2024/12/26ko prentsa-oharra
MERKATARITZA-INDIZEA AZALERA HANDIETAN ETA ELIKADURA-KATE HANDIETAN. 2024ko AZAROA
Euskal AEko azalera handietako eta elikadura-kate handietako salmentak % 1,8 igo dira 2024ko azaroan
Aurreko hilabetearen alderatuta, salmentak % 0,6 jaitsi dira
Eustatek landutako datuen arabera, 2024ko azaroan, prezio konstanteetan eta egutegiaren eraginak zuzenduta, Euskal AEko azalera handietako eta elikadura-kate handietako salmentak % 1,8 igo dira aurreko urteko hil beraren aldean.
Azaroko salmentak, aurreko hilarekin alderatuta, prezio konstanteetan eta dagozkion urtaro-eraginak atera ondoren, % 0,6 jaitsi dira.
Salmentak % 0,7 jaitsi dira hiletik hilerako balioetan Elikaduran. Gainerako produktuen sektorean, berriz, aurreko hilabetearekin alderatuta, jaitsiera % 0,5ekoa izan da. Urtetik urterako balioetan, 2023ko azarotik 2024ko azarora, salmenten bilakaera positiboa izan da Elikaduran, eta % 2,8 igo dira. Gainerako produktuen sektorean, aldiz, salmentak % 0,2 jaitsi dira aurreko urteko hil berarekin alderatuta.
Euskal AEko azalera handietako eta elikadura kate handietako merkataritzaren indizea.Urte arteko eta hilabete arteko aldakuntza-tasak (p). Azaroa 2024
| | Prezio finkoak |
| | m / m-12 | m / m-1 | A (m) /A (m-12) |
| INDIZE OROKORRA lurralde historikoaren arabera | | | |
| Euskal AE | 1,8 | -0,6 | 0,5 |
| Araba/Álava | 1,1 | -0,1 | 0,4 |
| Bizkaia | 2,8 | -0,6 | 0,5 |
| Gipuzkoa | 0,2 | -0,8 | 0,4 |
| | | | |
| INDIZE OROKORRA sektorearen arabera | | | |
| Janariak | 2,8 | -0,7 | 0,8 |
| Gainerako produktuak | -0,2 | -0,5 | -0,3 |
| | | | |
| ENPLEGU-INDIZEA | | | |
| Euskal AE | 1,4 | 0,3 | 1,6 |
(p)Behinbehineko datuak
m / m-12 Urteen arteko aldakuntza. Egutegi eraginak zuzendutako datuak
m / m-1 Hilabeteen arteko aldakuntza. Datu desestazionalizatuak
A(m)/A(m-12) Urtarriletik hil korrientera arte metatutako aldiaren urte arteko aldakuntza-tasa, aurreko urteko aldi metatu beraren aldean
Data 2024ko Abenduaren 26a
Iturria: Eustat. Merkataritza indizea azalera handietan eta elikadura kate handietan (AHEK)
Lurralde historikoen arabera, 2024ko azaroan, azalera handietako eta elikadura-kate handietako salmentak, urtetik urterako balioetan, % 2,8 igo dira Bizkaian, % 1,1 Araban eta % 0,2 Gipuzkoan.
Aurreko hilarekin alderatuta, berriz, salmentek % 0,8 egin dute behera Gipuzkoan, % 0,6 Bizkaian eta % 0,1 Araban.
Azkenik, Euskal AEko azalera handietako eta elikadura-kate handietako langile-kopurua % 1,4 igo da 2023ko azaroarekin alderatuta. Hilen arteko balioan, langileen indizea % 0,3 igo da.
2024ko lehenengo hamaika hilabeteetan metatutako aldian, salmentek % 0,5 egin dute gora Euskal AE osoan. Lurralde historikoen arabera, Gipuzkoan eta Araban % 0,4 igo dira eta Bizkaian, berriz % 0,5.
Sektoreen arabera, Elikaduran urte hasieratik salmenten metatuak % 0,8ko igoera izan du, eta Gainerako produktuetan, berriz, % 0,3ko jaitsiera.
INFORMAZIO-OHARRA
Urte arteko aldakuntzak, egutegiaren eraginak zuzendutako serieetan oinarrituta kalkulatzen dira, eta hil arteko aldakuntzak urtaroen eraginik gabeko serieetan oinarrituta.
Eustatek eskerrak eman nahi dizkie azalera handietako eta elikadura-kate handietako merkataritzaren indizea egiten lagundu duten establezimendu guztiei. Hilabete honetako indizea % 96,97ko estaldurarekin kalkulatu da.
Informazio gehiago:
Eustat - Euskal Estatistika Erakundea / Instituto Vasco de Estadística
Donostia-San Sebastián kalea 1, 01010 Vitoria-Gasteiz
Prentsa-zerbitzua: servicioprensa@eustat.eus Tel: 945 01 75 62