Titulazio-maila esaten denean, pertsona batek bukatu dituen ikasketen maila gorena ulertu behar da, agian titulu batekin ziurtatzen delarik; maila jakin bateko ikasketak egiten ari direnak edo amaitu gabe etenda utzi zituztenak, hurrengo beheko mailan sailkatuta agertzen dira.
Honako modalitate hauek bereizten dira, taldeka bilduz:
- Analfabetoak: ez irakurtzen eta ez idazten ez dakiten pertsonak.
- Titulurik gabeak: irakurtzen eta idazten dakiten pertsonak, baina inolako ikasketarik egin ez dutenak.
- Lehen mailakoak: OHOko titulazioa (eskola-graduatua), lehen mailako ikasketen ziurtagiria eta antzekoak.
- Lanbide-ikasketak: lehen eta bigarren mailako lanbide-heziketa eta bestelako lanbide-tituluak.
- Bigarren mailakoak: : BBBko eta UBIko tituluak, unibertsitaterako sarrerakoa eta antzekoak.
- Erdi- eta goi-mailakoak: unibertsitate-eskola, ingeniari teknikoen eta perituen eskola, irakasle eskola, erizaintza eta maila bereko bestelakoen diplomak.
- Goi-mailakoak: fakultateetako lizentziatuak eta goi-eskola teknikoetako tituludunak, bai eta doktoretza eta espezializazioa ere.