2025/10/21eko prentsa-oharra

ESTABLEZIMENDU TURISTIKO HARTZAILEEN INKESTA. Hotelak izan ezik. 2025eko iraila

2025eko irailean Euskal AEko landetxeetan igarotako ostatu-gauak % 6,2 igo dira, eta apartamentu turistikoetan % 20,4

Udako hiru hilabeteetan, landetxeetako ostatu-gauak % 4,0 igo dira eta apartamentu turistikoetakoak % 15,2

2025eko irailean, Euskal AEko landetxeetan sarreren kopurua % 11,2 igo da aurreko urteko hil beraren aldean, eta ostatu-gauena % 6,2, Eustatek landutako datuen arabera. Urte batetik bestera izandako aldaketa horiekin, sarreren kopurua 19.651 izatera iritsi da irailean, eta ostatu-gauen kopurua 47.340 izan da guztira.

Aurreko urteko irailarekin alderatuta % 0,1eko jaitsiera izan ondoren, 2025eko irailean atzerriko bisitarien sarrerak Euskal AEko landetxeetan izandako sarrera guztien % 32,4 izan dira. Ostatu-gauen kasuan, bestalde, atzerritar jatorrikoenak guztizkoaren % 32,3 izan dira, eta 2024ko irailarekin alderatuta % 1,5 igo dira, beraz.

Lurralde historikoen arabera, sarrerak % 27,0 igo dira Araban eta % 18,2 Bizkaian, eta Gipuzkoan, berriz, igoera moderatuagoa izan da, % 1,7koa, alegia. Ostatu-gauei dagokienez, Araban % 28,2 igo dira eta Bizkaian % 17,0; Gipuzkoaren kasuan, berriz, % 5,3 jaitsi dira urtetik urterako datuen arabera.

Euskal AEko mota horretako establezimenduetan batez besteko egonaldia 2,41 egunekoa izan da 2025eko irailean, aurreko urteko hil berean izandako 2,52 eguneko batez besteko egonaldia baino laburragoa(1).

Plazen araberako okupazio-maila ehuneko 2,0 igo da 2024ko irailekoarekin alderatuta, eta % 35,1ekoa izan da. Logelen araberako okupazioa, bestalde ehuneko 1,9 puntu igo da urte batetik besterako datuen arabera, eta azken hilabetean % 42,2koa izan da.

Apartamentu turistikoei dagokienez, 2025eko irailean 26.526 sarrera izan dira, eta ostatu-gauak 79.474 izan dira. Datu horiek aurreko urteko irailekoekin alderatuz gero, sarreren kasuan igoera % 35,0ekoa izan da eta ostatu-gauen kasuan % 20,4koa.

Apartamentu turistiko(2) esaten zaio blokearen edo multzoaren modalitatean kudeatzen duen ustiapeneko enpresa-unitate baten ardurapean eskaintzen den ostatu-unitate bakoitzari.

Euskal AEko apartamentu turistikoetan izandako sarrera guztien % 48,0 eta ostatu-gau guztien % 46,6 atzerritar jatorriko bisitariei dagozkie, 2025eko irailean urte arteko % 56,0ko eta % 34,3ko igoerak izan ondoren, hurrenez hurren.

Apartamentu turistikoetako batez besteko egonaldia 3,00 egunekoa izan da 2025eko irailean, 2024ko irailean Euskal AE osoan izandako 3,36 egunekoaren azpitik. Mota horretako establezimenduetako batez besteko egonaldia 14,67 egunekoa izan da Araban, 4,20 egunekoa Gipuzkoan eta 2,12 egunekoa Bizkaian.

Irailean, plazen okupazio-maila % 43,8koa izan da Euskal AEn, 2024ko irailarekin alderatuta ehuneko 1,9 puntu igo ondoren. Apartamentu bakoitzeko okupazio-mailak, berriz, ehuneko 6,7 puntu egin du gora, eta % 79,6ra iritsi da.

2025eko irailean, Euskal AEko aterpetxe turistikoek urte batetik bestera % 5,8ko igoera izan dute sarreretan, eta guztira 26.346 sarrera izan dira eta 46.780 ostatu-gau, aurreko urteko irailean baino % 13,3 gehiago. Bizkaian 15.584 sarrera izan dira mota horretako establezimenduetan, Gipuzkoan 9.637 eta, azkenik, Araban 1.125.

2025eko irailean, aterpetxe turistikoetako egonaldien batez besteko iraupena 1,78 egunekoa izan da Euskal AE osoan, eta plazen okupazio-maila, urte batetik bestera ehuneko 4,0 puntu igo ondoren, % 43,1era iritsi da.

Datu metatuak (2025eko urtarrila-iraila)

2025ean, orain arte, Euskal AEko landetxeetan 144.190 sarrera erregistratu dira eta 388.802 ostatu-gau egin dira, 2024ko aldi betean metatutakoak baino % 5,0 eta % 5,3 gehiago. Batez besteko egonaldia 2,70 egunekoa izan da, hau da, aurreko urtekoaren antzekoa, 2,69 egunekoa izan baitzen. Okupazio-mailari dagokionez, plazen arabera neurtuta, % 34,5era iritsi da, eta 2024ko aldi metatu berean, berriz, % 32,3ra iritsi zen. Gelen arabera neurtuta ere 2024ko aldi metatu berekoa baino handiagoa izan da, kasu horretan % 37,1ekoa izan baitzen eta 2025eko bederatzi hilabete hauetan % 39,7koa izan baita.

