2025/03/24ko prentsa-oharra
INDUSTRIAKO PREZIOEN INDIZEA. 2025EKO OTSAILA
Euskal AEko industria-prezioak % 0,3 jaitsi dira 2025eko otsailean, aurreko hilarekin alderatuta
2024ko otsailaren aldean, industria-prezioek % 1,0 egin dute gora
2025eko otsailean, Euskal AEko industria-prezioek % 0,3 egin dute behera aurreko hilaren aldean, Eustatek landutako datuen arabera. Otsaileko urte arteko tasa, hau da, azken hamabi hilabeteetan industria-prezioek izandako aldakuntza jasotzen duena, % 1,0 igo da.
Azterketa xeheago batek agerian uzten du 2025eko otsailean ondoko sektoreek jaitsi zituztela gehien prezioak aurreko hilarekin alderatuta: Energia elektrikoa, gasa eta lurruna (% 2,5), Makinen eta ekipoen fabrikazioa (% 1,3) eta Garraiorako materialaren fabrikazioa (% 1,0). Bestalde, prezioen hil arteko igoerarik handiena izan duten sektoreak honakoak izan dira: Elikaduraren, edarien eta tabakoaren industria (% 1,5) eta Ehungintza, jantzigintza, larrugintza eta zapatagintza (% 1,4).
Ondasunen helburu ekonomikoaren araberako sailkapenaren arabera, 2025eko urtarrilaren aldean, Energiaren prezioak % 1,4 jaitsi dira eta Ekipo-ondasunen prezioak % 0,8. Kontsumo-ondasunetan prezioak % 1,3 igo dira Kontsumo-ondasun ez-iraunkorren prezioak % 1,7 igo direlako eta Kontsumo-ondasun iraunkorrak % 0,4 jaitsi direlako. Bitarteko ondasunen prezioak, azkenik, % 0,2 igo dira.
Urte arteko datuei erreparatuta, hau da, 2025eko eta 2024ko otsaileko datuei erreparatuta, prezioen igoerarik handienak Ura (% 5,5) eta Energia elektrikoa, gasa eta lurruna (% 4,9) adarretan izan dira. Aitzitik, urte arteko prezioek behera egin dute honako adar hauetan: Koke-lantegiak eta petrolio-fintzeak (% 8,8) eta Kautxua, plastikoa eta bestelako produktu mineral ez-metalikoak (% 0,4).
Euskal AEko Industria prezioen indizea. Aldakuntza-tasak (p). Otsaila 2025
| | Indizea | Aldearen % |
| | | m / m-1 | m / m-12 |
| Indize orokorra | 114,9 | -0,3 | 1,0 |
| | | | |
| SEKTORE-BANAKETA | | | |
| Ateratze-industriak | 136,2 | 1,3 | 3,4 |
| Manufaktura-industria | 117,3 | -0,1 | 0,8 |
| Elikaduraren, edarien eta tabakoaren industria | 126,5 | 1,5 | 3,3 |
| Ehungintza, jantzigintza, larrugintza eta zapatagintza | 111,6 | 1,4 | 4,3 |
| Zurgintza, papera eta arte grafikoak | 124,2 | -0,1 | 4,2 |
| Kokeak eta petrolioa fintzen | 122,8 | -0,8 | -8,8 |
| Industria kimikoa | 130,5 | 0,0 | 3,2 |
| Botiken fabrikazioa | 109,8 | 0,0 | 1,6 |
| Kautxu eta plastikoa, beste produktu mineral ez-metalezkoak | 117,2 | 0,4 | -0,4 |
| Metalurgia eta produktu metalikoak | 113,2 | 0,4 | 2,4 |
| Informatikako, elektronikako eta optikako produktuen fabrikazioa | 112,6 | 0,6 | 4,0 |
| Material eta ekipo elektrikoen fabrikazioa | 117,0 | 0,0 | 4,4 |
| Beste inon sailkatu gabeko makineriaren eta ekipoen fabrikazioa | 114,4 | -1,3 | 0,3 |
| Garraiorako materialen fabrikazioa | 115,3 | -1,0 | 2,2 |
| Altzariak, beste manufaktura-ind., konponketa eta instalazioa | 116,8 | -0,5 | 1,8 |
| Energia elektrikoa, gasa eta lurruna | 88,2 | -2,5 | 4,9 |
| Ura | 127,2 | 0,6 | 5,5 |
| | | | |
| INDUSTRIA-SEKTORE HANDIEN ARABERA | | | |
| Kontsumo-ondasunak | 122,4 | 1,3 | 3,7 |
| Kontsumoondasun iraunkorrak | 115,6 | -0,4 | 3,7 |
| Kontsumoondasun ez-iraunkorrak | 124,2 | 1,7 | 3,6 |
| Ekipo-ondasunak | 115,0 | -0,8 | 1,9 |
| Bitarteko ondasunak | 116,4 | 0,2 | 2,0 |
| Energia | 107,6 | -1,4 | -3,9 |
Oinarria 2021=100
(p)Behinbehineko datuak
m / m-1: Azken hileko (m) aldakuntza-tasa, aurreko hilaren (m-1) aldean
m/m12: Azken hileko (m) aldakuntza-tasa, aurreko urteko hil beraren (m-12) aldean
Data 2025eko Martxoaren 24a
Iturria: Eustat. Industria Prezioen Indizea
Xede ekonomikoaren araberako ondasun-talde handien prezioen urte arteko aldakuntza goranzkoa izan da Kontsumo-ondasunetan (% 3,7) arrazoi hauengatik: Kontsumo-ondasun iraunkorren prezioek % 3,7 eta Kontsumo-ondasun ez iraunkorrek % 3,6 egin dutelako gora. Bitarteko ondasunen prezioak % 2,0 igo dira eta Ekipo-ondasunenak % 1,9. Azkenik, Energiaren prezioak % 3,9 jaitsiera izan du urte batetik bestera.
INFORMAZIO-OHARRA
Eustatek eskerrak eman nahi dizkie lagundu duten establezimendu guztiei egindako ahaleginagatik. Horiei esker, hilabete honetako indizea laginaren % 85,01eko estaldurarekin kalkulatu da.
Informazio gehiago:
Eustat - Euskal Estatistika Erakundea/Instituto Vasco de Estadística
Donostia kalea 1, 01010 Vitoria-Gasteiz
Prentsa-zerbitzua: servicioprensa@eustat.eus Tel: 945 01 75 62