 0,1 | 0,8 |
| | | | |
| INDIZE OROKORRA sektorearen arabera | | | |
| Janariak | 3,1 | 0,9 | 0,7 |
| Gainerako produktuak | 2,1 | 2,2 | -0,8 |
| | | | |
| ENPLEGU-INDIZEA | | | |
| Euskal AE | 1,8 | 0,0 | 1,3 |
(p)Behinbehineko datuak
m / m-12 Urteen arteko aldakuntza. Egutegi eraginak zuzendutako datuak
m / m-1 Hilabeteen arteko aldakuntza. Datu desestazionalizatuak
A(m)/A(m-12) Urtarriletik hil korrientera arte metatutako aldiaren urte arteko aldakuntza-tasa, aurreko urteko aldi metatu beraren aldean
Data 2024ko Irailaren 5a
Iturria: Eustat. Merkataritza indizea azalera handietan eta elikadura kate handietan (AHEK)
2024ko uztailean azalera handietako eta elikadura-kate handietako salmentek gora egin dute urte arteko prezio konstanteetan hiru lurralde historikoetan: % 3,6 Bizkaian, % 2,1 Gipuzkoan eta % 0,5 Araban.
Aurreko hilaren aldean, hau da, 2024ko ekainaren aldean, salmentak % 2,1 igo dira Bizkaian, % 1,2 Araban eta % 0,1 Gipuzkoan.
Euskal AEko azalera handietako eta elikadura-kate handietako langile okupatuen kopurua, azkenik, % 1,8 handitu da 2023ko uztailarekin alderatuta. Hilabete arteko datuei dagokienez, indizeak ez du aldaketarik izan.
2024ko lehenengo zazpi hilabeteetan metatutako aldian, Euskal AE osoan salmentak % 0,2 igo direla ikusi da. Gipuzkoan hazkundea % 0,8koa izan da, eta Bizkaian, berriz, % 0,1 jaitsi da. Araban, aldiz, lehenengo zazpi hilabeteetako salmentak aurreko urteko lehenengo zazpi hilabeteetan metatutakoaren maila berean mantendu dira.
Elikaduran, salmenten urte honetako metatua —orain arte— % 0,7 igo da; Gainerako produktuetan, aldiz, metatutako aldakuntza % 0,8 jaitsi da.
INFORMAZIO-OHARRA
Urte arteko aldakuntzak egutegi-efektuen serie zuzenduetatik eta hilabete arteko aldaketetatik abiatuta kalkulatzen dira, urtaro-eraginik gabeko serieak oinarri hartuta.
Eustatek eskerrak ematen dizkie merkataritza-indizea egiten lagundu duten azalera handietako eta elikadura-kate handietako establezimendu guztiei. Hilabete honetako indizea % 96,97ko estaldurarekin kalkulatu da.
Informazio gehiago nahi izanez gero:
Eustat - Euskal Estatistika Erakundea / Instituto Vasco de Estadística
Donostia-San Sebastián kalea, 1 01010 Vitoria-Gasteiz
Prentsa-zerbitzua: servicioprensa@eustat.eus Tel.: 945 01 75 62