2023/11/16ko prentsa-oharra
ZERBITZUEN KOIUNTURA-INDIZEA. BESTE MERKATU-ZERBITZU BATZUK. 2023/III
Merkatu-zerbitzuen sektoreko salmentak % 5,4 igo dira Euskal AEn 2023ko hirugarren hiruhilekoan
2023ko lehen hiru hiruhilekoetako metatuan, salmentak % 7,3 igo dira
Eustaten datuen arabera, 2023ko hirugarren hiruhilekoan Euskal AEko Beste merkatu-zerbitzu batzuen sektoreko salmentek % 5,4ko igoera izan dute aurreko urteko hiruhileko berarekin alderatuta, prezio konstanteetan eta egutegi-eraginak kendu ondoren. Sektore horretan, Garraioa, Ostalaritza, Informazioa eta komunikazioak eta Enpresentzako zerbitzu-jarduerak sektoreek eskainitako zerbitzuak kontabilizatzen dira.
Aurreko hiruhilekoarekin alderatuta, prezio konstanteetan eta urtaro-eraginak kendu ondoren, salmenten igoera % 0,1era iritsi da 2023ko hirugarren hiruhilekoan.
Beste merkatu-zerbitzu batzuk sektorearen barruan, salmenta errealen urtetik urterako bilakaera positiboa (prezio konstanteetan) honako sektore hauetan gertatu da: Garraioa eta biltegiratzea (% 13,9ko igoera), Informazioa eta komunikazioak (% 5,5eko igoera) eta Ostalaritza (% 1,8ko igoera). Administrazio-jarduerak eta zerbitzu osagarriak eta Jarduera profesionalak, zientifikoak eta teknikoak sektoreetan, berriz, salmentek behera egin dute (% 4,5 eta % 1,1, hurrenez hurren).
2023ko hirugarren hiruhilekoa urteko bigarren hiruhilekoarekin alderatuta, salmentetan emaitza negatiboa izan duten sektoreak honako hauek izan dira: Ostalaritza (% 1,8ko jaitsiera), Administrazio-jarduerak eta zerbitzu osagarriak (% 1,2ko jaitsiera), eta Jarduera profesionalak, zientifikoak eta teknikoak (% 0,4ko jaitsiera aurreko hiruhilekoarekin alderatuta). Informazioa eta komunikazioak eta Garraioa eta biltegiratzea sektoreetan, berriz, salmentek gora egin dute (% 2,1 eta % 1,2, hurrenez hurren), prezio konstanteetan eta dagozkien urtaro-eraginak kendu ondoren.
Euskal AEko zerbitzuen koiuntura-indizea. Beste merkatu zerbitzu batzuk. Behin-behineko datuak. 2023/III
| | Prezio finkoak |
| | t / t-4 | t / t-4 | At / A(t-4) |
| INDIZE OROKORRA | 5,4 | 0,1 | 7,3 |
| Garraioa eta biltegiratzea | 13,9 | 1,2 | 16,5 |
| Ostalaritza | 1,8 | -1,8 | 3,3 |
| Informazioa eta komunikazioak | 5,5 | 2,1 | 4,3 |
| Jarduera profesionalak, zientifikoak eta teknikoak | -1,1 | -0,4 | 0,4 |
| Administrazio jarduerak eta zerbitzu lagungarriak | -4,5 | -1,2 | -0,7 |
| | | | |
| LURRALDE HISTORIKOAK | | | |
| Araba/Álava | 4,9 | -0,9 | 8,6 |
| Bizkaia | 3,5 | 0,3 | 4,0 |
| Gipuzkoa | 9,3 | 0,2 | 13,0 |
| | | | |
| ENPLEGUA | 1,8 | 0,2 | 1,0 |
t / t-4 Urteen arteko aldakuntza. Egutegi eraginak zuzendutako datuak
t / t-1 Hiruhileko arteko aldakuntza. Datu desestazionalizatuak
A(t) / A(t-4) Urteen arteko aldakuntza urte honetan zehar. Egutegi eraginak zuzendutako datuak
Data 2023ko Azaroaren 16a
Iturria: Eustat. Zerbitzuen kountura-indizea
Lurralde historikoak kontuan hartuta ikus daitekeenez, salmentek urtetik urterako % 9,3ko igoera izan dute Gipuzkoan, % 4,9koa Araban eta % 3,5ekoa Bizkaian.
Euskal AEn zerbitzu horietan guztietan enplegatutako langileen indizeak % 1,8ko aldakuntza positiboa izan du 2022ko hirugarren hiruhilekoarekin alderatuta. Aurreko hiruhilekoarekin alderatuta, berriz, igoera % 0,1ekoa izan da.
INFORMAZIO-OHARRA
Eustatek eskerrak eman nahi dizkie informazioa biltzen lagundu duten establezimendu guztiei. Haiei esker, hiruhileko honetako indizea % 94,7ko estaldurarekin kalkulatu da.
Informazio gehiago:
Eustat - Euskal Estatistika Erakundea / Instituto Vasco de Estadística
Donostia kalea, 1 01010 Vitoria-Gasteiz
Prentsa Zerbitzua: servicioprensa@eustat.eus Tel.: 945 01 75 62