1.1. Kontaktuko erakundea

Eustat-Euskal Estatistika Erakundea Donostia - San Sebastián Kalea, 1. 01010 Vitoria-Gasteiz

1.2. Kontaktuko unitatea

1.3. Kontaktuaren izena

1.4. Kontaktuko pertsonaren eginkizuna

1.5. Kontaktuko posta-helbidea

1.6. Kontaktuko posta elektronikoaren helbidea

1.7. Kontaktuko telefono-zenbakia

1.8. Kontaktuko fax-zenbakia

23/01/2025

2.2. Metadatuen azken hedapena

2.3. Metadatuen azken eguneratzea

23/01/2025

3.1. Datuen deskribapena

Merkataritzaren eta konponketaren inkesta eragiketak (aurrerantzean, MKI) ibilgailuen merkataritza- eta konponketa-sektorearen egitura ekonomikoari buruzko informazioa ematen du. Batetik, Eustaten estatistika-eragiketetarako sektorearen makromagnitudeak kalkulatzea ahalbidetzen du: Urteko kontu ekonomikoak eta Input-output taulak, bai handizkako merkataritzan, bai txikizkako merkataritzan. Bestetik, merkataritza-marjinak zenbatestea eta merkaturatze-kanalak ezagutzea ahalbidetzen du. Parametroak Euskal Autonomia Erkidegorako (Euskal AE) eta lurralde historikoen arabera kalkulatzen dira.

Hauek dira MKIak ikertutako makromagnitude nagusiak:
- Establezimenduak.
- Landunak.
- Autonomoak eta familientzako laguntzak.
- Soldatako langileak.
- Lan egindako orduak.
- Marjina komertzial gordina.
- Salmenten gaineko marjina komertziala.
- Balio erantsi gordina, faktoreen kostutan.
- Langileen kostuak.
- Soldata eta ordainsari gordinak.
- Gizarte-kotizazioak.
- Ustiapeneko Soberakin Gordina.
- Amortizazioentzako zuzkidurak.
- Ustiapeneko Soberakin Garbia.

Galera-irabazien Kontua eta horren apartatuak ere ikertzen dira.

3.2. Sailkapen-sistemak

Jarduera Ekonomikoen Sailkapen Nazionala: JESN-2009.

3.3. Estaldura sektoreka

MKIak JESN-2009aren honako talde hauek hartzen ditu barnean:
45. taldea: Ibilgailu motordunen eta motozikleten salmenta eta konponketa.
46. taldea: Handizkako merkataritza eta merkataritzako bitartekariak, ibilgailu motordunenak eta motozikletenak salbu.
47. taldea: Txikizkako merkataritza, ibilgailu motordun eta motozikletena izan ezik.

3.4. Kontzeptu eta definizio estatistikoak

3.5. Estatistika-unitatea

Unitate bezala definitzen den eta kokaleku geografiko bakar batean gehienbat edo bakarrik jarduera batean edo gehiagotan diharduen establezimendua.

3.6. Biztanleria estatistikoa

JESN-2009ren arabera jarraian zehazten diren taldeetako batean sar daitekeen jarduera bakarra edo nagusia duten establezimenduak aztertzen ditu:
45. taldea: Ibilgailu motordunen eta motozikleten salmenta eta konponketa.
46. taldea: Handizkako merkataritza eta merkataritzako bitartekariak, ibilgailu motordunenak eta motozikletenak salbu.
47. taldea: Txikizkako merkataritza, ibilgailu motordun eta motozikletena izan ezik.

3.7. Eremu geografikoa

Euskal Autonomia Erkidegoan kokatutako estatistika-unitateetara zabaltzen da inkesta, nahiz eta haien egoitza sozial edo kudeatzailetza erkidegotik kanpo egon.

3.8. Denborazko estaldura

Barne Merkataritzaren Inkesta 1986. urtean eratu zen, eta urte horretan merkataritza-establezimenduen errolda bat osatu zen. Ondoren, merkataritzako lehen inkesta koiunturala jarri zen martxan, 1993 erreferentzia-aldiarekin. 1993tik aurrera, merkataritza- eta konponketa-sektoreko inkesta berri bat egin zen, 1995, 1997, 2000, 2005 eta 2010 urteei zegokiena. 2012an egin zen azken metodologia-aldaketa eta argitaratutako azken datuen erreferentzia-urtea 2019 da.

