2025/03/27ko prentsa-oharra
OSPITALEETAKO ERIKORTASUN-ESTATISTIKA. 2023
2023an ospitalizazioek % 2,1 egin zuten gora Euskal AEko ospitaleetan
Euskal AEko ospitalizazioen %84 ospitale publikoetan izan ziren; Estatuan, berriz, batez besteko kopurua % 73 izan zen
Eustaten datuen arabera, Euskal AEko ospitaleek 2023an 248.650 ospitalizazio zenbatu zituzten, aurreko urtean baino % 2,1 gehiago. 2022an bezala, ospitalizazio horiek Estatuko guztizkoaren % 5,1 izan ziren. Arreten % 83,6 ospitale publikoetan eman zen, Estatuan baino ia ehuneko hamaika gehiago (% 73); Euskal AEren atzetik geratu ziren Katalunia (% 51,8), Madrilgo Erkidegoa (% 66,3), Andaluzia (% 74,6), Galizia (% 80) eta Valentziako Erkidegoa (% 80,6).
Euskal Autonomia Erkidegoa ospitalizazio-tasa altuenak dituzten autonomia-erkidegoen artean dago
Euskal AEk 100.000 biztanleko 11.297 ospitalizazio erregistratu zituen, Estatuko batez bestekoaren gainetik (10.065), eta ospitalizazio-tasa handienak izan zituen hirugarren erkidegoa izan zen, Asturiasko Printzerriaren (11.583) eta Kataluniaren (11.521) atzetik.
Euskal AEko ospitaleetan ospitalizatutako pertsonen % 53k 65 urte eta gehiago zituen, Estatuan, berriz, % 48k
Ospitalizatutako pertsonen % 50,9 gizonak izan ziren eta % 49,1 emakumeak; Estatuan, aldiz, emakumeen proportzioa handiagoa izan zen (% 51,4). Haurdunaldi, erditze eta erdiberriaroko gertakariak kontuan hartu ezean, emakumeen ehunekoa % 45,9ra jaitsiko litzateke Euskal AEn (% 47,5 Espainian).
65 urte eta gehiagoko pertsonak Euskal AEko ospitalizazioen % 52,9 izan ziren 2023an, Espainian baino ehuneko bost puntu gehiago (% 47,9); talde horren barruan, 65 eta 84 urte bitartekoek jaso zuten asistentzia-bolumen handiena (% 37,6, eta Espainian % 34,2); ondoren, 45-64 urtekoek (% 24,7) eta 85 urte eta gehiagokoek (% 15,3).
Digestio-, zirkulazio- eta arnasketa-gaixotasunak izan ziren ospitalizazio-kausa ohikoenak, bai Euskal AEn bai Espainian
Digestio-aparatuko gaixotasunak (% 12,8), zirkulazio-aparatukoak (% 12,4) eta arnas aparatukoak (% 12,3) izan ziren ospitalizazio-kausa nagusiak 2023an. Euskal AEko ospitaleetako ospitalizazio guztien % 37,5 izan ziren D % 36,5 Espainian). Horien artean, bigarren urtez jarraian, arnas aparatuko gaixotasunen gorakada nabarmendu zen (2022ren aldean +% 18), digestio- eta zirkulazio-apartuetako gaixotasunen balioetatik hurbil geratu baitziren.
Beste kausa esanguratsu batzuk (20.000 ospitalizazio baino gehiago urtean) lesioak eta pozoitzeak (% 9,3), tumoreak (% 9,1) eta aparatu muskuloeskeletikoko gaixotasunak (% 8,3) izan ziren.
Emakumeen artean, arnas eritasunen ondoriozko ospitalizazioak digestio- eta zirkulazio-gaixotasunen ondoriozkoak baino gehiago izan ziren
Haurdunaldi, erditze eta erdiberriaroko gertakariek, nahiz eta garrantzi gero eta txikiagoarekin (% 11,9, eta Estatuan % 14,5), ospitalizazio-kausa nagusia izaten jarraitu zuten emakumeen artean; oso gertutik jarraitzen dio arnas eritasunen taldeak (% 11,8), urte horretan talde horretako gaixotasunak digestio-aparatuko gaixotasunak (% 11,2) eta zirkulazio-gaixotasunak (% 10,6) baino gehiago izan baitziren.
Gizonen artean, digestio-gaixotasunak (% 14,4) eta zirkulazio-gaixotasunak (% 14,1) izan ziren nagusi, Espainiako datuekin bat eginez (biak % 14,3rekin), eta ondoren arnasketa-gaixotasunak (% 12,8) daude.
Gaixotasun ohikoenen multzoen artean, digestio-aparatuan ospitalizazio gehien eragin zituzten arrazoi espezifikoak kolelitiasia (besikulako kalkuluak), iztaiko hernia (ohikoagoak gizonetan) eta apendizitis akutua (batez ere adin goiztiarragoetan: 5-24 urte) izan ziren. Zirkulazio-gaixotasunen artean, zerebrobaskularrak (garuneko infartua) eta bihotzeko gaixotasunak (hipertentsioa, disritmiak, bihotz-gutxiegitasuna eta miokardioko infartu akutua) nabarmendu ziren.
Arnasketa-gaixotasunei dagokienez, pneumonia eta biriketako gaixotasun buxatzaile kronikoa eta bronkiektasia izan ziren ospitalizazio-arrazoi nagusiak (% 38,6). Lesioei eta pozoitzeei dagokienez, femurraren haustura (ohikoagoak adineko emakumeetan), hanka eta besaurrearen haustura (ohikoagoak 45-64 urtekoen artean) eta garezur barneko lesio traumatikoa izan ziren nagusi.
