2024/11/21eko prentsa-oharra
INDUSTRIA-PREZIOEN INDIZEA. 2024ko URRIA
Euskal AEko industria-prezioak % 0,5 jaitsi dira 2024ko urrian aurreko hilaren aldean
2023ko urriarekin alderatuta, industriako prezioek % 6,3ko beherakada izan dute
2024ko urrian Euskal AEko industria-prezioak % 0,5 jaitsi ziren aurreko hilaren aldean, Eustatek landutako datuen arabera. Urriko urte arteko tasak % 6,3ko atzerakada izan du; horrek azken hamabi hilabeteetan industria-prezioek izandako aldakuntza jasotzen du.
Azterketa xeheagoak agerian uzten du, 2024ko urrian, Energia elektrikoa, gasa eta lurruna (-% 3,1) eta Botiken fabrikazioa (-% 2,4) sektoreek izan dituztela jaitsierarik handienak prezioetan, aurreko hilaren aldean. Aitzitik, hileko prezioetan igoerarik handiena izan duten sektoreak hauek izan dira: Kokeak eta petrolioa fintzea (% 2,7) eta Informatikako, elektronikako eta optikako produktuen fabrikazioa (% 0,9).
Ondasunen helburu ekonomikoaren araberako sailkapenari jarraituz, 2024ko irailaren aldean, Kontsumo-ondasunen prezioak % 0,8 jaitsi dira, Kontsumo-ondasun ez-iraunkorren prezioak % 0,9 jaitsi direlako, Kontsumo-ondasun iraunkorren prezioak konstante mantendu direlako. Bitarteko ondasunen prezioak % 0,5 jaitsi dira eta Ekipo-ondasunenak eta Energiarenak % 0,4.
Urte arteko terminoetan, 2024ko urria 2023ko urriarekin alderatuta, prezioen jaitsierarik handienak Energia elektrikoa, gasa eta lurruna (% 29,6) eta Kokeak eta petrolioa fintzea (% 21,4) adarretan izan dira. Aitzitik, urte arteko datuetan igoera handiena izan duten prezioak Erauzketa-industriak adarrean daude, % 6,4rekin. Ura eta Altzariak, beste manufaktura-industria batzuk, konponketa eta instalazioa, prezioek % 3,2 egin dute gora 2023ko urriaren aldean.
Euskal AEko Industria prezioen indizea. Aldakuntza-tasak (p). Urria 2024
| | INDIZEA | ALDEAREN % |
| | | m / m-1 | m / m-12 |
| INDIZE OROKORRA | 122,8 | -0,5 | -6,3 |
| | | | |
| SEKTORE-BANAKETA | | | |
| Ateratze-industriak | 135,1 | 0,0 | 6,4 |
| Manufaktura-industria | 127,7 | -0,2 | -2,5 |
| Elikaduraren, edarien eta tabakoaren industria | 131,6 | -0,8 | -0,2 |
| Ehungintza, jantzigintza, larrugintza eta zapatagintza | 113,2 | -0,2 | -2,4 |
| Zurgintza, papera eta arte grafikoak | 143,5 | -0,3 | 2,5 |
| Kokeak eta petrolioa fintzen | 120,5 | 2,7 | -21,4 |
| Industria kimikoa | 145,5 | -0,8 | 0,1 |
| Botiken fabrikazioa | 127,0 | -2,4 | -2,6 |
| Kautxu eta plastikoa, beste produktu mineral ez-metalezkoak | 120,0 | 0,0 | -1,5 |
| Metalurgia eta produktu metalikoak | 139,1 | -0,6 | -0,3 |
| Informatikako, elektronikako eta optikako produktuen fabrikazioa | 122,9 | 0,9 | 2,1 |
| Material eta ekipo elektrikoen fabrikazioa | 120,2 | 0,1 | 3,0 |
| Beste inon sailkatu gabeko makineriaren eta ekipoen fabrikazioa | 116,6 | 0,0 | 1,3 |
| Garraiorako materialen fabrikazioa | 116,1 | -1,1 | 2,5 |
| Altzariak, beste manufaktura-ind., konponketa eta instalazioa | 121,3 | -0,6 | 3,2 |
| Energia elektrikoa, gasa eta lurruna | 92,5 | -3,1 | -29,6 |
| Ura | 137,3 | 0,8 | 3,2 |
| | | | |
| INDUSTRIA-SEKTORE HANDIEN ARABERA | | | |
| Kontsumo-ondasunak | 129,4 | -0,8 | -0,2 |
| Kontsumoondasun iraunkorrak | 122,1 | 0,0 | 3,2 |
| Kontsumoondasun ez-iraunkorrak | 130,6 | -0,9 | -0,7 |
| Ekipo-ondasunak | 120,8 | -0,4 | 2,2 |
| Bitarteko ondasunak | 134,3 | -0,5 | 0,0 |
| Energia | 102,1 | -0,4 | -28,2 |
Oinarria 2015=100
(p)Behinbehineko datuak
m / m-1: Azken hileko (m) aldakuntza-tasa, aurreko hilaren (m-1) aldean
m/m12: Azken hileko (m) aldakuntza-tasa, aurreko urteko hil beraren (m-12) aldean
Data 2024ko Azaroaren 21a
Iturria: Eustat. Industria Prezioen Indizea
Xede ekonomikoaren araberako ondasun-talde handien prezioen urte arteko aldakuntza negatiboa izan da Energian (% 28,2ko jaitsiera) eta Kontsumo-ondasunetan (% 0,2ko jaitsiera). Prezioak % 0,7 jaitsi dira Kontsumo-ondasun ez-iraunkorretan eta % 3,2 igo Kontsumo-ondasun iraunkorretan. Bitarteko ondasunen prezioak aurreko urteko hilabete berean mantendu ziren. Azkenik, Ekipo-ondasunen prezioek % 2,2ko urte arteko hazkundea izan dute.
INFORMAZIO-OHARRA
Eustatek eskerrak eman nahi dizkie lagundu duten establezimendu guztiei egindako ahaleginagatik. Horiei esker, hilabete honetako indizea laginaren % 93,10eko estaldurarekin kalkulatu da.
Informazio gehiago:
Eustat - Euskal Estatistika Erakundea / Instituto Vasco de Estadística
C/ Donostia-San Sebastián, 1 01010 Vitoria-Gasteiz
Prentsa-zerbitzua: servicioprensa@eustat.eus Tlf: 945 01 75 62