3.9. Oinarri-aldia

Eskuragarri dauden datu argitaratuak 2010. urtekoak dira; urte hartan, metodologia aldatu zen, galdetegia JESN-2009ra egokitu zelako. 2012. urtean, azken metodologia-aldaketa esanguratsua izan zen, administrazio-erregistroetatik zetorren informazioa informazio-iturri gisa txertatu zenean. Ondorioz, aldaketak egin ziren galdetegian eta bai ustiapen-fasean.

4.1. Neurketa-unitatea

Euskal AEko makromagnitudeak printzipal erantsien arabera eta Euskal AEko Galera-irabazien Kontua printzipal aldakorren arabera neurtzen dira, milaka eurotan.

5.1. Erreferentzia-aldia

Inkestaren erreferentziako aldia informazioa jaso den urtearen aurreko urte naturaleko ekitaldi ekonomikoa da. Salbuespenez, establezimenduren batek urte naturalekoak ez diren aldien gaineko kontabilitatea aurkezten badu, dagokien urtean amaitzen diren ekitaldiei buruzko informazioa jasoko da.

6.1. Egintza juridikoak eta beste akordio batzuk

Euskal Autonomia Erkidegoko Estatistikari buruzko Legeak (apirilaren 23ko 4/1986 Legea) xedetzat du Euskal Autonomia Erkidegoko estatistikak bere helburu eta eskumenetarako arautzea, lurralde historikoetako eta autonomia-erkidegoaren lurralde-eremuko beste erakunde publiko batzuetako estatistikak arautzea, eta estatistika-jarduera horren antolaketa ere arautzea. Euskal Estatistika Planak osatzen du lege hori, Euskal Autonomia Erkidegoko jarduera estatistikoa antolatzeko tresna baita, eta bertan jasotzen dira indarrean dagoen aldian egin beharreko estatistikak eta mota horretako beste jarduerak. Euskal Estatistika Plana Lege bidez onartu behar da. Gaur egun indarrean dagoen plana azaroaren 9ko 10/2023 LEGEAren bidez 2023-2026 aldirako onetsitakoa da.

4/1986 Legea, apirilaren 23koa, Euskal Autonomia Erkidegoko Estatistikari buruzkoa

Euskal Estatistika Plana, azaroaren 9ko 10/2023 LEGEAren bidez onetsia

Batzordearen 2020ko uztailaren 30eko 2020/1197 (EB) Exekuzio Erregelamenduaren mende dago. Erregelamendu horrek zehaztapen teknikoak eta modalitateak ezartzen ditu, Europako Parlamentuaren eta Kontseiluaren 2019/2152 (EB) Erregelamenduaren arabera (enpresa-estatistiken esparruan hamar egintza juridiko indargabetzen dituen Europako enpresa-estatistikei buruzkoa).

2020/1197 (EB) Exekuzio Erregelamendua, Batzordearena, 2020ko uztailaren 30ekoa

6.2. Datu-trukea

Eustaten eta Euskal AEko gainerako estatistika-zerbitzuen (Eusko Jaurlaritzako sailak eta erakunde instituzionalak) arteko datu-trukeak, bai eta erakunde horien eta Estatuaren artekoak ere, Eustatek garatutako jardueren ondorioz, Euskal Autonomia Erkidegoko Estatistikari buruzko Legean (apirilaren 23ko 4/1986 Legean) arautzen dira. 4/1986 Legeak xedatzen du, halaber, Euskal AEren eta estatuaren arteko lankidetza-hitzarmenak egitea, Euskal AEren eta estatuaren helburuetarako balio duten estatistikez elkarrekin baliatzeko.

4/1986 Legea, apirilaren 23koa, Euskal Autonomia Erkidegoko Estatistikari buruzkoa

Ez da aurreikusten eragiketa hori erakunderen batekiko lankidetza-hitzarmen bidez egitea.

