2024/12/17ko prentsa-oharra
BIOTEKNOLOGIAKO I+Gren ESTATISTIKA. 2023
Euskal AEko bioteknologiako I+G gastua 184,7 milioi eurokoa da, 2023an % 18,3 gehitu da eta
Bioteknologiako I+Gn emakumeen presentzia gehiengoa da, % 60,2
Eustaten datuen arabera, Euskal AEn bioteknologiarekin lotutako jardueretan egindako I+G barneko gastua 184,7 milioi eurokoa izan zen 2023an, 2022an baino % 18,3 gehiago, eta serie historikoko gasturik handiena izan zen.
2023an, bioteknologiako 184,7 milioi euro horiek 28,5 milioi euroko hazkundea ekarri dute 2022koen aldean. 2007an esleitutakoak (80,8 milioi euro) bikoiztu egin dituzte, eskuragarri dagoen serie historikoaren lehen urtekoak.
Bioteknologiako I+Gko gastua barneko I+Gko guztizko gastuaren % 9,2 izan zen 2023an, eta, neurriz bada ere, garrantzia hartzen joan da azken urteetan I+Gko gastu guztiekiko. Hala, 2015ean guztizkoaren % 6,7 ziren, % 7,9 2018an eta % 8,5 2020an.
Enplegatuak 3.337 izan ziren, dedikazio osoko baliokidetzan (DOB) 2.032. Bioteknologiako DOBko langile horiek % 16,8 gehitu dira aurreko urtearen aldean, eta I+Gn lan egiten duten DOBko langile guztien % 8,7 dira. Langile ikertzaile gisa, 1.461,3 pertsonak lan egin zuten DOBn, aurreko urtearen aldean % 15,0 gehiago.
Bioteknologiako barneko I+G: gastuaren eta langileen bilakaera (DOB) Euskal AEn. 2013-2023
| | 2013 | 2014 | 2015 | 2016 | 2017 | 2018 | 2019 | 2020 | 2021 | 2022 | 2023 |
| Barneko I+G | | | | | | | | | | | |
| Guztira (mila eurotan) | 92.042 | 86.677 | 85.691 | 84.690 | 93.221 | 112.534 | 123.354 | 126.610 | 142.198 | 156.183 | 184.713 |
| Urteko gehikuntza (%) | 7,5 | -5,8 | -1,1 | -1,2 | 10,1 | 20,7 | 9,6 | 2,6 | 12,3 | 9,8 | 18,3 |
| Langileak (DOB) | | | | | | | | | | | |
| Guztira | 1.182,9 | 1.183,7 | 1.255,5 | 1.234,8 | 1.345,5 | 1.442,1 | 1.472,7 | 1.521,5 | 1.666,5 | 1.739,5 | 2.032,1 |
| Urteko gehikuntza (%) | 9,3 | 0,1 | 6,1 | -1,6 | 9,0 | 7,2 | 2,1 | 3,3 | 9,5 | 4,4 | 16,8 |
| Ikertzaileak (DOB) | | | | | | | | | | | |
| Guztira | 903,3 | 909,3 | 977,0 | 964,5 | 1.031,0 | 1.087,7 | 1.106,7 | 1.141,0 | 1.244,9 | 1.270,5 | 1.461,3 |
| Urteko gehikuntza (%) | 11,5 | 0,7 | 7,4 | -1,3 | 6,9 | 5,5 | 1,7 | 3,1 | 9,1 | 2,1 | 15,0 |
DOB= Dedikazio Osoko Baliokidetza
Data 2024ko Abenduaren 17a
Iturria: Eustat. Bioteknologiako I+Gri buruzko estatistika
Gastuan bezala, azpimarratu behar da DOBko langileen datu horiek 2007an hasitako serie historikoko handienak direla, urte hartako 779 pertsonak aise bikoiztuz.
Era berean, eta aurreko urteetan bezala, aipatzekoa da I+Gko adar horretan emakumeen presentzia, 2023an bioteknologian lanaldi osoan lan egin zuten pertsona guztien % 60,2 baitira.
104 erakundek, horietatik 99 enpresak, bioteknologiako ikerketa-jarduerak egin zituzten 2023an. Gainera, 104 erakunde horietatik 78k barneko I+G gastuaren % 100 bioteknologiara bideratu zuten.
Bioteknologiako barneko I+G gastuaren % 68,9 Enpresen sektoreak egin zuen
Enpresen sektorean kontzentratu zen bioteknologiako barneko I+Gko jardueren guztizko gastuaren ehuneko handiena (% 68,9), 2022an islatutakoa baino zertxobait murritzagoa (% 69,3).
Gainerako sektoreek, Goi-mailako irakaskuntzak (% 23,4) eta Administrazio publikoak (% 7,7), gainerako gastuaren % 31,1 egikaritu zuten 2023an.
Administrazio publikoak bioteknologiako barneko I+Gren % 47,5 finantzatu zuen
Funtsen jatorriaren arabera, bioteknologiarekin lotutako barneko I+Gko jarduerak, 2023an, Administrazio publikoaren funtsekin finantzatu ziren nagusiki (% 47,5), eta Enpresen funtsekin (% 39,4). Gainerakoa Atzerritik (% 8,4), Irabazi-asmorik gabeko erakunde pribatuetatik (% 2,9) eta Goi-mailako irakaskuntzatik (% 1,8) etorritako funtsen bidez finantzatu zen.
Giza osasuneko ikerketak bioteknologiako gastuaren hiru laurden hartzen ditu
Bioteknologiako ikerketan lortutako produktuen aplikazio-eremuei dagokienez, "Giza osasuna" nabarmentzen da, guztizko gastuaren % 77,0rekin. Hurrengo eremu guztiak urrun daude zifra horretatik: "Animalien osasuna eta akuikultura" (% 6,9), "Elikadura" (% 6,4) eta Gainerako arloak – "Nekazaritza eta baso-ekoizpena", "Ingurumena" eta "Industria" – (% 9,7 antzeko ehunekoetan).
Denbora/kostua eta Kapitala eskuratzea dira bioteknologiako barneko I+G jarduerak garatzeko oztopo nagusiak
Azkenik, bioteknologiako I+Gko jarduerek 2023an aurrera egitea zailtzen duten oztopo nagusien pertzepzioari dagokionez, Denbora/kostua erlazioa eta Kapitala eskuratzea (% 94 eta % 91, hurrenez hurren) nabarmentzen dira. Erregulazio-eskakizunak hirugarren postuan daude, % 88rekin.
OHARRA
Eustatek eskerrak eman nahi dizkie estatistika hau egiten lagundu duten enpresa eta erakunde guztiei, egindako ahaleginagatik. Izan ere, informazioa 2024ko apiriletik urrira bitartean bildu da, eta haien laguntzarik gabe ez zen posible izango.
Informazio gehiago:
Eustat - Euskal Estatistika Erakundea / Instituto Vasco de Estadística
C/ Donostia-San Sebastián, 1 01010 Vitoria-Gasteiz
Prentsa-zerbitzua: servicioprensa@eustat.es Tlf: 945 01 75 62