2024/11/28eko prentsa-oharra
MERKATARITZA-INDIZEA AZALERA HANDIETAN ETA ELIKADURA-KATE HANDIETAN. 2024ko URRIA
Euskal AEko azalera handietako eta elikadura-kate handietako salmentak % 2,2 igo dira 2024ko urrian
Aurreko hilaren aldean, salmentak % 0,6 jaitsi dira
Eustatek landutako datuen arabera, 2024ko urrian, prezio konstanteetan eta egutegiaren eraginak zuzenduta, Euskal AEko azalera handietako eta elikadura-kate handietako salmentak % 2,2 igo dira aurreko urteko hil beraren aldean.
Urriko salmentak, aurreko hilarekin alderatuta, prezio konstanteetan eta dagozkion urtaro-eraginak atera ondoren, % 0,6 jaitsi dira.
Salmentak egonkor mantendu dira hiletik hilerako balioetan Elikaduran, eta Gainerako produktuetan, berriz, % 1,7 jaitsi dira. Urtetik urterako balioetan, 2023ko urritik 2024ko urrira, salmenten bilakaera positiboa izan da bi sektoreetan: % 2,7 igo dira Elikaduran eta % 1,1 Gainerako produktuetan.
Euskal AEko azalera handietako eta elikadura kate handietako merkataritzaren indizea.Urte arteko eta hilabete arteko aldakuntza-tasak (p). Urria 2024
| | Prezio finkoak |
| | m / m-12 | m / m-1 | A (m) /A (m-12) |
| INDIZE OROKORRA lurralde historikoaren arabera | | | |
| Euskal AE | 2,2 | -0,6 | 0,3 |
| Araba/Álava | 1,6 | -0,1 | 0,3 |
| Bizkaia | 3,0 | -0,5 | 0,3 |
| Gipuzkoa | 1,0 | -0,9 | 0,4 |
| | | | |
| INDIZE OROKORRA sektorearen arabera | | | |
| Janariak | 2,7 | 0,0 | 0,6 |
| Gainerako produktuak | 1,1 | -1,7 | -0,3 |
| | | | |
| ENPLEGU-INDIZEA | | | |
| Euskal AE | 2,1 | 0,7 | 1,6 |
(p)Behinbehineko datuak
m / m-12 Urteen arteko aldakuntza. Egutegi eraginak zuzendutako datuak
m / m-1 Hilabeteen arteko aldakuntza. Datu desestazionalizatuak
A(m)/A(m-12) Urtarriletik hil korrientera arte metatutako aldiaren urte arteko aldakuntza-tasa, aurreko urteko aldi metatu beraren aldean
Data 2024ko Azaroaren 28a
Iturria: Eustat. Merkataritza indizea azalera handietan eta elikadura kate handietan
2024ko urrian, azalera handietako eta elikadura-kate handietako salmentak, urtetik urterako balioetan, % 3,0 igo dira Bizkaian, % 1,6 Araban eta % 1,0 Gipuzkoan.
Aurreko hilarekin alderatuta, berriz, salmentek % 0,9 egin dute behera Gipuzkoan, % 0,5 Bizkaian eta % 0,1 Araban.
Azkenik, Euskal AEko azalera handietako eta elikadura-kate handietako langile-kopurua % 2,1 igo da 2023ko urriarekin alderatuta. Aurreko hilarekin alderatuta, langileen indizea % 0,7 igo da.
2024ko lehenengo hamar hilabeteetan metatutako aldian, salmentek % 0,3 egin dute gora Euskal AE osoan. Lurralde historikoen arabera, Gipuzkoan % 0,4 igo dira, eta Bizkaian eta Araban berriz, bietan, % 0,3.
Sektoreen arabera, Elikaduran urte hasieratik salmenten metatuak % 0,6ko igoera izan du, eta Gainerako produktuetan, berriz, salmentek % 0,3ko jaitsiera izan dute.
INFORMAZIO-OHARRA
Urte arteko aldakuntzak, egutegiaren eraginak zuzendutako serieetan oinarrituta kalkulatzen dira, eta hil arteko aldakuntzak urtaroen eraginik gabeko serieetan oinarrituta.
Eustatek eskerrak eman nahi dizkie azalera handietako eta elikadura-kate handietako merkataritzaren indizea egiten lagundu duten establezimendu guztiei. Hilabete honetako indizea % 96,97ko estaldurarekin kalkulatu da.
Informazio gehiago:
Eustat - Euskal Estatistika Erakundea / Instituto Vasco de Estadística
Donostia-San Sebastián kalea, 1 01010 Vitoria-Gasteiz
Prentsa-zerbitzua: servicioprensa@eustat.eus Tel.: 945 01 75 62