2025/05/22ko prentsa-oharra
INDUSTRIA-PREZIOEN INDIZEA. 2025eko APIRILA
Ohar hau berrikusi egin da, prozesu-errore baten ondorioz, 2025eko apirileko indizearen kalkuluetan
Euskal AEko industria-prezioak % 0,8 jaitsi dira 2025eko apirilean, aurreko hilaren aldean
2024ko apirilaren aldean, industria-prezioek % 1,2 egin dute gora
Eustaten datuen arabera, Euskal AEko industria-prezioek % 0,8 egin dute behera 2025eko apirilean, aurreko hilabetearen aldean. Industria-prezioen azken hamabi hilabeteetako aldakuntza jasotzen duen apirileko urtetik urterako tasa % 1,2 igo da.
Azterketa zehatzago batek agerian uzten duenez, 2025eko apirilean aurreko hilabetearekin alderatuta prezioetan jaitsierarik handienak izan dituzten sektoreak Koke-lantegiak eta petrolio fintzea (% 5,3ko jaitsiera) eta Energia elektrikoa, gasa eta lurruna (% 1,9ko jaitsiera) izan dira. Aldiz, prezioetan hiletik hilerako igoerarik handienak izan dituzten sektoreak honakoak izan dira: Informatikako, elektronikako eta optikako produktuen fabrikazioa (% 1,8) eta Beste inon sailkatu gabeko makineriaren eta ekipoen fabrikazioa (% 1,9).
Ondasunen helburu ekonomikoaren araberako sailkapenari jarraituz, 2025eko martxoaren aldean, Energiaren prezioak % 3,8 jaitsi dira, Ekipo-ondasunenak % 0,4 eta Bitarteko ondasunenak % 0,2. Kontsumo-ondasunetan, prezioak % 0,2 igo dira, batez ere, Kontsumo-ondasun iraunkorren prezioak % 0,7 igo direlako eta Kontsumo-ondasun ez-iraunkorrenak ez direlako aldatu.
Urtetik urtera, 2025eko apirila 2024ko apirilarekin alderatuta, prezioen igoerarik handienak honako adar hauetan egon dira: Energia elektrikoa, gasa eta lurruna (% 45,5) eta Informatiko, elektronikako eta optikako produktuen fabrikazioa (% 15,4). Bestalde, Koke-lantegiak eta petrolio-fintzea adarreko prezioak % 18,5 jaitsi dira urte batetik bestera.
Euskal AEko Industria prezioen indizea. Aldakuntza-tasak (p). Apirila 2025
| | Indizea | Aldearen % |
| | | m / m-1 | m / m-12 |
| Indize orokorra | 113,5 | -0,8 | 1,2 |
| | | | |
| SEKTORE-BANAKETA | | | |
| Ateratze-industriak | 134,6 | -0,5 | -0,3 |
| Manufaktura-industria | 115,8 | -0,8 | -0,9 |
| Elikaduraren, edarien eta tabakoaren industria | 126,6 | -0,2 | 1,2 |
| Ehungintza, jantzigintza, larrugintza eta zapatagintza | 110,5 | 0,8 | -0,4 |
| Zurgintza, papera eta arte grafikoak | 121,6 | -0,8 | 0,9 |
| Kokeak eta petrolioa fintzen | 109,4 | -5,3 | -18,5 |
| Industria kimikoa | 127,4 | -1,3 | 0,9 |
| Botiken fabrikazioa | 110,0 | 0,0 | 1,7 |
| Kautxu eta plastikoa, beste produktu mineral ez-metalezkoak | 117,0 | -0,1 | -0,8 |
| Metalurgia eta produktu metalikoak | 113,4 | 0,1 | 1,7 |
| Informatikako, elektronikako eta optikako produktuen fabrikazioa | 125,6 | 1,8 | 15,4 |
| Material eta ekipo elektrikoen fabrikazioa | 116,4 | -0,4 | 2,7 |
| Beste inon sailkatu gabeko makineriaren eta ekipoen fabrikazioa | 116,0 | 1,9 | 3,1 |
| Garraiorako materialen fabrikazioa | 113,7 | -2,2 | 0,7 |
| Altzariak, beste manufaktura-ind., konponketa eta instalazioa | 117,9 | 0,6 | 0,8 |
| Energia elektrikoa, gasa eta lurruna | 87,6 | -1,9 | 45,5 |
| Ura | 130,1 | 1,7 | 2,9 |
| | | | |
| INDUSTRIA-SEKTORE HANDIEN ARABERA | | | |
| Kontsumo-ondasunak | 122,1 | 0,2 | 0,9 |
| Kontsumoondasun iraunkorrak | 115,1 | 0,7 | 1,2 |
| Kontsumoondasun ez-iraunkorrak | 124,0 | 0,0 | 0,9 |
| Ekipo-ondasunak | 115,6 | -0,4 | 2,8 |
| Bitarteko ondasunak | 116,1 | -0,2 | 1,0 |
| Energia | 100,3 | -3,8 | -1,0 |
Oinarria 2021=100
(p)Behinbehineko datuak
m / m-1: Azken hileko (m) aldakuntza-tasa, aurreko hilaren (m-1) aldean
m/m12: Azken hileko (m) aldakuntza-tasa, aurreko urteko hil beraren (m-12) aldean
Data 2025eko Maiatzaren 22a
Iturria: Eustat. Industria Prezioen Indizea
Helburu ekonomikoaren araberako sailkatutako ondasun-talde handien prezioen urtetik urterako aldakuntza positiboa izan da Ekipo-ondasunetan (% 2,8) eta Bitarteko ondasunetan (% 1,0). Kontsumo-ondasunen prezioak % 0,9 igo ziren, Kontsumo-ondasun iraunkorren prezioak % 1,2 eta Kontsumo-ondasun ez-iraunkorrenak % 0,9. Azkenik, Energiaren prezioak % 1,0 jaitsi dira urte batetik bestera.
INFORMAZIO-OHARRA
Eustatek eskerrak eman nahi dizkie parte hartu duten establezimendu guztiei egindako ahaleginagatik. Horiei esker, hilabete honetako indizea laginaren % 88,48ko estaldurarekin kalkulatu da.
Informazio gehiago:
Eustat - Euskal Estatistika Erakundea / Instituto Vasco de Estadística
Donostia kalea 1, 01010 Vitoria-Gasteiz
Prentsa-zerbitzua: servicioprensa@eustat.eus Tel: 945 01 75 62