7.1. Konfidentzialtasun-politika

Eustatek beharrezko neurriak hartzen ditu gizabanakoak edo erakundeak zuzenean edo zeharka identifikatzea eragozteko, apirilaren 23ko 4/1986 Euskadiko Autonomia-Elkartearen Estatistikari buruzko LEGEAren aplikazio zorrotzari esker, estatistika-sekretua eta Datu Pertsonalak Babesteari eta Eskubide Digitalak Bermatzeari buruzko abenduaren 5eko 3/2018 Lege Organikoa betez. Informazioa biltzen duten langile guztiak eta Eustaten barruan beste edozein funtzio betetzen duten langileek isilpekotasun-klausula sinatu behar dute (apirilaren 23ko 4/1986 LEGEAren 15. artikulua). Isilpekotasun-klausula hori Eustatek zuzenean kontratatutako langileek eta datuak biltzeko azpikontratatutako langileek onartu behar dute. Eragiketak galdetegi bat duenean, bildutako informazioa apirilaren 23ko 4/1986 LEGEAk araututako sekretu estatistikoak babesten duela adierazten da.

4/1986 Legea, apirilaren 23koa, Euskal Autonomia Erkidegoko Estatistikari buruzkoa

7.2. Isilpeko datuen tratamendua

Estatistika-prozesuan datuak babesteko eta isilpekotasuna gordetzeko araudia eta jarraibideak, batez ere, datu babestuak dauzkaten fitxategiak eskuratzeko, tratatzeko eta biltzeko ezarritako segurtasun-protokoloetan oinarrituko dira, datu pertsonalak nahiz datu estatistikoak izan. Araudi hori Eustaten Segurtasun Agirian zehatz ageri da.

Emaitzen tauletan, ez dira maiztasun txikiko aldagai sentikorrak argitaratzen, ez eta, zenbait estatistika-unitateren ekarpen nagusiek zeharkako identifikazioa ahalbidetzen duten gelaxkak ere. Mikrodatuen fitxategiak zabaltzen direnean, fitxategi horiek ez dute inola ere erregistro-identifikatzaile zuzenik edo datu pertsonalik jasoko, eta aldagaiak zeharka identifikatzea eragozteko irizpideak aplikatuko dira.

Isilpekotasunaren tratamendua Eustat-en estatistika-eragiketetan.

Inkesta sekretu estatistikoaren mende dago. Babes horrek emandako erantzunen tratamendu erabat anonimo, zenbakizko eta agregatua bermatzen die inkestatuei, erantzunok ezingo izango baitira inoiz izenarekin batera erabili, ezta estatistika-eragiketaren beraren beste helburu batzuetarako ere.
Informatzaile bakar batek emandako eta taldekatu ezin diren datuen kasuan, sekretu estatistikorako eskubideari uko egiteari buruzko protokolora joko da.

8.1. Hedapen-egutegia

Egutegiaren aurrerapena urte bakoitzeko azken hiruhilekoan argitaratzen da, eta koiunturari buruzko estatistikak argitaratzeko data zehatzak eta egiturazko estatistikak argitaratzeko hilabetea erakusten ditu; ondoren, hilabete bakoitzeko azken egunetan (t) hilabeterako programatutako egiturazko estatistikak argitaratzeko egun zehatza iragartzen da (t+1).

8.2. Hedapen-egutegirako sarbidea

8.3. Erabiltzailearentzako sarbidea

Europako estatistiken praktika onen kodeari jarraituz, erabiltzaile guztiek denbora berean dute sarbidea estatistika-informaziora eta edozein kanpo-erabiltzaileri emandako aurretiazko sarbide pribilegiatu oro mugatua, kontrolatua eta jakinarazia izan behar da. Hori horrela, Eustatek egindako prentsa-oharrak Eustaten webgunean daude eskuragarri, zabaltzeko ezarritako egunean, eta Euskal AEko komunikabide guztietara bidaltzen dira aldi berean. Halaber, hedapen ofiziala baino ordu batzuk lehenago, Eustaten zenbait prentsa-ohar Eusko Jaurlaritzako sailen batera igor daitezke, enbargo pean; baldin eta sail horiek, hedatzear dagoen eragiketarekin duten loturagatik, denbora eduki nahi badute arduradunek komunikabideen galderei erantzuteko prestatu ahal izateko.

9.1. Hedapenaren maiztasuna

Emaitzak urtean behin ezagutarazten dira.

