2025/03/27ko prentsa-oharra
KANPO-MERKATARITZAKO BALIO UNITARIOAREN INDIZEAK-UBI. IV/2024
2024ko laugarren hiruhilekoan, esportazioen prezioek % 1,7 egin dute gora aurreko hiruhilekoaren aldean Euskal AEn
Inportazioen prezioak % 2,0 jaitsi dira
2024ko laugarren hiruhilekoan, esportazioen prezioek % 1,7 egin dute gora, aurreko hiruhilekoaren aldean, Eustaten datuen arabera. Alderatzea 2023ko hiruhileko berarekin egiten badugu, prezioak % 2,3 igo dira.
Inportazioek, berriz, kontrako eredua jarraitzen dute; izan ere, prezioak % 2,0 jaitsi dira 2024ko hirugarren hiruhilekoaren aldean, eta % 0,5 urte batetik bestera.
Esportazio “energetikoen” prezioek % 1,4 egin dute gora, aurreko hiruhilekoaren aldean, eta “ez-energetikoenek” % 1,8. Aurreko urteko hiruhileko beraren aldean, ondasun “energetikoen” prezioak % 7,1 igo dira, eta “ez-energetikoenak” % 2,1.
Inportazioen kasuan, produktu “energetikoen” prezioen indizeak atzera egin du, bai urte arteko tasan –% 9,0, bai aurreko hiruhilekoaren aldean –% 9,3. Ondasun “ez-energetikoak”, aldiz, % 3,3 hazi dira urte arteko tasan eta % 1,7 aurreko hiruhilekoaren aldean.
Euskal AEko kanpo-merkataritzako balio bateratuaren indizeak, helburu ekonomikoaren arabera (%). 2024/IV
| | ESPORTAZIOAK | INPORTAZIOAK |
| | t/t-1 | t/t-4 | t/t-1 | t/t-4 |
| Indize orokorra | 1,7 | 2,3 | -2,0 | -0,5 |
| | | | | |
| Energiazko gaiak | 1,4 | 7,1 | -9,3 | -9,0 |
| Energiazkoak ez diren gaiak | 1,8 | 2,1 | 1,7 | 3,3 |
| Kontsumo-ondasunak | 1,4 | 1,4 | 0,8 | 8,6 |
| Kapital-ondasunak | 3,2 | 4,7 | 3,8 | 2,0 |
| Bitarteko ondasunak | 1,2 | 1,6 | -2,8 | -1,7 |
(t/t1) Behatutako azken hiruhilekoaren aldakuntza-tasa aurreko hiruhilekoaren aldean
(t/t4) Behatutako azken hiruhilekoko urte arteko aldakuntza-tasa, aurreko urteko hil beraren aldean
Data 2025eko Martxoaren 27a
Oinarria: Eustat. Kanpo-merkataritzaren unitate balioaren indizeak-UBI
Helburu ekonomikoaren araberako sailkapenari jarraituz, eta 2024ko hirugarren hiruhilekoaren aldean, Kapital-ondasunen (% 3,2), Kontsumo-ondasunen (% 1,4) eta Bitarteko ondasunen (% 1,2) hazkundea nabarmentzen da. Aurreko urtearen aldean joerak mantendu egin dira eta Kapital-ondasunak % 4,7 igo dira, Bitarteko ondasunak % 1,6 eta Kontsumo-ondasunak % 1,4.
Azterketa inportazioetara bideratuz, Kontsumo-ondasunen eta Kapital-ondasunen hazkundea ikusten da, bai urte arteko alderaketan, bai hiruhileko artekoan; handiagoa da Kontsumo-ondasunena (% 8,6) lehenengo kasuan, eta Kapital-ondasunena (% 3,8) bigarrenean; Bitarteko ondasunek, berriz, bietan egin dute atzera (–% 1,7 eta –% 2,8).
Esportazioen xede diren eremu ekonomikoak kontuan hartuta, prezioek goranzko joera erakutsi dute 2024ko hirugarren hiruhilekoarekin alderatuta, nahiz eta urtetik urterako alderaketan baino txikiagoa izan. Eurogunean, igoera % 2,4koa da, EBn % 2,5ekoa eta ELGAn % 2,2koa; munduko gainerako lekuetan, berriz, prezioek % 0,9 egin dute behera.
Aurreko urtearekin alderatuta, Eurogunean % 4,4 igo dira, EBn % 3,3, ELGAn % 1,6 eta Munduko gainerako lekuetan % 6,8.
Euskal AEko kanpo-merkataritzako balio bateratuaren indizeak, arlo ekonomikoen arabera (%). 2024/IV
| | ESPORTAZIOAK | INPORTAZIOAK |
| | t/t-1 | t/t-4 | t/t-1 | t/t-4 |
| Indize orokorra | 1,7 | 2,3 | -2,0 | -0,5 |
| | | | | |
| Euro eremua | 2,4 | 4,4 | -3,1 | 1,2 |
| EB-28 | 2,5 | 3,3 | -2,7 | 0,1 |
| ELGE | 2,2 | 1,6 | -1,9 | -0,7 |
| Munduko besteak | -0,9 | 6,8 | -2,5 | -1,1 |
(t/t1) Behatutako azken hiruhilekoaren aldakuntza-tasa aurreko hiruhilekoaren aldean
(t/t4) Behatutako azken hiruhilekoko urte arteko aldakuntza-tasa, aurreko urteko hil beraren aldean
Data 2025eko Martxoaren 27a
Oinarria: Eustat. Kanpo-merkataritzaren unitate balioaren indizeak-UBI
Inportazioei dagokienez, arlo ekonomiko guztietan atzerakadak izan dira aurreko hiruhilekoaren aldean; horien artean, Eurogunea nabarmendu da (–% 3,1). Urte arteko alderaketan, Euroguneko prezioek ere gora egin dute, kasu honetan % 1,2. Munduko gainerako lekuetan aurkakoa gertatu da, % 1,1 jaitsi baita; beste bi eremuak, berriz, egonkor daudela dirudi.
Informazio gehiago:
Eustat - Euskal Estatistika Erakundea / Instituto Vasco de Estadística
C/ Donostia-San Sebastián, 1 01010 Vitoria-Gasteiz
Prentsa-zerbitzua: servicioprensa@eustat.eus Tlf: 945 01 75 62