2025/07/28ko prentsa-oharra
MERKATARITZA-INDIZAEA AZALERA HANDIETAN ETA ELIKADURA-KATE HANDIETAN. 2025eko EKAINA
Euskal AEko azalera handietako eta elikadura-kate handietako salmentak % 2,5 igo dira 2025eko ekainean
Aurreko hilaren aldean, salmentak % 0,5 jaitsi dira
Euskal AEko azalera handietako eta elikadura-kate handietako salmentak % 2,5 igo dira aurreko urteko hil beraren aldean, prezio konstanteetan eta egutegiaren ondorioak zuzendu ondoren. Aurreko hilaren aldean, hau da, 2025eko maiatzaren aldean, % 0,5 egin dute behera prezio konstanteetako salmentek, urtaro-eraginak kenduta.
Urte artean, salmenten bilakaera positiboa izan da Elikaduran, % 1,2ko igoerarekin (2025eko ekaina 2024ko ekainaren aldean), eta baita Gainerako produktuetan ere, % 4,9ko igoerarekin.
Aurreko hilarekiko (2025eko ekaina 2025eko maiatzaren aldean), salmentak % 0,8 igo dira Gainerako produktuen sektorean, eta, aldiz, Elikagaien sektorean % 1,2 jaitsi dira.
Euskal AEko azalera handietako eta elikadura kate handietako merkataritzaren indizea.Urte arteko eta hilabete arteko aldakuntza-tasak (p). Ekaina 2025
| |
Prezio finkoak |
| |
m / m-12 |
m / m-1 |
A (m) /A (m-12) |
| Indize orokorra lurralde historikoaren arabera |
|
|
|
| Euskal AE |
2,5 |
-0,5 |
0,8 |
| Araba/Álava |
2,1 |
-0,7 |
-0,1 |
| Bizkaia |
3,2 |
-0,4 |
1,5 |
| Gipuzkoa |
1,4 |
-0,5 |
0,0 |
| |
| Indize orokorra sektorearen arabera |
|
|
|
| Janariak |
1,2 |
-1,2 |
0,6 |
| Gainerako produktuak |
4,9 |
0,8 |
1,2 |
| |
| Enplegu-indizea |
|
|
|
| Euskal AE |
0,5 |
-0,6 |
1,8 |
(p)Behinbehineko datuak
m / m-12 Urteen arteko aldakuntza. Egutegi eraginak zuzendutako datuak
m / m-1 Hilabeteen arteko aldakuntza. Datu desestazionalizatuak
A(m)/A(m-12) Urtarriletik hil korrientera arte metatutako aldiaren urte arteko aldakuntza-tasa, aurreko urteko aldi metatu beraren aldean
Data 2025eko Uztailaren 28a
Iturria: Eustat. Merkataritza indizea azalera handietan eta elikadura kate handietan
Bizkaian % 3,2, Araban % 2,1 eta Gipuzkoan % 1,4 handitu dira azalera handietako eta elikadura-kate handietako salmentak 2025eko ekainean, aurreko urteko garai beraren aldean.
Aurreko hilarekiko, berriz, salmentak % 0,7 txikitu dira Araban, % 0,5 Gipuzkoan eta % 0,4 Bizkaian.
Azkenik, Euskal AEko azalera handietan eta elikadura-kate handietan okupatutako langileen kopurua % 0,5 handitu da 2024ko ekainaren aldean. Aurreko hilarekiko, ordea, okupatutako langileen indizea % 0,6 txikitu da.
INFORMAZIO-OHARRA
Urtetik urterako aldaketak egutegiaren eraginak zuzendutako serieetan oinarrituta kalkulatzen dira, eta hil arteko aldakuntzak urtarokotasunik gabeko serietan oinarrituta.
Eustatek eskerrak eman nahi dizkie azalera handietako eta elikadura-kate handietako merkataritza-indizea egiten lagundu duten establezimendu guztiei. Hilabete honetako indizea % 100,0ko estaldurarekin kalkulatu da.
Informazio gehiago:
Eustat - Euskal Estatistika Erakundea / Instituto Vasco de Estadística
Donostia kalea 1, 01010 Vitoria-Gasteiz
Prentsa-zerbitzua: servicioprensa@eustat.eus Tel: 945 01 75 62