10.1. Komunikatuak

Eustatek estatistika-eragiketen emaitza nagusiak zabaltzen dituzten prentsa-oharrak egiten ditu. Prentsa-oharrak Eustaten webgunean daude, estatistika-eragiketa bakoitzari dagokion menuan. Eustatek Newsletterrak izeneko prentsa-zerbitzua ere eskaintzen du; posta elektronikoz zabaltzen diren albiste-buletinak dira, eta Euskal Autonomia Erkidegoko zenbait arlo eta sektoreren gaineko estatistika-informazio garrantzitsuena biltzea dute helburu.

10.2. Argitalpenak

Eustaten webgunean honako argitalpen hauek daude eskuragarri:
- Datuak: Azken prentsa-oharrak, txostenak eta estatistika-taula hauek dituzte:
    Euskal AEko merkataritzaren eta konponketaren makromagnitudeak, lurralde historikoaren arabera; Euskal AEko ibilgailuen salmenta eta konponketaren makromagnitudeak; Euskal AEko handizkako merkataritzaren makromagnitudeak; eta Euskal AEko txikizkako merkataritzarenak.
    Euskal AEko merkataritzaren eta konponketaren galera-irabazien kontua, lurralde historikoaren arabera; Euskal AEko ibilgailuen salmenta eta konponketaren galera-irabazien kontua; Euskal AEko handizkako merkataritzaren galera-irabazien kontua; eta Euskal AEko txikizkako merkataritzarenak.
    
- Metadatuak:
 - Metodologia eta kalitatea: Honako informazio hau du:
     Kalitate-fitxa
     Metodologia-fitxa
     Txostena: Laginketa-erroreen kalkulua
     Txostena: Aldakuntza-koefizienteen kalkulua Eustaten inkesta ekonomikoetan erabiltzen diren zeharkako eta zuzeneko zenbait zenbateslerako
 - Definizioak
- Galdetegiak

Merkataritza eta konponketaren inkesta

10.3. On-line datu-baseak

Datu Bankua	Eguneratua
JESN-09
Euskal AEko makromagnitudeak agregatu nagusi, lurralde historiko eta A86 sektorearen arabera (mila euro). 2010 - 2022	2024/04/26
Euskal AEko makromagnitudeak agregatu nagusi, lurralde historiko eta JESN-09ko taldearen arabera (mila euro). 2010 - 2022	2024/04/26
Euskal AEko galera eta irabazien kontua aldagai nagusi, lurralde historiko eta A86 sektorearen arabera (mila euro). 2010 - 2022	2024/04/26
Euskal AEko galera eta irabazien kontua aldagai nagusi, lurralde historiko eta JESN-09ko taldearen arabera (mila euro). 2010 - 2022	2024/04/26
JESN-93 (-2005)
Euskal AEko makromagnitudeak agregatu nagusi, lurralde historiko eta JESN-93ko sailkapenaren arabera (mila euro). 1995 - 2005	2012/06/01
Euskal AEko makromagnitudeak agregatu nagusi, lurralde historiko eta JESN-93ko taldearen arabera (mila euro). 1995 - 2005	2012/06/01
Euskal AEko galera eta irabazien kontua aldagai nagusi, lurralde historiko eta JESN-93ko sailkapenaren arabera (mila euro). 1995 - 2005	2012/06/01
Euskal AEko galera eta irabazien kontua aldagai nagusi, lurralde historiko eta JESN-93ko taldearen arabera (mila euro). 1995 - 2005	2012/06/01

10.4. Mikrodatuetarako sarbidea

10.5. Beste batzuk

Eustatek aukera ematen die herritarrei, enpresei, administrazio publikoei, eragile ekonomiko eta sozialei, unibertsitateei eta abarri neurrira egindako informazio-ustiapen espezifikoak eskatzeko, beren jarduera propioa egiteko edo beste arrazoi batzuengatik estatistika-informazioaren premia dutelako.

Informazio-zerbitzuak

10.6. Metodologiari buruzko dokumentazioa

10.7. Kalitateari buruzko dokumentazioa

11.1. Kalitate-bermea

EUROSTATek Europako Estatistiken Jardunbide Egokien Kodean proposatutako kalitate-adierazle estandarretan oinarritzen da Eustaten estatistiken kalitatea bermatzeko esparrua. Kode honek 16 printzipio ditu, hiru arlotan banatuta: Erakunde-ingurunea, prozesuak eta produktuak. Printzipio bakoitzak neurtzeko aukera ematen duten adierazle batzuk ditu lotuta. Testuinguru horretan, Eustatek bere adierazleak egiten ditu estatistika-eragiketa bakoitzaren kalitatea ebaluatzeko, eta EUROSTATen zenbait tresna baliatzen ditu kalitatea neurtzeko. Tresna horien artean DESAP (Development of a Self Assessment Programme) galdetegia (11.2 atala aztertu) eta erabiltzailearen gogobetetze-inkesta daude (12.2 atala aztertu).

