Eragiketa honen helburu nagusia abeltzaintzari eta akuikulturari buruzko informazioa ematea da. Bereziki, abereak hiltzeari eta haragiaren helmugari dagokienez (zuzeneko kontsumoa edo kontsumo industriala), baita abelburuen jatorri geografikoari dagokionez ere, Euskal AEn martxan dauden hiltegi guztietan. Era berean, beste abeltzaintza-ekoizpen batzuei buruzko informazioa jasotzen da (artilea, eztia, argizaria, arrautzak eta simaurra), bai eta ere abeltzaintza-kopuruei buruz, adinaren eta gaitasunaren arabera (bobidoak, ekidoak, ardiak, ahuntzak, txerriak, untxiak, hegazti-azienda –oilo erruleak– eta erlauntzak), esne-ekoizpenari eta esnearen lehen helmugari buruz, inkubazio-gelei buruz eta aziendaren transakzioei eta helmugari buruz. Abereen norako geografikoa eta zertarako saltzen diren zehaztuko da, hau da, erreferentziako urtean hiltzeko, bizitzeko edo gizentzeko diren. Akuikulturari dagokionez, Euskadiko arrain-sektorearen informazio ekonomikoa eta produktiboa bildu eta aldi berean eman nahi da. Azken estatistika-eragiketa horrek, era berean, Euskadiko Akuikultura Zentroen Direktorioa egiteko balio du.