Hemen sartzen dira soldatapekoei ordaindutako ordainsari guztiak, barne direla langileen konturako Gizarte-Segurantzarako kuotak eta enpresek atxikitako lan-errendimenduen gaineko zergak, baita pertsonal propioari gizarte-prestazio gisa enpresak berak zuzenean egindako ordainketa guztiak ere (gaixorik suertatuz gero, langabeziarako, kaleratua izanez gero, etab.), eta bekak eta jantokietarako, ekonomatoetarako, haurtzaindegietarako eta abarretarako laguntzak. Atal honetan sartzen dira, besteak beste, oinarrizko lansaria, dirutan ordaindutako osagarri guztiak, ordainketa bereziak, bai eta espezietan ordaindutako mozkinak, doan edo prezio apalean emandakoak.