Europako estatistiketako jardunbide egokien kodea

11.2. Kalitate-ebaluazioa

Eustatek ebaluazio-protokolo bat du finkatuta, eta DESAP (Development of a Self Assessment Programme) galdetegia erabiltzen da bertan. Tresna horri esker, eragiketa estatistiko bakoitza azter dezakete egileek edo eragiketa horretan parte hartzen duen taldeak, hurrengo eragiketetan ezar daitezkeen hobekuntzak hautemateko. Ebaluazioa urtero egiten da, betiere eragiketak maiztasun hori edo txikiagoa badu; eragiketa egiteko maiztasuna urtebete baino gehiago bada, amaitzen denean egiten da ebaluazioa. EUROSTATek proposatutako kalitate-irizpide estandarrak aplikatzen ditu Eustatek. Eustatek egindako adierazleak gehitzen zaizkie faktore horiei, eta EUROSTATen adierazleekin batera, estatistika-eragiketaren fase guztietan kalitate-xedeak lortzeko gida gisa balio dute horiek.

MKIan helburu espezifikoak ezartzen dira EUROSTATek gomendatutako kalitate-adierazleei dagokienez: egokitasuna, irisgarritasuna eta argitasuna, zehaztasuna eta fidagarritasuna, kostua eta konparagarritasuna.

12.1. Erabiltzailearen beharrak

Hauek dira MKIaren erakunde erabiltzaile eta interesdun nagusiak:

A. Eustateko barne-erabiltzaileak:
Euskal AEko urteko Kontu ekonomikoak, Input-output taulak

B. Beste erabiltzaile batzuk:
A) Gobernantza Publiko eta Autogobernu Saila (Eusko Jaurlaritza)
B) Lan eta Enplegu Saila (Eusko Jaurlaritza)
C) Ekonomia eta Ogasun Saila (Eusko Jaurlaritza)
D) Ekonomiaren Garapen, Jasangarritasun eta Ingurumen Saila (Eusko Jaurlaritza)
E) Merkataritza-ganberak
F) Enpresa-elkarteak
G) Foru-aldundiak
H) Unibertsitateak
I) Aholkularitza-enpresak
J) Jaurlaritzaren Lehendakaritza

2023 urtean, Inpaktuen indizea, prentsan eta hedabide digitaletan izandako albiste-kopurua islatzen duena, 1 -koa izan da. Web bisiten aurkibidea, eragiketa bakoitzeko web bisita kopurua adierazten duena, 1 izan da. Biak 1-5 erreferentzia-balioaren gainean, non 1 minimoa den eta 5 maximoa.

Kalitate-fitxa

12.2. Erabiltzailearen asetasuna

Erabiltzailearen gogobetetze-maila neurtzeko inkesta bat dago; bi urtean behin egiten da, eta erabiltzaileen ikuspuntuak eta iritziak jasotzen ditu. Inkestak gogobetetzea neurtzen du eragiketa talde bakoitzeko erabiltzailearen asebetetze-maila adierazten duen indize baten bidez (1etik 5erako eskalan neurtuta). Erabiltzaileak emandako garrantzia ere balioesten du eragiketa-taldeka (1etik 5erako eskalan neurtuta).

2023 urtean, gogobetetze-indizea 4,08 izan da, eta emandako garrantzi-maila 4,31. Biak 1-5 erreferentzia-balioaren gainean, non 1 minimoa den eta 5 maximoa.

Kalitate-fitxa

12.3. Zehaztasuna

Ezagutarazi den informazio-egiturak estatistika-jarduketaren urteko programetan aurreikusitako kontzeptu-, lurralde- eta denbora-banakapeneko mailak betetzen ditu. Horrela bada, Inkesta honen emaitzen lurralde-banakapeneko maila handiena lurralde historikoa da.

