2025/09/26ko prentsa-oharra
KANPO-MERKATARITZAKO BALIO UNITARIOAREN INDIZEA-BUI.2025/II
2025eko bigarren hiruhilekoan, esportazioen prezioek % 1,6 egin zuten behera aurreko hiruhilekoaren aldean Euskal AEn
Inportazioen prezioak % 5,6 jaitsi ziren
2025eko bigarren hiruhilekoan, esportazioen prezioek % 1,6 egin dute behera, aurreko hiruhilekoaren aldean, Eustaten datuen arabera. Alderatzea 2024ko hiruhileko berarekin egiten badugu, prezioak % 0,4 jaitsi dira.
Inportazioen prezioek joera bera izan dute; izan ere, prezio horiek % 5,6 egin dute behera urte artean zein 2025eko lehen hiruhilekoaren aldean.
Esportazio "energetikoen" prezioek % 3,0 egin dute behera, aurreko hiruhilekoaren aldean, eta "ez-energetikoenek" % 1,7. Aurreko urteko hiruhileko beraren aldean, ondasun "energetikoen" prezioak % 6,6 jaitsi dira, eta "ez-energetikoenak" % 0,4.
Inportazioen kasuan, produktu "energetikoen" prezioen indizeak atzera egin du bai aurreko hiruhilekoaren aldean (% 13,0) bai urte arteko tasan (% 19,3). Ondasun "ez-energetikoak" ere jaitsi egin dira bi kasuetan: % 3,8 hiruhileko artean eta % 0,6 urte artean.
Euskal AEko kanpo-merkataritzako balio bateratuaren indizeak, helburu ekonomikoaren arabera (%). 2025/II
| |
ESPORTAZIOAK |
INPORTAZIOAK |
| |
t/t-1 |
t/t-4 |
t/t-1 |
t/t-4 |
| Indize orokorra |
-1,6 |
-0,4 |
-5,6 |
-5,6 |
| |
| Energiazko gaiak |
-3,0 |
-6,6 |
-13,0 |
-19,3 |
| Energiazkoak ez diren gaiak |
-1,7 |
-0,4 |
-3,8 |
-0,6 |
| Kontsumo-ondasunak |
-1,2 |
4,9 |
-0,9 |
0,6 |
| Kapital-ondasunak |
-0,4 |
-0,1 |
-3,4 |
-3,7 |
| Bitarteko ondasunak |
-2,2 |
-2,2 |
-6,4 |
-6,5 |
(t/t1) Behatutako azken hiruhilekoaren aldakuntza-tasa aurreko hiruhilekoaren aldean
(t/t4) Behatutako azken hiruhilekoko urte arteko aldakuntza-tasa, aurreko urteko hil beraren aldean
Data 2025eko Irailaren 26a
Oinarria: Eustat. Kanpo-merkataritzaren unitate balioaren indizeak-UBI
Helburu ekonomikoaren araberako sailkapenaren arabera, esportazioen prezioak, 2025eko lehen hiruhilekoaren aldean, murriztu egin dira ondasun mota guztietan: Kapital-ondasunetan % 0,4, Kontsumo-ondasunetan % 1,2 eta Bitarteko ondasunetan % 2,2. Aurreko urtearen aldean, Kontsumo-ondasunen kasuan soilik izan da goranzko joera, % 4,9 hazi baitira.
Analisiaren arreta inportazioetan jarriz, aurreko hiruhilekoaren aldean murrizketa orokorra izan dela ikusten da: % 0,9 Kontsumo-ondasunetan, % 3,4 Kapital-ondasunetan eta % 6,4 Bitarteko ondasunetan. Urte arteko alderaketa eginez gero, Kontsumo-ondasunen prezioak bakarrik igo dira (% 0,6).
Esportazioen xede diren eremu ekonomikoak kontuan hartuta, prezioek behera egin dute, 2025eko lehen hiruhilekoaren aldean, arlo guztietan, eta horien artean ELGA nabarmendu behar da (–% 1,7); eta aurreko urteko hiruhileko berarekin alderatuz gero, ELGAk ere behera egin du (oraingoan % 0,1), munduko gainerako herrialdeek bezala (–% 1,6). Hala ere, Euroguneak eta EBk % 0,9ko hazkundea izan dute prezioetan.
Euskal AEko kanpo-merkataritzako balio bateratuaren indizeak, arlo ekonomikoen arabera (%). 2025/II
| | ESPORTAZIOAK | INPORTAZIOAK |
| | t/t-1 | t/t-4 | t/t-1 | t/t-4 |
| Indize orokorra | -1,6 | -0,4 | -5,6 | -5,6 |
| | | | | |
| Euro eremua | -0,8 | 0,9 | -1,4 | -1,2 |
| EB-28 | -1,2 | 0,9 | -1,7 | 0,0 |
| ELGE | -1,7 | -0,1 | -3,5 | -3,1 |
| Munduko besteak | -0,7 | -1,6 | -10,2 | -11,3 |
(t/t1) Behatutako azken hiruhilekoaren aldakuntza-tasa aurreko hiruhilekoaren aldean
(t/t4) Behatutako azken hiruhilekoko urte arteko aldakuntza-tasa, aurreko urteko hil beraren aldean
Data 2025eko Irailaren 26a
Oinarria: Eustat. Kanpo-merkataritzaren unitate balioaren indizeak-UBI
Inportazioei dagokienez, eremu ekonomiko guztietan eta denborazko konparazio guztietan prezioak jaitsi egin dira, EBn izan ezik, bertan % 0,0ko tasa laua mantendu baita aurreko urtearekin alderatuta.
Informazio gehiago:
Eustat - Euskal Estatistika Erakundea / Instituto Vasco de Estadística
Donostia kalea 1, 01010 Vitoria-Gasteiz
Prentsa-zerbitzua: servicioprensa@eustat.eus Tel: 945 01 75 62