2025/04/23ko prentsa-oharra
INDUSTRIA-PREZIOEN INDIZEA. 2025EKO MARTXOA
Euskal AEko industria-prezioak % 0,7 jaitsi dira 2025eko martxoan, aurreko hilabetearekin alderatuta
2024ko martxoarekin alderatuta, industria-prezioek % 1,7ko igoera izan dute
Eustatek landutako datuen arabera, Euskal AEko industria-prezioak % 0,7 jaitsi dira 2025eko martxoan, aurreko hilabetearekin alderatuta. Industria-prezioen azken hamabi hilabeteetako aldakuntza jasotzen duen martxoko urtetik urterako tasa % 1,7 igo da.
Azterketa zehatzago batek agerian uzten duenez, 2025eko martxoan beren prezioetan aurreko hilabetearekin alderatuta jaitsierarik handienak izan dituzten sektoreak Koke-lantegiak eta petrolio-fintzea (% 6,0ko jaitsiera) eta Energia elektrikoa, gasa eta lurruna (% 4,7ko jaitsiera) izan dira. Aldiz, prezioetan hiletik hilerako igoerarik handienak izan dituzten sektoreak Informatikako, elektronikako eta optikako produktuen fabrikazioa (% 9,6) eta Industria kimikoa (% 0,9) izan dira.
Ondasunen helburu ekonomikoaren araberako sailkapenari jarraikiz, 2025eko otsailarekin alderatuta Energiaren prezioak % 5,3 jaitsi dira, eta Kontsumo-ondasunen prezioak, berriz, % 0,4, Kontsumo-ondasun iraunkorren prezioen % 0,1eko igoeraren eta Kontsumo-ondasun ez-iraunkorren prezioen % 0,5eko jaitsieraren ondorioz. Bestalde, Ekipo-ondasunen prezioak % 0,8 igo dira, eta Bitarteko ondasunen prezioek, berriz, egonkor jarraitu dute.
Urtetik urtera, 2025eko martxoa 2024ko martxoarekin alderatuta, prezioen igoerarik handienak honako adar hauetan gertatu dira: Energia elektrikoa, gasa eta lurruna (% 28,8) eta Informatikako, elektronikako eta optikako produktuen fabrikazioa (% 11,4). Aldiz, Koke-lantegiak eta petrolio-fintzea adarreko prezioek % 13,6ko jaitsiera izan dute urtetik urtera.
Euskal AEko Industria prezioen indizea. Aldakuntza-tasak (p). Martxoa 2025
| | Indizea | Aldearen % |
| | | m / m-1 | m / m-12 |
| Indize orokorra | 114,2 | -0,7 | 1,7 |
| | | | |
| SEKTORE-BANAKETA | | | |
| Ateratze-industriak | 135,2 | -0,7 | 0,4 |
| Manufaktura-industria | 116,8 | -0,5 | 0,3 |
| Elikaduraren, edarien eta tabakoaren industria | 126,8 | 0,2 | 2,1 |
| Ehungintza, jantzigintza, larrugintza eta zapatagintza | 110,2 | -1,1 | 2,8 |
| Zurgintza, papera eta arte grafikoak | 123,0 | -1,1 | 1,8 |
| Kokeak eta petrolioa fintzen | 115,5 | -6,0 | -13,6 |
| Industria kimikoa | 131,6 | 0,9 | 5,6 |
| Botiken fabrikazioa | 109,9 | 0,0 | 1,7 |
| Kautxu eta plastikoa, beste produktu mineral ez-metalezkoak | 117,2 | 0,0 | 0,1 |
| Metalurgia eta produktu metalikoak | 113,3 | 0,0 | 2,0 |
| Informatikako, elektronikako eta optikako produktuen fabrikazioa | 123,4 | 9,6 | 11,4 |
| Material eta ekipo elektrikoen fabrikazioa | 116,9 | 0,0 | 3,2 |
| Beste inon sailkatu gabeko makineriaren eta ekipoen fabrikazioa | 113,6 | -0,8 | 0,7 |
| Garraiorako materialen fabrikazioa | 116,2 | 0,8 | 3,2 |
| Altzariak, beste manufaktura-ind., konponketa eta instalazioa | 118,0 | 0,6 | 2,8 |
| Energia elektrikoa, gasa eta lurruna | 84,5 | -4,7 | 28,8 |
| Ura | 127,9 | 0,6 | 4,2 |
| | | | |
| INDUSTRIA-SEKTORE HANDIEN ARABERA | | | |
| Kontsumo-ondasunak | 122,0 | -0,4 | 2,1 |
| Kontsumoondasun iraunkorrak | 115,7 | 0,1 | 3,3 |
| Kontsumoondasun ez-iraunkorrak | 123,7 | -0,5 | 1,8 |
| Ekipo-ondasunak | 116,0 | 0,8 | 3,1 |
| Bitarteko ondasunak | 116,6 | 0,0 | 1,8 |
| Energia | 102,1 | -5,3 | -1,1 |
Oinarria 2021=100
(p)Behinbehineko datuak
m / m-1: Azken hileko (m) aldakuntza-tasa, aurreko hilaren (m-1) aldean
m/m12: Azken hileko (m) aldakuntza-tasa, aurreko urteko hil beraren (m-12) aldean
Data 2025eko Apirilaren 23a
Iturria: Eustat. Industria Prezioen Indizea
Helburu ekonomikoaren arabera sailkatutako ondasun-talde handien prezioen urtetik urterako aldakuntza positiboa izan da Ekipo-ondasunen kasuan (% 3,1eko igoera) eta Bitarteko ondasunen kasuan (% 1,8ko igoera). Kontsumo-ondasunen prezioek % 2,1eko igoera izan dute, Kontsumo-ondasun iraunkorren prezioen % 3,3ko igoeraren eta Kontsumo-ondasun ez-iraunkorren prezioen % 1,8ko igoeraren ondorioz. Azkenik, Energiaren prezioek % 1,1eko jaitsiera izan dute urtetik urtera.
INFORMAZIO-OHARRA
Eustatek eskerrak eman nahi dizkie parte hartu duten establezimendu guztiei, egindako ahaleginagatik. Haiei esker, hilabete honetako indizea laginaren % 86,99ko estaldurarekin kalkulatu da.
Informazio gehiago:
Eustat - Euskal Estatistika Erakundea / Instituto Vasco de Estadística
Donostia kalea, 1 01010 Vitoria-Gasteiz
Prentsa Zerbitzua: servicioprensa@eustat.eus Tel.: 945 01 75 62