Apartamentu turistikoei dagokienez, irailera arte metatutako aldian 220.342 sarrera izan dira eta 643.449 ostatu-gau; horrek adierazten du 2024ko aldi berarekin alderatuta sarrerek % 32,6 egin dutela gora eta ostatu-gauek % 16,8. 2025eko bederatzi hilabete hauetan batez besteko egonaldia 2,92 egunekoa izan da, eta 2024ko aldi berean, berriz, 3,32 egunekoa izan zen. Plazen araberako okupazio-maila % 41,2koa izan da, 2024ko aldi berekoa baino hamarren bat baxuagoa. Apartamentuen okupazio-maila % 72,2koa izan da, hau da, 2024ko aldi baliokideko okupazio-maila baino % 5,6 puntu handiagoa.

Aterpetxe turistikoei dagokienez, 2025eko bederatzi hilabete hauetan 212.710 sarrera eta 384.347 ostatu-gau izan dira, 2024ko hilabete berberekin alderatuta sarrerek % 3 eta ostatu-gauek % 2 gora egin ondoren. Batez besteko egonaldia 1,81 egunekoa izan da, aurreko urteko 1,82 egunekoaren azpitik. Azkenik, plazen okupazio-maila % 42,1ekoa izan da, 2024ko aldi metatu berean izandakoa baino % 0,1 txikiagoa.

2025eko udako balantzea

Udako hiru hilabetetan (2025eko uztailean, abuztuan eta irailean) Euskal AEko landetxeetako ostatu-gauak % 4,0 igo dira aurreko urteko udarekin alderatuta, eta sarrerak ere % 2,3 igo dira.

Lurralde historikoen arabera banatuta, ostatu-gauak % 0,8 igo dira Gipuzkoan, % 2,6 Bizkaian eta % 18,7 Araban. Bestalde, aurtengo udan sarrerek % 13,9 egin dute gora Araban eta % 4,9 Bizkaian, eta Gipuzkoan, aldiz, % 3,0 egin dute behera 2024ko udako hilabeteetakoekin alderatuta.

Batez besteko egonaldia 3,21 egunekoa izan da, 2024ko udako 3,16 eguneko batez besteko egonaldia zertxobait gaindituz. Nabarmentzen da Gipuzkoako batez besteko 3,51 eguneko egonaldia, eta Bizkaian 2,98 egunekoa izan da eta Araban 2,85 egunekoa.

Mota horretako ostatuetako plazen araberako okupazio-maila, Euskal AE osoan, % 52,0koa izan da, eta gelen araberakoa % 58,0koa. Horrek adierazten du plazen kasuan ehuneko 2,1 egin duela onera eta gelen kasuan, berriz, 2,2.

Euskal AEko apartamentu turistikoei dagokienez, 2025eko udan 98.494 sarrera izan dira, aurreko udarekin alderatuta % 26,2ko igoera izan ondoren. Bestalde, ostatu-gauak 279.588 izan dira, 2024ko udan baino % 15,2 gehiago.

Lurralde historikoen mailan, Bizkaian sarreretan izandako % 33,8ko igoera eta ostatu-gauetan izandako % 20,4koa nabarmentzen da. Gipuzkoan % 18,6ko eta % 11,9ko igoerak izan dira aldaera horietan, eta, azkenik, Araban sarrerak % 19,0 jaitsi dira eta ostatu-gauak, berriz, % 5,9 igo dira.

Batez besteko egonaldia 2,84 egunekoa izan da 2025eko udako hiru hilabeteak kontuan hartuta, eta 2024ko aldi berean 3,11 egunekoa izan zen.

2025eko udan, Euskal AE osoko plazen okupazio-maila % 50,1ekoa izan da, 2024koarekin alderatuta ehuneko 1,2 puntuko jaitsiera izan ondoren; eta apartamentuen kasuan % 82,2koa izan da, eta urte arteko datuetan ehuneko 10,8ko igoera izan da, beraz.

2025eko udako hilabeteetan, Euskal AEko aterpetxe turistikoetako sarrerak 99.842 izan dira guztira, eta ostatu-gauak 185.211. Aurreko urteko udako datuekin alderatuz gero, sarreren kasuan igoera % 3,4koa izan da eta ostatu-gauen kasuan % 6,0koa.

Informazio-oharra

ETHren inguruan emandako erantzunen tasa hilabete honetan % 89,4koa izan da landetxeetan, % 89,1ekoa apartamentu turistikoetan eta % 86,8koa turismo-aterpetxeetan. Eustatek egindako ahalegina eskertu die inkesta honetan parte hartu duten establezimendu guztiei.

(1) Batez besteko egonaldia bidaiariek gaua igarotzen duten establezimenduetan batez beste ematen duten egun-kopuruari dagokio, eta ez Euskal AEn ematen duten egonaldi osoaren iraupenari.

(2) Ez dira epigrafe honetan sartzen turismo-erabilerako etxebizitzak, arrazoi turistikoengatik aldi baterako eskaintzen, merkaturatzen edo lagatzen diren etxebizitza partikularrak.

Informazio gehiago nahi izanez gero:

Eustat - Euskal Estatistika Erakundea / Instituto Vasco de Estadística
Donostia-San Sebastián kalea 1, 01010 Vitoria-Gasteiz
Prentsa-zerbitzua: Tel.: 945 01 75 62