2025/02/27ko prentsa-oharra
MERKATARITZA-INDIZEA AZALERA HANDIETAN ETA ELIKADURA-KATE HANDIETAN. 2025eko URTARRILA
Euskal AEko azalera handietako eta elikadura-kate handietako salmentak % 0,5 jaitsi ziren 2025eko urtarrilean
Aurreko hilaren aldean, salmentak % 0,4 gehitu ziren
Euskal AEko azalera handietako eta elikadura-kate handietako salmentak % 0,5 murriztu dira aurreko urteko hil beraren aldean, prezio konstanteetan eta egutegiaren ondorioak zuzendu ondoren. Aurreko hilabetearen, hau da, 2024ko abenduaren aldean, prezio konstanteetako salmentak % 0,4 igo dira, urtaro-eraginak kenduta.
Elikaduraren sektoreko salmentak % 0,9 hobetu dira hil artean. Gainerako produktuen sektorean, berriz, salmentak % 0,5 jaitsi dira aurreko hilaren aldean. Urte artean, 2025eko urtarrila 2024ko urtarrilaren aldean, salmenten bilakaera negatiboa izan da bai Elikaduran (% 0,4ko jaitsiera), bai Gainerako produktuetan (% 0,6ko jaitsiera).
Euskal AEko azalera handietako eta elikadura kate handietako merkataritzaren indizea.Urte arteko eta hilabete arteko aldakuntza-tasak (p). Urtarrila 2025
| | Prezio finkoak |
| | m / m-12 | m / m-1 | A (m) /A (m-12) |
| Indize orokorra lurralde historikoaren arabera | | | |
| Euskal AE | -0,5 | 0,4 | -0,5 |
| Araba/Álava | -1,5 | -0,7 | -1,5 |
| Bizkaia | -0,3 | 0,6 | -0,3 |
| Gipuzkoa | -0,4 | 0,7 | -0,4 |
| | | | |
| Indize orokorra sektorearen arabera | | | |
| Janariak | -0,4 | 0,9 | -0,4 |
| Gainerako produktuak | -0,6 | -0,5 | -0,6 |
| | | | |
| Enplegu-indizea | | | |
| Euskal AE | 1,5 | -0,2 | 1,5 |
(p)Behinbehineko datuak
m / m-12 Urteen arteko aldakuntza. Egutegi eraginak zuzendutako datuak
m / m-1 Hilabeteen arteko aldakuntza. Datu desestazionalizatuak
A(m)/A(m-12) Urtarriletik hil korrientera arte metatutako aldiaren urte arteko aldakuntza-tasa, aurreko urteko aldi metatu beraren aldean
Data 2025eko Otsailaren 27a
Iturria: Eustat. Merkataritza indizea azalera handietan eta elikadura kate handietan
Lurralde historikoka, 2025eko urtarrilean, azalera handietako eta elikadura-kate handietako salmentek % 1,5 egin dute behera Araban, % 0,4 Gipuzkoan eta % 0,3 Bizkaian.
Hil artean, Araban % 0,7 murriztu dira salmentak; Gipuzkoan eta Bizkaian, berriz, % 0,7 eta % 0,6 hazi dira, hurrenez hurren.
Euskal AEko azalera handietako eta elikadura-kate handietako langile okupatuak % 1,5 gehitu dira, 2024ko urtarrilaren aldean. Hil artean, indizeak % 0,2ko jaitsiera izan du.
INFORMAZIO-OHARRA
Euskal AEko azalera handietan eta elikadura-kate handietan hobekuntza bat sartu da ekoitzitako gainerako produktuetan eta elikagaietan egindako salmenten benetako bolumenera koiunturazko egokitzapen handiagoa ahalbidetzen duen guztizko salmenten deflaktorearen estimazioan; horren ondorioz, guztizko salmenten serie gordina berriz zenbatetsi da prezio konstanteetan.
Urte arteko aldakuntzak egutegiaren eraginak zuzendutako serieetan oinarrituta kalkulatzen dira, eta hil arteko aldakuntzak urtarokotasunik gabeko serieetan oinarrituta.
Eustatek eskerrak eman dizkie azalera handietako eta elikadura-kate handietako merkataritzaren indizea egiten lagundu duten establezimendu guztiei. Hilabete honetako indizea % 96,97ko estaldurarekin kalkulatu da.
Informazio gehiago:
Eustat - Euskal Estatistika Erakundea / Instituto Vasco de Estadística
C/ Donostia-San Sebastián, 1 01010 Vitoria-Gasteiz
Prentsa-zerbitzua: servicioprensa@eustat.eus Tlf: 945 01 75 62