2024/10/24ko prentsa-oharra
INDUSTRIA-PREZIOEN INDIZEA. 2024KO IRAILA
Euskal AEko industria-prezioak % 0,5 jaitsi dira 2024ko irailean, aurreko hilaren aldean
2023ko irailaren aldean, industria-prezioek % 6,5eko jaitsiera izan dute
Euskal AEko industria-prezioak % 0,5 jaitsi dira 2024ko irailean aurreko hilaren aldean, Eustatek landutako datuen arabera. Iraileko urte arteko tasa (azken hamabi hilabeteetan industria-prezioek izandako aldakuntza laburbiltzen duena) % 6,5 jaitsi da.
Azterketa zehatzago batek agerian uzten duenez, 2024ko irailean aurreko hilaren aldean beherakadarik handienak izan dituzten sektoreak dira Kokea lortzeko eta petrolioa fintzeko fabrikak eta Informatikako, elektronikako eta optikako produktuen fabrikazioa, eta lehenengoak % 5,4ko jaitsiera izan du eta bigarrenak % 1,2koa. Aitzitik, prezioetan hiletik hilerako igoerarik handiena izan duten sektoreak dira Zuraren, paperaren eta arte grafikoen industria (% 1,3) eta Kautxu produktuen, plastikoaren eta metalikoak ez diren beste produktu mineral batzuen fabrikazioa (% 0,7).
Helburu ekonomikoaren araberako ondasunen sailkapenari jarraituz, eta 2024ko abuztuaren aldean, Energiaren prezioak % 3,4 jaitsi dira; Kontsumo-ondasunen prezioak % 0,3 jaitsi dira, Kontsumo ez-iraunkorreko ondasunen prezioak % 0,3 jaitsi direlako, Kontsumo iraunkorreko ondasunen prezioak aldatu ez izanaren ondorioz. Bitarteko ondasunen prezioak % 0,1 igo dira, eta Ekipamenduko ondasunenak ere ez dira aldatu.
Urte arteko datuetan, 2024ko irailean, 2023ko irailaren aldean, prezio-jaitsierarik handienak honako adar hauek izan dituzte: Energia elektrikoa, gasa eta lurruna (% 26,5eko jaitsiera) eta Kokea lortzeko eta petrolioa fintzeko fabrikak (% 26,1ekoa). Aitzitik, urte artean igoerarik handiena izan duten prezioak Erauzketa-industriak (% 7,6), eta Garraio-materialaren fabrikazioa (% 3,6) adarretakoak izan dira.
Euskal AEko Industria prezioen indizea. Aldakuntza-tasak (p). Iraila 2024
| | INDIZEA | ALDEAREN % |
| | | m / m-1 | m / m-12 |
| INDIZE OROKORRA | 123,4 | -0,5 | -6,5 |
| | | | |
| SEKTORE-BANAKETA | | | |
| Ateratze-industriak | 135,1 | -0,3 | 7,6 |
| Manufaktura-industria | 128,0 | -0,6 | -3,4 |
| Elikaduraren, edarien eta tabakoaren industria | 132,7 | -0,2 | 0,7 |
| Ehungintza, jantzigintza, larrugintza eta zapatagintza | 113,9 | -0,8 | 1,1 |
| Zurgintza, papera eta arte grafikoak | 143,9 | 1,3 | -2,6 |
| Kokeak eta petrolioa fintzen | 117,4 | -5,4 | -26,1 |
| Industria kimikoa | 146,8 | -0,4 | 0,9 |
| Botiken fabrikazioa | 130,1 | 0,1 | -3,3 |
| Kautxu eta plastikoa, beste produktu mineral ez-metalezkoak | 120,1 | 0,7 | -1,7 |
| Metalurgia eta produktu metalikoak | 140,0 | -0,2 | -0,3 |
| Informatikako, elektronikako eta optikako produktuen fabrikazioa | 121,9 | -1,2 | 0,0 |
| Material eta ekipo elektrikoen fabrikazioa | 120,1 | 0,0 | 3,0 |
| Beste inon sailkatu gabeko makineriaren eta ekipoen fabrikazioa | 116,8 | 0,0 | 1,0 |
| Garraiorako materialen fabrikazioa | 117,4 | 0,4 | 3,6 |
| Altzariak, beste manufaktura-ind., konponketa eta instalazioa | 122,1 | -0,4 | 0,8 |
| Energia elektrikoa, gasa eta lurruna | 95,5 | -0,2 | -26,5 |
| Ura | 136,2 | 0,3 | 3,0 |
| | | | |
| INDUSTRIA-SEKTORE HANDIEN ARABERA | | | |
| Kontsumo-ondasunak | 130,5 | -0,3 | 0,7 |
| Kontsumoondasun iraunkorrak | 122,1 | 0,0 | 3,2 |
| Kontsumoondasun ez-iraunkorrak | 131,8 | -0,3 | 0,3 |
| Ekipo-ondasunak | 121,4 | 0,0 | 1,9 |
| Bitarteko ondasunak | 134,9 | 0,1 | -0,4 |
| Energia | 102,5 | -3,4 | -30,2 |
Oinarria 2015=100
(p)Behinbehineko datuak
m / m-1: Azken hileko (m) aldakuntza-tasa, aurreko hilaren (m-1) aldean
m/m12: Azken hileko (m) aldakuntza-tasa, aurreko urteko hil beraren (m-12) aldean
Data 2024ko Urriaren 24a
Iturria: Eustat. Industria Prezioen Indizea
Helburu ekonomikoaren araberako ondasun-talde handien prezioen urte arteko aldakuntza negatiboa izan da Energian, % 30,2ko jaitsiera izan baita, eta Bitarteko ondasunetan, kasu honetan jaitsiera % 0,4koa izan da. Kontsumo-ondasunen prezioak % 0,7 igo dira, Kontsumo iraunkorreko ondasunenak % 3,2 igo direlako eta Kontsumo ez-iraunkorreko ondasunenak % 0,3. Azkenik, Ekipamenduko ondasunen prezioak % 1,9 igo dira urte artean.
INFORMAZIO-OHARRA
Eustatek eskerrak eman dizkie parte hartu duten establezimendu guztiei egin duten ahaleginagatik. Haiei esker, hilabete honetako indizea laginaren % 93,10eko estaldurarekin kalkulatu da.
Informazio gehiago nahi izanez gero:
Eustat - Euskal Estatistika Erakundea / Instituto Vasco de Estadística
Donostia-San Sebastián kalea, 1 01010 Vitoria-Gasteiz
Prentsa-zerbitzua: servicioprensa@eustat.eus Tel.: 945 01 75 62