2025/09/29ko prentsa-oharra
AZALERA HANDIETAKO ETA ELIKADURA-KATE HANDIETAKO MERKATARITZA-INDIZEA. 2025EKO ABUZTUA
Euskal Autonomia Erkidegoko azalera handietako eta elikadura-kate handietako salmentak % 0,4 murriztu dira 2025eko abuztuan
Aurreko hilabetearekin alderatuta, salmentak % 0,4 murriztu dira
Euskal AEko azalera handietako eta elikadura-kate handietako salmentak % 0,4 jaitsi dira aurreko urteko hil beraren aldean, prezio konstanteetan eta egutegiaren ondorioak zuzendu ondoren. Aurreko hilabetearekin —2025eko uztaila— alderatuta, prezio konstanteetako salmentak, dagozkien urtaro-eraginak kenduta, % 0,4 jaitsi dira.
Salmentek urte batetik bestera izan duten bilakaera positiboa izan da Gainerako produktuak sektorean, % 0,7ko igoera izan baita. Hala ere, Elikadura sektorean salmentak % 0,9 murriztu dira 2024ko abuztuarekin alderatuta.
Hilabete arteko datuei dagokienez (2025eko abuztua eta 2025eko uztaila), bilakaera negatiboa izan da, bai Elikagaiak sektorean (% 0,6 jaitsi da), bai Gainerako produktuak sektorean (% 0,2 egin du atzera).
Euskal AEko azalera handietako eta elikadura kate handietako merkataritzaren indizea.Urte arteko eta hilabete arteko aldakuntza-tasak (p). Abuztua 2025
| |
Prezio finkoak |
| |
m / m-12 |
m / m-1 |
A (m) /A (m-12) |
| Indize orokorra lurralde historikoaren arabera |
|
|
|
| Euskal AE |
-0,4 |
-0,4 |
0,6 |
| Araba/Álava |
-0,3 |
0,5 |
-0,3 |
| Bizkaia |
0,1 |
-1,0 |
1,3 |
| Gipuzkoa |
-1,1 |
0,1 |
-0,2 |
| |
| Indize orokorra sektorearen arabera |
|
|
|
| Janariak |
-0,9 |
-0,6 |
0,4 |
| Gainerako produktuak |
0,7 |
-0,2 |
1,1 |
| |
| Enplegu-indizea |
|
|
|
| Euskal AE |
1,1 |
0,5 |
1,6 |
(p)Behinbehineko datuak
m / m-12 Urteen arteko aldakuntza. Egutegi eraginak zuzendutako datuak
m / m-1 Hilabeteen arteko aldakuntza. Datu desestazionalizatuak
A(m)/A(m-12) Urtarriletik hil korrientera arte metatutako aldiaren urte arteko aldakuntza-tasa, aurreko urteko aldi metatu beraren aldean
Data 2025eko Irailaren 29a
Iturria: Eustat. Merkataritza indizea azalera handietan eta elikadura kate handietan
Azalera handietako eta elikadura-kate handietako salmentak % 0,1 igo dira Bizkaian 2025eko abuztuan, urte batetik bestera. Aitzitik, Araban eta Gipuzkoan salmentak % 0,3 eta % 1,1 jaitsi dira, hurrenez hurren.
Hil arteko datuei dagokienez, salmentak % 0,5 igo dira Araban eta % 0,1 Gipuzkoan. Bizkaian, aldiz, % 1,0 jaitsi dira.
Urteko lehen zortzi hilabeteetako metatuan, azalera handietako eta elikadura-kate handietako salmentak % 0,6 igo dira 2024ko aldi metatu beraren aldean; hala, Bizkaian % 1,3ko igoera izan da. Araban, berriz, % 0,3ko jaitsiera izan da, eta Gipuzkoan % 0,2koa.
Euskal AEko azalera handietako eta elikadura-kate handietako langile okupatuen kopurua, azkenik, % 1,1 handitu da 2024ko abuztuarekin alderatuta. Hilabete arteko datuei dagokienez, langileen indizeak % 0,5 egin du gora. Abuztura arteko urteko metatuan % 1,6ko hazkundea izan da.
INFORMAZIO-OHARRA
Urte arteko aldakuntzak egutegi-efektuen serie zuzenduetatik eta hilabete arteko aldaketetatik abiatuta kalkulatzen dira, urtaro-eraginik gabeko serieak oinarri hartuta.
Eustatek eskerrak ematen dizkie merkataritza-indizea egiten lagundu duten azalera handietako eta elikadura-kate handietako establezimendu guztiei. Hilabete honetako indizea % 96,97ko estaldurarekin kalkulatu da.
Informazio gehiago nahi izanez gero:
Eustat - Euskal Estatistika Erakundea / Instituto Vasco de Estadística
Donostia-San Sebastián kalea, 1 01010 Vitoria-Gasteiz
Prentsa-zerbitzua: servicioprensa@eustat.eus Tel.: 945 01 75 62