Gastu arruntak: eragiketa arruntetarako.

• Erosketak: ondasun arruntetan egindako gastuak; gastu horiek ez dute kapitala gehitzen, urtebete baino gutxiagoko irauten dute, ez dira inbentariatzen eta urtez urte errepikatzen dira.
• Kanpoko zerbitzuak: hemen sartu ditugu konponketak eta mantenimendua, profesional beregainen zerbitzuak, hornidurak, garraioa, aseguru-sariak, banku-zerbitzuak, eta abar.
• Pertsonal-gastuak: soldatak eta ordainsariak, gizarte-segurantza eta bestelako pertsonal-gastuak.
• Bestelakoak: hemen sartu ditugu zergak, finantza-gastuak, kitapenerako hornidurak, izakinen aldakuntzak, ibilgetutiko galerak eta aparteko gastuak.
• Familietarako transferentziak: ordainik gabeko eragiketa arruntak finantzatzeko kredituak (pertsona fisikoentzakoak) hartzen ditu, eta beharraldiei aterabidea bilatzeko programen bidez egiten dira.
  Txirotasunaren Aurkako Planean sartzen diren guztiak dira: Gizarte Larrialdietarako Laguntzak (GLL) eta Gizarteratzeko Gutxieneko Diru-sarrerak (GGD), bai eta Elbarriak Gizarteratzeko Legearen Laguntzak (EGL) eta Gizarte-Ongizaterako Funtsak (GOF) ere. Azken horiek adinagatik edo gaitasun-ezagatik lanpostu bat lor ez dezaketen eta bizitzako oinarrizko beharrei aurre egiteko beste sarrerarik ez dutenei janarietarako ematen zaizkien laguntzak dira.
  

Kapital-gastuak: ondasun inbentariagarrien erosketa jasotzen du, ondasun higigarriak zein higiezinak.