Tumoreen artean, maskurikoa, kolore-ondestekoa eta bronkiokoa eta birikakoa izan ziren ospitalizazio gehien eragin zituztenak; gainera, gizonen artean prostatakoa nabarmendu zen, eta emakumeen artean, bularrekoa eta umetokiko fibroma.
Ospitale-egonaldien kopurua % 2,7 jaitsi zen, eta 8 eguneko batez besteko egonaldia izan zen
Euskal AEko ospitaleetan ospitalizatutako pertsonak guztira 1.990.909 izan ziren, hau da, 2022an baino % 2,7 gutxiago. Batez besteko egonaldia 8 egunekoa izan zen (8,1 Estatuan), eta handiagoa izan zen gizonetan (8,4 egun) emakumeetan baino (7,6 egun); bi kasuak Estatuko batez bestekoaren (8,8 eta 7,5 egun, hurrenez hurren) azpitik egon ziren.
Ospitaleratzeak, egonaldi-egunak eta batez besteko egonaldia Euskal AEko ospitaleetan, gaixotasun talde ohikoenen arabera. 2023
| | Ospitaleratzeak | Egonaldi-egunak | Batez-besteko egonaldia |
| | Kopurua | % | Kopurua | % | Guztira | Gizonak | Emakumeak |
| Guztira | 248.650 | 100 | 1.990.909 | 100 | 8,0 | 8,4 | 7,6 |
| Liseri-aparatua | 31.886 | 12,8 | 156.006 | 7,8 | 4,9 | 4,8 | 5,1 |
| Zirkulazio-aparatua | 30.768 | 12,4 | 234.314 | 11,8 | 7,6 | 7,5 | 7,7 |
| Arnas aparatua | 30.504 | 12,3 | 178.954 | 9,0 | 5,9 | 5,8 | 6,0 |
| Lesioak, pozoidurak eta beste ondorio batzuk kanpo-kausengatik | 23.248 | 9,3 | 147.219 | 7,4 | 6,3 | 6,2 | 6,4 |
| Neoplasiak | 22.647 | 9,1 | 151.052 | 7,6 | 6,7 | 7,1 | 6,1 |
| Aparatu muskulueskeletikoa | 20.523 | 8,3 | 93.223 | 4,7 | 4,5 | 4,4 | 4,7 |
| Aparatu genitourinarioa | 18.895 | 7,6 | 77.727 | 3,9 | 4,1 | 4,1 | 4,1 |
| Haurduntza, erditzea eta erdiberriaroa | 14.518 | 5,8 | 46.252 | 2,3 | 3,2 | - | 3,2 |
| Sintoma eta aurkikuntza anormal klinikoak | 11.255 | 4,5 | 55.214 | 2,8 | 4,9 | 4,9 | 4,9 |
| Nahasmendu mentalak eta portaerarenak | 7.558 | 3,0 | 570.627 | 28,7 | 75,5 | 80,8 | 69,9 |
| Gaixotasun infekzioso eta parasitario batzuk | 6.431 | 2,6 | 58.340 | 2,9 | 9,1 | 9,3 | 8,8 |
| Nerbio-sistemako gaixotasunak | 6.196 | 2,5 | 49.027 | 2,5 | 7,9 | 8,4 | 7,4 |
Ehunekoa ospitaleratze eta egonaldi guztien gainean kalkulatu da
CIE -10 : Gaixotasunen Nazioarteko Sailkapena, 10. bertsioa
Data 2025eko Martxoaren 27a
Iturria: Eustat. Ospitaleetako erikortasun-inkesta
Nahasmendu mentalen eta portaeraren nahasmenduen taldea gainerako gaixotasun taldeetatik bereizten da, zenbait patologiaren kasuan (eskizofrenia, nahasmendu eskizotipikoak eta delirio-nahasmenduak) ospitaleko egonaldiaren iraupen luzearen ondorioz. Talde horrek bakarrik egonaldi guztien % 28,7 suposatu zuen, eta batez besteko egonaldi-egunak 75,5 izan ziren (80,8 gizonen kasuan eta 69,9 emakumeen kasuan).
Gainerako gaixotasun-taldeei dagokienez, zirkulazio-aparatuarekin lotutakoak (% 11,8) izan ziren egonaldi-egun gehien pilatu zituztenak, 7,6 eguneko batez besteko egonaldiarekin; ondoren, arnas aparatuarekin lotutakoak (% 9) eta digestio-aparatuarekin lotutakoak (% 7,8) izan ziren, 5,9 eta 4,9 eguneko batez besteko egonaldiekin, hurrenez hurren.
Metodologiari buruzko oharra
Estatistika-eragiketa hau Estatistikako Institutu Nazionalarekin (INE) lankidetzan egin da.
Bigarren informazio honetan akutuen ospitaleak, egonaldi ertain eta luzeko ospitaleak eta psikiatrikoak sartzen dira.
Estatuko eta nazioarteko estatistikekin alderatzeko, ospitalizazio-modalitatean egun bateko edo gehiagoko egonaldia behar izan duten gertakariak bakarrik hartzen dira kontuan, hau da, ez dira 0 eguneko egonaldia behar izan duten gertakariak zenbatzen. Egonaldiaren iraupena kalkulatzeko, ospitalizazio-dataren eta alta-dataren artean igarotako egun kopurua hartzen da kontuan, ospitalizazio- edo alta-orduak kontuan hartu gabe.
Euskal AEko 100.000 biztanleko ospitalizazio-tasa Eustaten 2023/07/01eko biztanleria egoiliarraren datuekin kalkulatu da.
Informazio gehiago nahi izanez gero:
Eustat - Euskal Estatistika Erakundea / Instituto Vasco de Estadística
Donostia-San Sebastián kalea, 1 01010 Vitoria-Gasteiz
Prentsa-zerbitzua: servicioprensa@eustat.eus Tel.: 945 01 75 62