13.1. Akurazitate globala

MKIaren helburua da ez gainditzea % 5eko aldagai nagusien aldakuntza-koefizientea ez Euskal AEn ez lurralde historikoetan.

13.2. Laginketa-hutsegiteak

2023 aldian aztertutako aldagai nagusirako (k) aldakuntza-koefizienteak hauek dira:

Aldakuntza-koefizientea - Euskal AEko BEGf: % 0,3

Kalitate-fitxa

13.3. Laginketarekin zerikusi ez duten hutsegiteak

Hauek dira estatistika-eragiketaren laginketatik kanpoko errore nagusiak 2023 aldian:

Erantzunen tasa (Urtekoa): % 72,03
Estaldura tasa: % 75,37

Kalitate-fitxa

14.1. Aukera

2023 urtean, erreferentziako aldiaren amaieraren eta emaitzen argitalpen-dataren artean igarotako denbora neurtzen duen desfasearen balio erreala 16 hilabete -n kokatu da.

Kalitate-fitxa

14.2. Puntualtasuna

Inkestaren emaitzak Eustaten argitalpenen egutegiaren arabera argitaratzen dira. 2023 urtean egutegia betetzearen adierazlea % 100 izan da.

Kalitate-fitxa

15.1. Konparagarritasun geografikoa

2023 urtean % 100 izan da erreferentziako erakunde edo organismo bakoitzarekin aldera daitezkeen metadatako alderdien ehunekoa neurtzen duen konparagarritasun-tasa.

Kalitate-fitxa

15.2. Denborazko konparagarritasuna

Konparagarriak diren aldien adierazlea, eragiketaren datuen serieko zenbat alditan agertzen diren jauzirik gabe neurtzen duena, 2023 urtean 9 urte urtekoa izan da.

Kalitate-fitxa

15.3. Sektoreen gurutzatzea - koherentzia

MKIek zerikusia du Estatistikako Institutu Nazionalak argitaratzen duen "enpresen egiturazko estatistika: merkataritza-sektorea" delakoarekin.

15.4. Barne-koherentzia

Inkesta horren grabazio-fasean MKIko datuen arteko koherentzia bermatzen da, identifikazio-, jarduera- eta enplegu-datuak alderatuta Eustaten Jarduera ekonomikoen direktorioa (JED) dauden datuekin. Orobat, batura-kontrolak aplikatzea ere bermatzen da. Halaber, egiaztatzen da galdetegia bat datorrela JEDean jasotako jarduera-datuekin (JESN) eta enplegu-datuekin.

16.1. Kostuak eta karga

Eragiketa horren guztizko aurrekontua, 2024ko urteko estatistika-programaren arabera, 149800 €-koa da.

17.1. Datuen berrikustea - Politika

Akatsak gertatzen direnean eta akatsok hedatu ondoren detektatzen direnean, zuzendu egiten dira datuak. Kasu bakoitzari dagozkion produktu estatistikoak (prentsa-oharrak, taula estatistikoak, datu-bankua, etab.) berriz argitaratzen dira. Prentsa-oharrei dagokienez, lauki bat gehitzen da, oharra berrikusi dela jakinarazteko eta errorea zergatik gertatu den azaltzeko.

17.2. Datuen berrikustea - Praktika

Behin-behineko datu jasoen fitxategia lortutakoan, datu jasoak eta erantsiak aztertzen dira lurralde historikoaren arabera, jardueraren eta enplegu-geruzaren azpitaldea. Horretarako, makromagnitude nagusiak eta jarduera arrunten emaitzen kontuak jasotzen dituzten zerrendak sortzen dira.

Azterketatik sortzen diren erregistro batzuei (establezimenduei dagozkienak) aldaketak egiten zaizkie, eta beste batzuk behin betikotzat jotzen dira. Aldaketen bidez, jatorrizko t urteko lagin-datuen fitxategia zuzendu egiten da (landa-lanetik eta administrazio-erregistroetatik sortzen dena), eta prozesua berriz hasten da (zatitu, jaso eta abar). Azkenik, t urteko behin betiko datuak lortzen dira.

18.1 Jatorrizko datuak

MKIak informazio-bilketa bide bikoitz batetik jorratzen du: laginketa bidezko inkesta eta administrazio-dokumentua erabiltzea.

