2025/07/03ko prentsa-oharra
INDUSTRIA-PRODUKZIOAREN INDIZEA. 2025EKO MAIATZA
Euskal Autonomia Erkidegoko industria-jarduera % 1,9 hazi zen 2025eko maiatzean
Aurreko hilaren —2025eko apirila— aldean, industria-produkzioa % 0,1 handitu da
Eustaten datuen arabera, 2025eko maiatzean Euskal Autonomia Erkidegoko industria-produkzioa aurreko urteko hil berean izandakoa baino % 1,9 handiagoa izan zen, lan-egutegi homogeneoari dagokionez.
Aurreko hilabetearekin alderatuz gero, Euskal Autonomia Erkidegoko industria-jarduera % 0,1 handitu da azken hilabetean, urtaroen eragina zuzendu ondoren.
Ondasunen helburu ekonomikoaren arabera, Kontsumo-ondasunetan produkzioak urte arteko portaera negatiboa izan du 2025eko maiatzean, eta produkzioa % 0,1 murriztu da sektore osoa kontuan hartuta. Jaitsiera hori batez ere Kontsumo iraunkorreko ondasunen portaerak eragin du, horien produkzioa % 3,2 jaitsi baita; izan ere, Kontsumo ez-iraunkorreko ondasunen produkzioa % 0,7 hazi da. Kontsumo iraunkorreko ondasunen artean, besteak beste, altzarien eta etxeko tresnen fabrikazioa sartzen da. Kontsumo ez-iraunkorreko ondasunen artean, bestalde, elikagaiak prozesatzeko eta kontserbatzeko jarduerak, garbiketa- eta higiene-produktuen fabrikazioa, farmazia-produktuak eta janzteko arropen produkzioa agertzen dira.
Ekipamenduko ondasunen produkzioa (ibilgailu motordunen fabrikazioa, tren-makinen eta trenbide-materialen eraikuntza eta aeronautikaren edo itsasontzien eraikuntza barne hartzen dira) % 13,7 igo da aurreko urteko maiatzaren aldean.
Bitarteko ondasunetan (metalurgia eta metalezko produktuen fabrikazioa, industria kimikoa eta kautxuzko eta plastikozko produktuen fabrikazioa barne hartzen dira) produkzioa % 1,9 jaitsi da urte artean.
Azkenik, Energiaren produkzioa % 24,6 jaitsi da 2025eko maiatzean, aurreko urteko hil beraren aldean. Sektore honetan sartzen dira energia elektrikoaren produkzioa eta hornidura eta petrolioa fintzea.
Euskal AEko Industria produkzioaren indizea lurralde historikoaren eta ondasunen helburu ekonomikoaren arabera. Aldakuntza-tasak (p). Maiatza 2025
| |
Egutegi eraginak zuzendutako datuak |
Datu desestazionalizatuak |
| |
m / m-12 |
Am / A(m-12) |
m / m-1 |
| Indize orokorra |
|
|
|
| Euskal AE |
1,9 |
1,8 |
0,1 |
| Araba/Álava |
-1,0 |
-2,8 |
0,2 |
| Bizkaia |
4,1 |
5,6 |
-0,4 |
| Gipuzkoa |
1,3 |
0,5 |
0,6 |
| ONDASUNEN HELBURU EKONOMIKOAREN ARABERAKO INDIZEAK |
|
|
|
| Kontsumo-ondasunak |
-0,1 |
1,6 |
-1,2 |
| Kontsumoondasun iraunkorrak |
-3,2 |
-4,4 |
1,7 |
| Kontsumoondasun ez-iraunkorrak |
0,7 |
3,1 |
-1,9 |
| Ekipo-ondasunak |
13,7 |
9,3 |
4,9 |
| Bitarteko ondasunak |
-1,9 |
-2,6 |
-1,1 |
| Energia |
-24,6 |
-8,1 |
-13,6 |
(p)Behinbehineko datuak
m/m12 Azken hileko (m) aldakuntza-tasa, aurreko urteko hil beraren (m-12) aldean
Am / A(m-12) Urte arteko aldakuntza-tasa , urtarriletik behatutako azken hilera arte metatutako aldian (Am), aurreko urtean pilatutako aldi beraren (A(m-12)) aldean
m / m-1 Azken hileko (m) aldakuntza-tasa, aurreko hilaren (m-1) aldean
Data 2025eko Uztailaren 3a
Iturria: Eustat. Industria-produkzioaren indizea
2025eko maiatzean Industria-produkzioaren indizearen urte arteko bilakaera positiboa izan da Bizkaian (% 4,1 hazi da) eta Gipuzkoan (% 1,3 hazi da) urte arteko terminoetan. Araban, aldiz, urte batetik bestera % 1,0 murriztu da produkzioa.
Maila bereiziagoan, Euskal AEko industrian pisu handiena duten sektoreen artean, 2025eko maiatzean, urte artean, produkzioaren hazkuntza handiena hauek izan dute: Makineria eta ekipamendua (% 30,4) eta Materiala eta ekipo elektrikoa (% 5,2). Aldiz, produkzioaren urte arteko jaitsiera nabarmenenak Zura, papera eta arte grafikoak (% 5,7) eta Energia elektrikoa, gasa eta lurruna (% 5,3) sektoreetan izan dira.
Euskal AEko Industria produkzioaren indizea. Sektore A38 nagusiak (1). Urte arteko hazkunde-tasa (p). Maiatza 2025
| |
m / m-12 |
| Elikadura ind., edariak, tabakoa |
-2,0 |
| Zurgintza, papera eta arte grafikoak |
-5,7 |
| Kautxua eta plastikoak |
0,6 |
| Metalurgia eta produktu metalikoak |
1,4 |
| Materiala eta tresna elektrikoak |
5,2 |
| Makineria eta tresneria |
30,4 |
| Garraio-materiala |
1,6 |
| Energia elektrikoa, gasa eta lurruna |
-5,3 |
(p)Behinbehineko datuak
Egutegi eraginak zuzendutako datuak
(1)Euskal Aeko industrian pisurik handiena duten sektoreak
Data 2025eko Uztailaren 3a
Iturria: Eustat. Industria-produkzioaren indizea
2025eko MAIATZEKO BALANTZE METATUA
Urteko lehen bost hilabeteetako balantze metatuan, Industria-produkzioaren indizea % 1,8 igo da. Maiatzera arte metatutako produkzioa % 1,6 igo da Kontsumo-ondasunetan eta % 9,3 Ekipo-ondasunetan, aurreko urteko aldi metatu berarekin alderatuta Bitarteko ondasunak, berriz, % 2,6 jaitsi dira, eta Energia % 8,1.
Lurralde historikoen arabera, 2025eko lehenengo bost hilabeteetako balantze metatua balantze positiboarekin itxi da Bizkaian eta Gipuzkoan, produkzioa % 5,6 eta % 0,5 igo baita, hurrenez hurren. Araban, aldiz, produkzioa % 2,8 jaitsi da, aurreko urteko aldi metatu beraren aldean.
INFORMAZIO-OHARRA
Eustatek eskerrak eman nahi dizkie informazioa biltzen lagundu duten establezimendu guztiei. Haiei esker, hilabete honetako indizea laginaren % 84,93ko estaldurarekin kalkulatu da.
Informazio gehiago:
Eustat - Euskal Estatistika Erakundea / Instituto Vasco de Estadística
Donostia kalea 1, 01010 Vitoria-Gasteiz
Prentsa-zerbitzua: servicioprensa@eustat.eus Tel: 945 01 75 62