Laginketa bi fasetan egiten da: Lehenengoan, nortasun juridikoaren, enpleguaren eta jardueraren araberako lagina ateratzen da. Gainera, unitate batzuk ziurtasunez sartzen dira laginean, hala nola 50 langile edo gehiagoko geruza. Bigarren fasean, lagina oreka-aldagai batzuetara egokitzen da kuboaren metodoaren bidez.

Administrazio-dokumentu bat erabiltzea: informazioa lortzeko, Eustaten estatistika-eragiketatik datozen datuak erabiltzen dira: Finantzaz besteko enpresen ondare-kontuak. Eragiketa hori honako iturri hauetatik datozen administrazio-datuekin elikatzen da:
- Merkataritza-erregistroetan gordailututako merkataritza-enpresen urteko kontuak.
- SABIn (enpresei buruzko informazioa duen datu-basea) gordailututako merkataritza-enpresen urteko kontuak.
- Fundazioen eta Elkarteen Erregistroan gordailututako fundazioen eta elkarteen urteko kontuak.
- Gipuzkoako sozietateen gaineko zergan gordailututako merkataritza-enpresen urteko kontuak.

MKIan sartzen den informazioa Galera-irabazien Kontua da.

Ikertutako unitate kopurua honako hau da: Sektoreko 11.239 establezimendu.

18.2. Datuen bilketa-maiztasuna

Urtekoa

18.3. Datu-bilketa

Batetik, datuak administrazio-izaerako informaziotik lortzen dira. Araba, Bizkaia eta Gipuzkoako merkataritza-erregistro probintzialen eta Merkataritza Erregistro Zentralaren informazioa jaso da, egoitza soziala Euskal Autonomia Erkidegotik kanpo duten unitateei dagokienez. Euskal AEko Fundazioen eta Elkarteen Erregistroko kontu ekonomikoak ere jasotzen dira.

Bestetik, datuak galdetegi espezifiko baten bidez ere lortzen dira. Informatzaileek bi modutan bete dezakete inkesta; paperezko galdetegi bat erabiliz edo web galdetegia erabiliz.

18.4. Datuen baliozkotzea

Kodetze- eta grabazio-faseari dagokionez, identifikazio-, jarduera- eta enplegu-datuak alderatzen dira Eustaten Jarduera Ekonomikoen direktorioa (JED) ageri direnekin, bat datozela ziurtatzeko, eta egiaztatzen da datu ekonomikoak koherenteak direla JEDean jasotako jarduera-datuekin (JESN) eta enplegu-datuekin. Baturen kontrola ere egiten da eta egiaztatzen da galdetegiak barne-koherentzia duela.

Finantzaz besteko enpresen ondare-kontuak eragiketak bere gain hartzen du administrazio-fitxategietatik datozen kontuen arazketa. Erabilitako tekniken zehaztapena eragiketa horren metodologia-fitxan deskribatzen da eta hori Eustaten webgunean argitaratuta dago.

18.5. Datuen bilketa

Erantzunik eza tratatzeko, unitatearen jarduera-sektoreko batez besteko ratioen arabera egozten da, falta diren datuekin.
Grabatzeko, baliozkotzeko eta automatikoki egozteko prozesuak gainditu ondoren, datu-fitxategi bat lortzen da JED eta datu ekonomikoen fitxategia eguneratzeko. Azken horretarako, guztizkoen (igoera) eta horien aldakuntza-koefizienteen (laginketa-erroreak) zenbatespenak kalkulatuko dira. MKIaren lagin-datuak jasotzeko erabilitako zenbateslea zenbatesle konposatu bat da, eta biztanleriaren enplegua da goratzeko erabiltzen den aldagai osagarria. Jasotze-metodoa eta erabilitako aldakuntza-koefizienteak deskribatzeko, Laginketa-erroreen kalkulua dokumentua kontsulta daiteke. Zerbitzuen inkesta, Eustaten webgunean argitaratua.

18.6. Doikuntza

Argitaratutako serieetan ez da urtaro-doikuntzarik egiten.

Laginketa-Erroreen Kalkulua. Zerbitzuen inkesta.

Zuzeneko eta zeharkako zenbatesle batzuetako aldakuntza-koefizienteen kalkulua

19.1. Oharrak

--